Zakari 11:3 - Labib An Kreol Seselwa

³ Ekout bann berze ki pe plennyen, akoz zot laglwar in disparet. Ekout bann lyon ki pe kriye, akoz lafore dan bor larivyer Zourden in ganny detri.

Zakari 11:3 ပူးပေါင်းရင်းမြစ်များ

Psonm 22:21

Sov mwan dan lagel lyon; delivre mwan kont korn bann toro sovaz.

Ezai 5:29

Zot kriy parey en lyon, zot gronnyen parey en pti lyon; zot anmenn zot viktim dan bann landrwa sir, kot personn pa kapab vin pran.

Ezai 65:15

Bann ki mon'n swazir, pou servi ou non koman en malediksyon: Senyer BONDYE pou detri zot. Me i pou donn son bann serviter en lot non.

Zeremi 2:15

Zot kriy avek li parey bann zenn lyon ki fer tande zot lavwa. Zot in detri son pei konpletman. Personn pa reste dan bann lavil brile.

Zeremi 2:30

Mon'n esey koriz ou bann zanfan; me sa pa'n servi dan nanryen. Parey en lyon anraze, ou'n masakre bann profet ki mon ti'n anvoy ou.

Zeremi 26:6

alor, mon pour detri sa tanp parey mon ti fer kraz sa enn ki Silo e fer Zerizalenm vin en malediksyon pour tou bann nasyon ki lo later.

Zeremi 49:19

Parey en lyon ki sorti dan brousay obor larivyer Zourden pour vin dan laplenn, mon pou vini e fer tou dimoun taye kot zot. Alor, mon pou etabli en sef ki mon ava'n swazir. Lekel ki kapab konpar li avek mwan? Lekel ki pou oze kontredir mwan? Lekel sa berze ki pou kapab opoz mwan?

Zeremi 50:44

Mon pou vin parey en lyon ki sorti dan brousay, obor larivyer Zourden dan en oazis, SENYER i deklare. Toudenkou, mon pou fer zot sove. Alor, mon pou nonm en sef ki mon ava'n swazir. Annefe, lekel ki kapab konpar li avek mwan? Lekel ki pou al kont mwan? Lekel sa berze ki pou kapab opoz mwan?

Zeremi 7:4

Aret krwar dan sa bann fo parol ki zot dir: Sa i tanp SENYER, sa i tanp SENYER, sa i tanp SENYER.

Ezekyel 19:2

Ou ava dir: Ou manman, pa ti en femel lyon? I ti dormi parmi bann lyon, pour sonny son bann piti.

Oze 10:5

Bann zabitan Samari i tranble devan zot zenn bef. Zot pou port dey pour zot zidol e bann pret pou plere pour zot. Zot ava lamante pour laglwar ki'n al annegzil lwen avek zot.

Zoel 1:13

Zot bann pret! Met zot lenz dey! Lamante, zot ki servi lo lotel! Antre dan tanp e pas lannwit dan lenz dey. Lamante, zot bann serviter Bondye! I nepli annan lofrann vezetal ek lofrann diven dan tanp zot Bondye.

Amos 8:8

Pour sa rezon, later pou tranble. Tou bann zabitan pou an dey. Pei antye pour ganny sekwe; i pou leve e desann parey larivyer Nil dan Lezip.

Sofoni 1:10

La sa ki SENYER i deklare: Sa zour, zot pou antann kriye depi Laport Pwason. Zot pou antann irlman sorti dan Nouvo lavil; e en gran tapaz sorti dan kolin.

Sofoni 3:11

Sa zour, ou pou nepli onte akoz ou bann move aksyon ki ti fer ou revolte kont mwan. Mon pou fer disparet parmi zot, tou bann ki fyer e arogan. Ou ava arete montre ou lorgey lo mon montanny sen.

Sofoni 3:3

Son bann sef i parey bann lyon ki pe kriye. Son bann ziz i parey bann loulou ki fer lasas aswar. Kan bomaten i fer, zot napa nanryen pour manze.

Zakari 11:2

Bann pye sipre i plere, akoz bann pye sed in tonbe, akoz bann zoli pye dibwa in ganny detri.

Zakari 11:8

Apre zis en mwan, mon ti sas sa trwa berze. Apre, mon ti perdi pasyans avek bann mouton. Zot osi, zot ti deteste mwan.

Matye 15:14

Les zot! Zot en bann aveg ki pe kondwir bann aveg. Ler en dimoun aveg i kondwir en lot aveg, tou le de i tonm dan rigol.”

Akt de Zapot 7:52

Lekel profet ki zot bann zanset pa'n persekite? Zot in touy tou bann ki'n anons larive sa enn ki Zis. Aprezan, li menm ki zot in trai e ki zot in touye.