Zakari 10:8 - Labib An Kreol Seselwa

⁸ Mon pou donn zot sinyal pour rasanble zot, akoz mon'n sov zot. Zot popilasyon pou osi nonbre ki zot ti ete avan.

Zakari 10:8 ပူးပေါင်းရင်းမြစ်များ

1 Rwa 4:20

Zabitan rwayonm Zida ek Izrael ti nonbre koman disab dan bor lanmer. Zot ti annan dekwa pour manze e bwar.

Egzod 1:7

Bann Izraelit ti annan bokou zanfan. Zot ti ranpli Lezip e vin deplizanpli tre for.

Ezai 44:22

Mon'n balye ou bann fot parey en nyaz e ou bann pese parey en brouyar. Retourn kot mwan akoz mon'n sov ou.

Ezai 48:20

Sorti dan Babilonn! Sove! Kit bann Kaldeen. Kriye dan lazwa! Proklanmen! Fer tande ziska dan lot bout later. Dir: SENYER in sov son serviter Zakob.

Ezai 5:26

SENYER pou donn en sinyal bann nasyon ki reste tre lwen; i pou soufle avek en pep ki reste dan profonder later. La i pe vini avek lavites!

Ezai 51:11

Konmsa, bann ki SENYER in sove ava retournen e sant bann kantik letan zot mont Siyon; pou touzour annan lazwa lo zot figir; zot ava touzour dan lakontantman ek lazwa; zot pou nepli ni sagren ni plere.

Ezai 7:18

Sa zour, SENYER pou soufle lo ou pour fer vini bann mous sorti Lezip dan lanbousir larivyer Nil, ek mous dimyel sorti Asiri.

Ezai 7:19

Zot pou vin apoz dan bann presipis, dan lafant ros, lo bann zarbis e dan laplenn zerb.

Zeremi 33:22

Parey i pa posib kont bann zetwal dan lesyel, ni bann gren disab dan lanmer, mon pou osi ogmant desandans mon serviter David e bann desandan Levi ki servi mwan koman pret.

Oze 1:10

Pep Izrael pou vin koman disab lo bor lanmer, personn pa pou kapab konte. La kot zot ti dir: Ou pa mon pep! Zot pou ganny dir: Zot zanfan Bondye vivan.

Mise 2:12

Mon pou rasanble zot, desandan Zakob! Mon pou rasanble leres pep Izrael! Mon pou rasanble zot parey bann mouton dan berkay, koman en troupo dan laplenn. Zot pou form en lafoul tapazer.

Zakari 9:11

Ou osi, akoz lalyans avek ou ki mon'n sele par disan, mon pou liber ou bann prizonnyen ki dan lafos kot napa delo.

Matye 11:28

Vin kot mwan zot tou ki fatige anba en fardo; mwan, mon ava donn zot repo.

Revelasyon 22:17

Lespri ek Nouvel Marye i dir: Vini! Ou ki tande, dir: Vini! Sa ki swaf, vini! Sa ki anvi, vin pran delo lavi gratwitman!

Revelasyon 7:9

Apre sa, mon ti regarde e mon ti war en gran lafoul ki personn pa ti kapab konte, sorti dan tou nasyon, tribi, pep ek lalang. Zot ti debout devan tronn e devan Zenn Mouton, abiye dan rob blan, avek brans palm dan lanmen.