Zakari 14:1 - Labib An Kreol Seselwa

¹ Sa zour ki pour SENYER pe vini, kan bann depouy lager pou ganny partaze parmi zot.

Zakari 14:1 ပူးပေါင်းရင်းမြစ်များ

Ezai 13:9

Sa zour SENYER pe vini, en zour terib, deborde avek gran lakoler. En zour ki i pou fer later vin en landrwa devaste e ekstermin tou sa bann ki fer pese.

Ezai 2:12

Annefe, SENYER liniver in gard son zour pour li azir kont bann ki fyer e vantar, ler i pou abes sa bann ki krwar zot siperyer.

Revelasyon 16:14

Annefe, sa i bann lespri demon ki fer bann siny. Zot ti al kot bann lerwa lo later, pour rasanble zot pour konbat kan sa gran zour Bondye Toupwisan pou arive.

Akt de Zapot 2:20

Soley pou vin fernwanr, e lalin pou vin disan, avan ki zour Senyer i arive, sa zour gran e glorye.

Malasi 4:1

SENYER liniver i deklare: La sa zour pe arive. I pou so parey en dife kot tou bann arogan ek bann malfeter pou brile parey lapay. Sa zour, zot pou bril tou konpletman, san les ni rasin ni brans.

Ezai 13:6

Lamante! Akoz zour SENYER i pros. I pe vini parey en dezas ki'n ganny anvoye par Bondye pwisan.

Malasi 4:5

Gete: Mon pou anvoy zot profet Eli avan ki sa zour SENYER i vini, sa zour ki pou gran e terib.

Zoel 3:14

Gran, Gran lafoul pe rasanble dan vale zizman. Zour SENYER i pros; i pe vin dan vale zizman.

Zoel 2:31

Avan sa zour SENYER i arive, soley pou vin sonm, lalin pou vin kouler disan. I pou en zour gran e terib.

Zoel 2:1

Sonn tronpet lo montanny Siyon! Kriye lo mon montanny sakre! Tranble, zot bann zabitan pei Zida! Zour SENYER pe vini, i byen pros.

Zakari 14:14

Menm Zida pou lager dan Zerizalenm. Alor, zot pou pran tou larises bann nasyon dan zalantour: Lor, larzan, lenz an kantite.

Sofoni 1:7

Fer silans devan Senyer BONDYE! Akoz zour zizman SENYER i pros. SENYER in prepar en sakrifis; i'n konsakre son bann envite.