Zakari 10:9 - Labib An Kreol Seselwa

⁹ Mon ti'n dispers zot parmi bann nasyon, me menm dan bann pei etranze, zot pou mazin mwan. Zot pou fer zanfan e zot pou retournen.

Zakari 10:9 ပူးပေါင်းရင်းမြစ်များ

Nehemi 1:9

Me si zot retourn ver mwan, gard mon bann komannman e met zot an pratik, menm si zot ava ganny sase tre lwen, mon pou al rod zot kot zot ete e fer zot retourn dan landrwa kot mon'n swazir pour etabli mon non.

Ester 8:17

Dan sak provens e dan sak lavil, partou kot lord ek lalwa lerwa ti arive, bann Zwif ti dan lazwa; ti en zour lafet. Bokou parmi lepep dan pei ti deklar zot Zwif, akoz zot ti'n per bann Zwif.

Ezai 44:21

Rapel sa Zakob! Ou osi, Izrael! Akoz ou mon serviter. Mon'n form ou pour ou vin mon serviter. Izrael! Mon pa pou oubliy ou.

Ezai 64:4

Personn pa'n zanmen konnen; zorey pa'n zanmen tande; lizye pa'n zanmen war okenn Bondye parey ou, ki azir konmsa, anver dimoun ki met son lespwar dan ou.

Ezai 65:23

Zot pou nepli fatig zot pour nanryen, ni fer zanfan ki pou fer zot maler, akoz zot pou sa zenerasyon ki SENYER pou beni, avek osi son bann desandan.

Ezai 65:9

Mon pou fer sorti en desandan dan Zakob. Dan Zida pou sorti en zeritye; bann ki mon'n swazir pour erit mon bann montanny la kot mon bann serviter pou enstal zot.

Zeremi 31:27

Letan pe vini, SENYER i deklare, kan mon pou ranpli Izrael ek Zida avek zabitan ek zannimo, parey ler ou senm lagrenn dan en plantasyon.

Zeremi 51:50

Ou'n sap lanmor! Ale aprezan! Pa trennen! Menm si ou lwen ek lakour, pa oubliy mwan ki ou SENYER, e rapel ou Zerizalenm.

Ezekyel 6:9

Bann sirvivan ava mazin mwan parmi bann nasyon kot zot pou viv koman bann egzile. Zot ava rapel ki mannyer mon'n detri zot, avek zot leker enfidel ki'n abandonn mwan e zot lizye ki'n reste fikse lo sa bann zidol. Zot pou ganny repinyans pour zot prop lekor, akoz bann aksyon degoutan ki zot in komet.

Oze 2:23

Mon pou senmen dan sa pei; mon pou kontan Lo-Rouama setadir, Sa enn ki mon pa kontan. Mon pou apel Lo-Ami: Mon pep e i pou reponn: Mon Bondye.

Amos 9:9

Annefe, mon pou donn mon bann lord; mon pou sekwe zabitan Izrael parey ou sekwe legren dan en tanmi, e napa okenn gravye ki pou tonbe.

Mise 5:7

Leres desandan Zakob, parmi bann nasyon nonbre, ava parey en laroze ki sorti kot SENYER, parey en zanbren lapli lo zerb, e ki pa depann lo okenn imen. Zot pa esper nanryen sorti kot personn.

Akt de Zapot 8:1

Sol ti dakor avek sa bann ki ti touy Etyenn. Sa menm zour, en gran persekisyon kont Legliz Zerizalenm ti konmanse. Tou bann krwayan, eksepte bann zapot, ti sov dan bann rezyon Zide ek Samari.

Akt de Zapot 8:4

Bann krwayan ki ti'n disperse, ti al partou pour anons Bonn Nouvel.

Romen 11:24

Ou ki en non-Zwif, ou parey en brans zoliv maron ki Bondye in koupe e grefe lo en pye zoliv fran, kontrer avek ou natir. Ou ki en Zwif, ou en brans natirel en pye zoliv fran. Alor, Bondye ava kapab regref ou lo ou prop pye.