Zakari 11:16 - Labib An Kreol Seselwa

¹⁶ Annefe, mon pe al swazir dan pei, en berze ki pa pran swen bann mouton ki pe mor, oubyen al rod sa enn ki'n perdi. I pa pou pran swen sa enn ki'n ganny blese, oubyen angres sa enn ki an bonn sante. Me, i pou devor sa bann ki byen gra e i pou fann zot sabo.

Zakari 11:16 ပူးပေါင်းရင်းမြစ်များ

Zenez 31:38

Mon'n avek ou pandan 20 an, okenn ou bann kabri ek mouton pa'n avorte. Ou ti fer mwan rann kont sa ki ti ganny vole aswar koman lizour.

Zenez 33:13

Me Zakob ti dir li, “Mon senyer i konnen ki bann zanfan i feb, e ki bann zannimo ki pe donn tete i dan mon responsabilite. Si zot mars tro bokou pandan en sel zour, zot pou mor.

Ezai 40:11

Parey en berze i fer, i pou vey lo son troupo. I pou rasanble bann mouton dan son lebra e anmenn zot lo son leker. Dousman, i ava gid bann manman mouton.

Zeremi 23:2

Akoz tousala, la sa ki SENYER, Bondye Izrael, i deklare kont sa bann berze ki sipoze pran swen son pep: Zot pa'n okip mon troupo; zot in dispers li dan tou kote. Alor, mwan ki pou okip zot e pini zot mannyer fer, SENYER i deklare.

Zeremi 23:22

Si zot ti konn sa ki mon mazinen dan sekre, zot ti ava'n proklanm mon mesaz avek mon pep. Konmsa, zot ti ava'n kapab fer lepep sanz son mannyer viv, e son move mannyer fer.

Ezekyel 34:10

La sa ki Senyer BONDYE i deklare: Mon pou pran aksyon kont bann berze; mon pou fer zot rann mwan kont mon bann mouton. Mon pou repran mon troupo; mon pa pou kontinyen les zot ansarz, pour ki bann berze nepli kontinyen profit lo zot. Mon pou aras mon bann mouton dan zot labous; zot pa pou kontinyen servi zot pour zot nouritir.

Ezekyel 34:16

Mon pou rod bann ki'n perdi; fer retournen bann ki'n egare; pans bann ki'n ganny blese e fer bann ki malad repran zot lafors. Me mon pou elimin bann ki gra e for. Mon pou diriz mon troupo avek ladrwatir.

Ezekyel 34:21

Akoz zot in pouse e bouskile avek zot kote ek zot zepol, e tap koudkorn bann ki feb ziska ki zot in ganny disperse partou deor,

Danyel 11:36

Sa lerwa pou fer sa ki i anvi. I pou ranpli avek lorgey e i pou plas li par lao tou bondye. I pou koz parol blasfenm kont Bondye ki par lao tou bondye. I pou reisi ziska ki lakoler Bondye i aparet. Bondye pou realiz sa ki i'n deside.

Levanzil dapre Zan 10:1

Zezi ti dir, “Mon dir zot, sa i laverite: Sa enn ki pa antre dan berkay mouton par laport, me grenp par en lot landrwa, i en voler e en bandi.