Zakari 13:9 - Labib An Kreol Seselwa

⁹ Mon pou zet sa dernyen tyer dan dife. Mon pou fer li fonn parey ou fer fonn larzan. Mon pou teste li parey ou teste lor. I pou envok mon non e mon pou egzos li. Mon pou dir: Ou menm mon pep! Zot ava reponn: SENYER ki nou Bondye!

Zakari 13:9 ပူးပေါင်းရင်းမြစ်များ

2 Samyel 7:24

Ou'n etabli Izrael, ou pep pour li vin ou pep pour touzour, e ou SENYER, ou'n vin son Bondye.

Liv Zob 23:10

Pourtan, i konnen ki semen mon pran. Ler in teste mwan, mon pou sorti osi pir ki lor.

Liv Zob 28:1

I annan sirman en min kot ou fouy larzan; e en landrwa kot lor i ganny pirifye.

Psonm 144:15

I byennere sa pep ki annan tousala! I byennere sa pep pour ki Bondye i SENYER!

Psonm 43:4

Alor, mon pou al kot lotel Bondye, ver mon Bondye ki donn mwan lazwa e rann mwan ere. Mon pou loue li avek laarp, li, Bondye, mon Bondye!

Psonm 50:15

Apel mwan zour ou dan maler; mon ava delivre ou e ou ava sant mon laglwar.

Psonm 91:15

Kan i ava kriy ver mwan, mon pou reponn li. Dan son maler, mon pou la avek li; mon pou sov li e fer li loner.

Proverb 17:3

Dife i teste lor ek larzan; me SENYER i sond leker.

Kantik Salomon 2:16

Mon byenneme i pour mwan e mon pour li. I fer son troupo manz parmi bann lis ki'n fleri.

Ezai 43:2

Si ou travers lanmer, mon pou avek ou; si ou travers bann gran larivyer, ou pa pou ganny trennen. Si ou mars atraver dife, ou pa pou ganny brile, e bann laflanm pa pou fer ou dimal,

Ezai 48:10

Gete! Mon'n pirifye ou dan dife, pa parey larzan i ganny pirifye, me mon'n fer ou pas dan dife lafliksyon.

Ezai 58:9

Alor, ou ava apel osekour. Mwan SENYER, mon pou reponn ou. Ou pou kriy osekour e mon pou dir ou: La mon la. Si ou tir sa bann fardo ki parmi lepep, si ou aret akize e dir dimal,

Zeremi 24:5

La sa ki mwan SENYER, Bondye Izrael mon deklare: Sa bann dimoun ki mon ti fer deporte Babilonn, zot parey sa bann bon fig. Alor mon pou tret zot avek bonte.

Zeremi 30:22

Alor, zot ava vin mon pep e mon pou vin zot Bondye.

Zeremi 31:33

La koman pou ete, sa nouvo lalyans ki mon pou fer avek mon pep, SENYER i deklare: Mon pou met mon bann lalwa dan zot leker. Alor, mon ava vin zot Bondye, e zot ava vin mon pep.

Zeremi 32:38

Alor, zot pou vin mon pep, e mon pou vin zot Bondye.

Zeremi 9:6

Zot fer aksyon vyolan enn deryer lot. Zot koz manti tou lazournen. Zot refize rekonnet mwan koman zot Bondye, SENYER i deklare.

Ezekyel 11:20

Konmsa, zot ava obei mon komannman e met an pratik mon bann regleman. Zot ava vin mon pep e mwan, mon ava zot Bondye.

Ezekyel 14:11

Konmsa, pep Izrael pou nepli egare lwen avek mwan e zot pa pou vin pli enpir par zot fot. Alor, zot ava vin mon pep e mwan, mon ava vin zot Bondye. Senyer BONDYE ki deklare.

Ezekyel 20:38

Mon pou tir parmi zot, bann ki rebel e ki dezobei mwan; mon pou tir zot dan pei kot zot reste, me zot pa pou antre dan pei Izrael. Konmsa, zot ava konnen ki mwan menm SENYER.

Ezekyel 36:28

Zot pou reste dan pei ki mon'n donn zot bann zanset. Zot pou vin mon pep, e mon pou vin zot Bondye.

Ezekyel 37:27

Mon pou reste parmi zot; mon pou vin zot Bondye e zot ava vin mon pep.

Danyel 11:35

Parmi bann ki annan disernman, i annan ki pou tonbe, pour ki zot ganny netwaye, pirifye e lave ziska letan lafen, akoz sa pou ariv dan en letan ki'n ganny fikse.

Danyel 12:10

Bokou pou ganny pirifye, lave e netwaye; me bann malfeter pou kontinyen persiste dan sa ki mal. Okenn bann malfeter pa pou konpran, me sa enn ki annan disernman ava konpran.

Zoel 2:32

Sa zour la, sa enn ki envok SENYER, ava ganny sove, parey SENYER in promet Zerizalenm, lo montanny Siyon. Pou annan parmi bann sirvivan, en restan pep ki SENYER in apele.

Levitik 26:12

Mon pou mars parmi zot; mon pou vin zot Bondye e zot ava vin mon pep.

Zakari 10:6

Mon pou donn pep Zida ki'n plis kouraz e mon pou sov pep Izrael. Mon pou fer zot retournen, akoz mon annan konpasyon pour zot. Zot ava konmsi zanmen mon'n rezet zot. Mwan menm SENYER zot Bondye e mon pou egzos zot.

Zakari 12:10

Mon pou repann lo tribi David e lo bann zabitan Zerizalenm, en lespri konpasyon ek siplikasyon. Konmsa, kan zot ava lev lizye ver mwan ki zot in transperse, zot ava plere, parey sa enn ki pler son sel garson avek bokou tristes, parey sa enn ki plere lo son premye zanfan.

Zakari 8:8

Mon pou fer zot retourn dan Zerizalenm. Zot pou vin mon pep e mon pou zot Bondye ki fidel e zis.

Akt de Zapot 2:21

Alor, sa enn ki pou envok non Senyer, pou ganny sove.

Ebre 8:10

Aprezan, la lalyans ki mon pou fer avek pep Izrael: Apre sa bann zour, Senyer ti deklare, Mon pou met mon bann lalwa dan zot lespri. Mon pou ekri li dan zot leker, mon pou vin zot Bondye, e zot ava vin mon pep.

Let Zak 1:12

I byennere sa enn ki reste ferm dan leprev. Annefe, apre ki i'n ganny teste, i pou resevwar kouronn laviktwar ki Bondye in promet tou bann ki kontan li.

1 Pyer 4:12

Mon bann zanmi! Pa bezwen etonnen par bann gran soufrans ki zot pe pas ladan. Napa nanryen ekstraordiner dan sa ki pe ariv zot.

Revelasyon 21:7

Sa enn ki ranport laviktwar pou erit tousala. Mon pou vin son Bondye e li, i pou vin mon garson.

Revelasyon 8:10

Trwazyenm lanz ti soufle dan son tronpet. En gran zetwal ti tonbe sorti dan lesyel e brile koman en flanbo. I ti tonm lo en tyer bann larivyer ek sours delo.

Revelasyon 8:11

Sa zetwal i apel Lanmertim. En tyer delo ti vin anmer e bokou dimoun ti mor, akoz delo ti'n vin anmer.

Revelasyon 8:12

Katriyenm lanz ti soufle dan son tronpet. En tyer soley ti ganny afekte, avek en tyer lalin e en tyer bann zetwal; zot ti perdi en tyer zot laklerte. Lizour ti perdi en tyer son lalimyer e lannwit parey.

Revelasyon 8:7

Premye lanz ti soufle dan son tronpet. Lagrel ek dife melanze avek disan ti devers lo later. En tyer later, en tyer bann pye dibwa ek tou zerb ver ti ganny brile.

Revelasyon 8:8

Dezyenm lanz ti soufle dan son tronpet. En keksoz ki ti parey en gran montanny anflanm ti ganny zete dan lanmer. En tyer lanmer ti vin disan.

Revelasyon 8:9

En tyer bann kreatir dan lanmer ti mor, e en tyer bann bato ti ganny detri.