Zakari 14:4 - Labib An Kreol Seselwa

⁴ Sa zour, i pou poz son lipye lo Montanny Zolivye ki lo kote Les Zerizalenm. Montanny Zolivye pou fann an de e form en gran vale dan direksyon Les-Was. Lanmwatye montanny pou rekil dan Nor e lot lanmwatye dan Sid.

Zakari 14:4 ပူးပေါင်းရင်းမြစ်များ

2 Samyel 15:30

David ti monte dan direksyon montanny Olivye. I ti monte an pleran, latet kouver; i ti pe mars pyeni; tou sa ki ti avek li ti osi kouver latet, e zot ti monte an pleran.

Ezekyel 11:23

Apre, laglwar SENYER ti monte sorti dan milye lavil e aret lo montanny ki dan Les lavil.

Ezekyel 38:20

Pwason dan lanmer, zwazo dan lezer, bann zannimo sovaz, sa ki ranpe lo later, tou bann imen, pou tranble devan mon prezans. Montanny pou afese, ros dan montanny pou degrengole, tou miray pou degrennen.

Ezekyel 43:2

Mon ti war laglwar Bondye Izrael sorti lo kote Les. I ti parey tapaz en gro delo. I ti ekler later avek son laglwar.

Habakouk 3:6

Kan i arete, later i tranble. I get bann nasyon, zot tranble. Bann montanny ansyen i fann an de; bann kolin ek bann santye ki la depi lontan, zot afese; zot ki otrefwa ti son semen.

Zakari 14:10

Pei antye pou vin en laplenn, depi Geba ziska Rimonn ki sitye dan Sid avek Zerizalenm. Me Zerizalenm pou reste kot i ete lo oter, depi Laport Benzamen kot vye laport ti ete, ziska laport Kwen, e depi Latour Hananeel, ziska bann basen lerwa kot i kraz rezen pour fer diven.

Zakari 14:7

Sa zour ki zis SENYER i konnen, pa pou annan ni lizour, ni lannwit e kan lannwit pou tonbe, i pou reste kler.

Zakari 14:8

Sa zour, delo pir pou sorti dan Zerizalenm; lanmwatye pou koul lo kote Les, lot lanmwatye pou koul lo kote Was. Sa pou kontinyen pandan lete koman liver.

Zakari 4:7

Ki ou ete, ou ki en gran montanny? Devan Zorobabel, ou pou vin en laplenn. I pou tir ros fondasyon pandan ki dimoun pe kriye: Bravo! Bravo!”

Mark 11:23

Mon dir zot, sa i laverite: Si en dimoun i dir avek sa montanny: Sorti la e al zet ou dan lak. Si i napa okenn dout dan son leker, e i krwar ki sa ki i'n dir pou realize, sa pou arive.