Zakari 10:7 - Labib An Kreol Seselwa

⁷ Apre sa, bann zabitan Efraim pou vin parey bann vayan gerye. Zot leker pou dan lazwa parey kan ou'n bwar diven. Zot bann zanfan pou kontan kan zot ava war sa; zot leker pou dan lazwa akoz SENYER.

Zakari 10:7 ပူးပေါင်းရင်းမြစ်များ

Zenez 18:19

Annefe, mon'n swazir li, pour li ansenny son bann zanfan ek son desandans apre li, pour zot gard komannman SENYER dapre lazistis ek ladrwatir. Konmsa, SENYER ava akonpli sa ki i'n promet Abrahanm.”

Zenez 43:34

Zozef ti fer servi zot porsyon manze ki sorti lo son latab. Porsyon ki Benzamen ti gannyen ti senk fwa plis ki pour lezot. Alor, zot ti bwar diven avek li ziska zot ti soule.

Psonm 102:28

Bann zanfan ou serviter ava viv an sekirite; zot desandan ava viv anba ou proteksyon.

Psonm 104:15

Diven pour fer leker zwaye, delwil pour fer klate figir e dipen pour redonn lafors.

Psonm 13:5

Me mwan, mon'n met mon konfyans dan ou fidelite. Mon leker i kontan akoz ou'n delivre mwan.

Psonm 28:7

SENYER i mon lafors, i protez mwan. Mon met mon konfyans dan li, e i vin sekour mwan. Mon pou loue li avek bann kantik.

Psonm 33:21

Nou'n met nou konfyans dan son non sen, i lazwa ki dan nou leker.

Psonm 90:16

Fer ou bann serviter war bann mervey ki ou'n akonpli e nou bann zanfan ava dekouver ou laglwar.

Ezai 25:9

Sa zour, dimoun pou dir: Li menm li nou Bondye; nou'n esper li. In vin sov nou. Li menm SENYER ki nou ti pe espere. Annou selebre! Annou rezouir! I'n sov nou.

Ezai 38:19

Zis dimoun vivan, sa ki vreman vivan, ki kapab loue ou parey mon pe fer. Se bann paran ki fer zot zanfan konn ou fidelite.

Ezai 54:13

SENYER ki pou edik tou ou bann zanfan, e zot pou viv dan lape.

Ezai 66:14

Zot ava war sa, e zot ava rezoui; zot lezo pou reganny lavi parey gazon; SENYER pou manifeste son pwisans devan son bann serviter; me son lakoler i kont son bann lennmi.

Zeremi 32:39

Mon pou donn zot en sel leker e en sel mannyer viv ki ava fer zot annan respe pour mwan, pour touzour. Sa i ava pour zot prop boner e osi pour boner zot bann desandan.

Ezekyel 37:25

Zot pou reste dan sa pei ki mon'n donn mon serviter, Zakob, la kot zot bann zanset ti reste. Zot pou reste dan sa pei avek zot zanfan ek zanfan zot zanfan, pour touzour. Mon serviter David ava vin zot lerwa pour touzour.

Zoel 2:23

Zot bann zabitan Siyon! Rezoui dan SENYER, zot Bondye. In fer tonbe lapli apre lasesres; in fer tonbe lapli annabondans: Lapli pour sak sezon, parey avan.

Habakouk 3:18

Sepandan, mon pou dan lazwa akoz SENYER; mon pou zwaye akoz Bondye i mon sover.

Sofoni 3:14

Lavil Siyon! Kriye dan lazwa. Zabitan Izrael! Selebre. Zerizalenm! Sante avek tou ou leker.

Zakari 12:8

Sa zour, SENYER pou protez bann zabitan Zerizalenm. Konmsa, sa enn ki pli feb parmi zot, ava parey David e desandan David pou vin parey Bondye pour zot, parey lanz SENYER ki mars devan zot.

Zakari 9:15

SENYER liniver pou protez zot. Zot ava detri e kraz bann ros ki servi dan fles. Zot ava bwar zot disan konmsi diven. Zot ava plen parey lakoup, e kouver bann kwen lotel.

Zakari 9:17

Zot pou vreman ere! Zot pou vreman zoli! Dible ava donn lafors bann zennzan e diven nouvo bann zenn fiy.

Levanzil dapre Lik 1:47

Mon lespri i dan lazwa akoz Bondye, mon Sover.

Levanzil dapre Zan 16:22

Pour zot osi i parey: Aprezan, zot tris; me mon pou revwar zot apre. Alor, zot leker pou ranpli avek lazwa, e personn pa pou kapab aras zot sa lazwa.

Akt de Zapot 13:33

i'n akonpli li aprezan pour nou, son bann desandan, par relev Zezi dan lanmor. Annefe, i'n ganny ekri dan dezyenm Psonm: Ou menm mon Garson, ozordi mon'n vin ou Papa.

Akt de Zapot 2:26

Pour sa rezon, mon leker ti dan lazwa; dan mon labous ti sorti parol lazwa. Byen plis ki sa, mon lekor pou repoz dan lesperans,

Akt de Zapot 2:39

Annefe, promes Bondye in ganny fer pour zot tou, pour zot bann zanfan, e tou bann ki lwen, ki Senyer nou Bondye ava apele.”

Filipyen 4:4

Reste touzour dan lazwa, ini avek Senyer. Mon repete: Reste dan lazwa.

1 Pyer 1:8

Zot kontan li, menm si zot pa'n zanmen war li. Zot krwar dan li, menm si zot pa ankor war li. Pour sa rezon, zot dan en lazwa si gran ki pa kapab ganny eksprimen par parol.

1 Samyel 2:1

Ann ti priye. I ti dir: SENYER i ranpli mon leker avek lazwa, SENYER in fer mwan lev mon latet. Aprezan, mon kapab defye mon bann lennmi; mon dan lazwa, akoz SENYER in sov mwan.