Zakari 13:2 - Labib An Kreol Seselwa

² La sa ki SENYER liniver i deklare: Mon pou debaras pei avek non bann zidol e personn pa pou mazin zot ankor. Mon pou osi debaras pei avek bann profet ek zot lanvi enpir.

Zakari 13:2 ပူးပေါင်းရင်းမြစ်များ

1 Rwa 22:22

I ti reponn, “Mon pou sorti e mon pou vin en lespri mansonz dan labous tou bann profet.” SENYER ti dir, “Wi, al tant li e ou ava reisi. Ale! Al fer li.

Psonm 16:4

Dimoun ki swazir en lot bondye pou konn en kantite soufrans. Mon pa pou pran par dan zot bann sakrifis disan. Zot non pa pou sorti dan mon labous.

Egzod 22:13

Si sa zannimo in ganny desire par en zannimo sovaz, i ava ganny anmennen koman levidans. I pa pou pey konpansasyon pour sa zannimo ki'n ganny desire par en zannimo sovaz.

Egzod 23:13

Ekout byen tou sa ki mon'n dir zot. Pa zanmen envok non okenn lezot bondye; pa ni menm mansyonn zot non.

Ezai 2:18

Tou bann zidol pou disparet.

Ezai 2:20

Sa zour, dimoun pou zet avek bann tang ek bann sovsouri, bann zidol annarzan e annor fer par zot menm pour adore.

Zeremi 29:23

Tousala pou arive, akoz zot in fer en keksoz degoutan dan Izrael: Zot in komet adilter avek fanm zot vwazen e zot in koz manti lo mon non, bann parol ki mon pa ti'n ordonn zot. Mon konnen, e mon temwen tousala. SENYER ki deklare.

Ezekyel 12:24

Pou nepli annan fo vizyon, ni prediksyon flater dan pei Izrael.

Ezekyel 13:23

Aprezan, zot pou nepli ganny sa bann fo vizyon, ni bann prediksyon. Mon pou delivre mon pep ki anba zot pouvwar. Alor, zot ava konnen ki mwan menm SENYER.

Ezekyel 14:9

Si en profet i les li ganny tronpe e reponn par son prop lotorite, mwan SENYER ki pou tronp li. Mon pou montre li mon pwisans e mon pou fer li disparet parmi mon pep, Izrael.

Ezekyel 30:13

La sa ki Senyer BONDYE i deklare: Mon pou detri tou zot bann zidol; mon pou fer disparet bann stati dan Menmfis. Dan Lezip, pou nepli annan personn pour gouvernen. Alor, mon pou ranpli li avek lafreyer.

Ezekyel 36:25

Mon pou asperz zot avek delo pir e fer zot vin pir. Mon pou pirifye zot avek tou zot bann aksyon ek tou zot bann zidol ki'n rann zot enpir.

Ezekyel 36:29

Mon pou delivre zot avek tou sa ki rann zot enpir. Mon pou fer dible pouse e donn zot bon rekolt. Mon pa pou fer zot konn lafanmin ankor.

Ezekyel 37:23

Zot pou nepli rann zot enpir ankor par zot bann zidol e par zot bann aksyon degoutan, ni par tou lezot pese. Me mon pou delivre zot dan tou bann landrwa kot zot in fer pese kont mwan. Mon pou pirifye zot; zot ava vin mon pep e mon ava vin zot Bondye.

Ezekyel 43:7

Sa lavwa ti dir mwan: Ou ki en imen, ekoute! Isi i landrwa kot mon tronn i ete; la kot mon poz mon lipye. Mon pou reste parmi pep Izrael pour touzour. Ni pep Izrael, ni son bann lerwa pa pou dezonor mon non sen ankor par zot lavi prostitisyon e par bann kadav zot bann lerwa lo zot bann oter.

Ezekyel 6:6

Partou kot zot ete, zot bann lavil pou ganny devaste, landrwa sakre detri, lotel, zidol ek bann brazye lansan kas an morso e tou sa ki zot in fer pou disparet.

Oze 14:8

Efraim! Ki i annan ant mwan ek ou bann zidol? Se mwan ki reponn e pran swen avek ou. Parey en pye dibwa byen ver, mon ava kouver ou anba mon feyaz. Mwan ki fer ou donn fri.

Oze 2:17

Mon pou fer disparet non Baal dan son labous. Zot pa pou mansyonn sa non ankor.

Oze 2:19

Mon pou fer ou vin mon fanm pour touzour; Ou ava vin mon fanm par lazistis, fidelite ek lanmour.

Mise 2:11

Si en dimoun i pas letan envant mansonz, e anonse: Zot pou ganny diven ek labwason for! Sanmenm kalite profet ki sa pep i oule!

Sofoni 2:11

SENYER pou azir dan en fason terib kont zot. I pou detri tou bann bondye lo later. Bann nasyon dan bann zil lwenten, pou prosternen devan li.

Matye 12:43

“Kan en move lespri i sorti dan en dimoun, i ale vini dan bann landrwa dezer pour rod en plas pour li repoze. Me i pa trouv okenn landrwa.

Matye 7:15

Mefye zot bann fo profet. Zot vin kot ou degize dan lapo mouton, me anndan, zot en bann loulou feros.

Levanzil dapre Lik 11:20

Me si se par ledwa Bondye ki mon sas bann demon, alor, Rwayonm Bondye in ariv parmi zot.

Deterononm 12:3

Kas zot bann lotel, kraz zot bann ros sakre, bril bann poto sakre Asera, kas bann stati zot bann bondye. Konmsa, zot ava fer disparet non sa bann bondye dan tou sa bann landrwa.

Deterononm 18:20

Me nenport ki profet ki koz lo non lezot bondye, oubyen ki pretann koz lo mon non e ki dir en parol ki mon pa'n ordonn li, sa profet pou bezwen ganny touye.

Zozye 23:7

Pa bezwen al melanz zot avek sa bann nasyon ki ankor reste obor zot. Zot pa pou servi non zot bann bondye e zot pa pou fer serman lo zot non; zot pa pou servi sa bann bondye, e zot pa pou prosternen devan zot.

Revelasyon 18:2

I ti kriye avek en lavwa for: I'n tonbe! Gran Babilonn in tonbe! I'n vin landrwa reste pour bann demon, en landrwa reste pour tou bann lespri enpir; en landrwa kot tou kalite zwazo enpir e degoutan i reste.

Revelasyon 19:20

Sa bebet ti ganny kaptire, ensi ki sa fo profet ki ti'n fer bann siny devan li; bann siny ki ti tronp bann ki ti'n resevwar mark sa bebet ek bann ki ti ador son stati. Tou le de ti ganny zete vivan dan lak dife kot souf ti pe brile.