Zakari 10:6 - Labib An Kreol Seselwa

⁶ Mon pou donn pep Zida ki'n plis kouraz e mon pou sov pep Izrael. Mon pou fer zot retournen, akoz mon annan konpasyon pour zot. Zot ava konmsi zanmen mon'n rezet zot. Mwan menm SENYER zot Bondye e mon pou egzos zot.

Zakari 10:6 ပူးပေါင်းရင်းမြစ်များ

Psonm 89:21

Mon pou touzour soutenir li avek mon lanmen; mon lebra pou rann li for.

Ezai 11:12

I pou lev en bannyer pour bann nasyon, reinir bann ki dan Izrael e rasanble pep Zida disperse dan kat kwen later.

Ezai 14:1

Me SENYER pou pran konpasyon pour Zakob e swazir Izrael ankor; i pou fer li viv anpe lo son prop later. Bann etranze ava zwenn avek li pour form parti desandan Zakob.

Ezai 41:10

Pa bezwen per, akoz mon avek ou. Pa bezwen enkyet, akoz mwan menm ou Bondye. Mon pou rann ou for, mon pou ed ou, mon pou soutenir ou avek mon lanmen ki donn laviktwar.

Ezai 54:4

Pa per, akoz personn pa pou fer ou onte. Pa dekouraze, akoz ou pa pou ganny imilye. Ou pa pou rapel laont dan letan ou zenes; ou pou nepli mazin dezoner letan ou ti vev,

Ezai 54:8

La sa ki SENYER ou Sover i deklare: Dan mon gran lakoler, mon ti'n maske mon figir avek ou. Me mon pou touzour kontan ou e annan konpasyon anver ou.

Zeremi 23:6

Pandan son renny, rwayonm Zida pou ganny libere e pep Izrael pou viv dan lape. I pou ganny apele: SENYER ki nou lazistis.

Zeremi 3:18

Sa zour la, Zida pou vin ansanm avek pep Izrael. Zot pou sorti dan pei Nor, kot zot in viv annegzil, pour zot vin dan sa pei ki mon'n donn zot zanset, koman en patrimwann.

Zeremi 30:18

La sa ki SENYER i deklare: Mon pou fer Zakob repran posesyon son latant; mon pou annan pitye pour sakenn son fanmir. Zerizalenm pou ganny rekonstri kot i ti ete avan; son pale pou ganny rekonstri parey avan.

Zeremi 30:20

Sityasyon bann desandan ava parey i ti ete avan; Lakominote ava rasanble devan mwan. Mon pou pini sa bann ki oule kraz zot.

Zeremi 31:1

La sa ki SENYER i deklare: Sa zour pe vini, kan mon pou Bondye tou bann tribi Izrael, e zot ava vin mon pep.

Zeremi 31:20

La sa ki SENYER i deklare: Efraim! Ou menm mon garson prefere. Ou menm ki mon pli kontan. Sak fwa ki mon menase pour pini ou, mon kontinyen mazin ou an byen. Akoz mon annan bokou lanmour pour ou, mon pou pran pitye pour ou SENYER i deklare.

Zeremi 31:31

Sa letan pe vini, SENYER i deklare, kan mon pou fer en nouvo lalyans avek pep Izrael ek pep Zida.

Ezekyel 36:11

Mon pou ogmant ou popilasyon, dimoun koman zannimo. Zot pou ganny bokou zanfan e vin en gran pep. Zot pou ganny peple parey dan lepase e mon pou ogmant zot prosperite plis ki avan. Alor, zot ava konnen ki mwan menm SENYER.

Ezekyel 36:37

La sa ki Senyer BONDYE i deklare: La sa ki mon pou fer: Mon pou les pep Izrael vin rod ankor mon led, pour mwan azir dan zot faver; mon pou ogmant zot popilasyon e fer li vin nonbre parey mouton dan en troupo.

Ezekyel 37:16

Ou ki en imen, pran en morso dibwa e ekri lo la: Pour Zida ek bann Izraelit ki asosye avek li. Pran en lot morso dibwa e ekri lo la: Pour Zozef, dibwa Efraim e pour pep Izrael antye ki asosye avek li.

Ezekyel 39:25

La sa ki Senyer BONDYE i deklare: Dezormen, mon pou pran pitye pour pep Izrael, mon pou sanz desten desandan Zakob; mon pou reklanm respe pour mon non sen.

Oze 1:11

Pep Zida ek pep Izrael pou rasanble ansanm. Zot pou swazir en sel sef. Zot pou pran posesyon zot pei; sa pou en gran zour pour Zizreel.

Oze 1:7

Me mon pou kontan pep Zida. Mwan SENYER zot Bondye, mon pou sov zot san servi fles, ni lepe, ni lager, ni bann seval oubyen kavalye.

Oze 14:9

Bann ki annan lasazes ava konpran sa. Bann ki annan disernman i konnen. Semen SENYER i drwat. Dimoun ki drwat pou swiv, me bann rebel pou tonbe.

Oze 2:23

Mon pou senmen dan sa pei; mon pou kontan Lo-Rouama setadir, Sa enn ki mon pa kontan. Mon pou apel Lo-Ami: Mon pep e i pou reponn: Mon Bondye.

Abdyas 1:18

Zakob pou parey en dife e desandan Zozef pou en laflanm. Ezai pou parey lapay ki pou ganny brile dan dife, san les okenn sirvivan. SENYER ki'n deklare.

Mise 4:13

Zabitan Zerizalenm! Leve, al bat dible. Mon pou fer ou osi for ki en bef avek korn an fer, e sabo an bronz. Ou ava kas an morso bokou nasyon. Bann larises ki ou pran, ava ganny rezerve pour mwan, mwan SENYER, met liniver antye.

Mise 4:6

SENYER i deklare: Sa zour, mon pou rasanble bann ki bwete. Mon pou reini sa ki'n ganny disperse e bann ki mon'n maltrete.

Mise 5:3

Pour sa rezon, Bondye pou abandonn zot, ziska letan ki akouse dan douler. Alor, leres son bann frer ava retournen pour zwenn avek pep Izrael.

Mise 5:8

Alor, parmi bann nasyon nonbre, leres desandan Zakob, pou koman en lyon parmi bann zannimo lafore, parey en zenn lyon dan en troupo mouton. Partou kot i pase, i kraz e desir son bann viktim, san ki personn i kapab vin delivre zot.

Mise 7:16

Bann nasyon pou war sa e zot pou onte malgre zot gran lafors. Zot pa pou konnen ki pou dir e fer konmsi zot pa tande.

Zakari 1:16

Pour sa rezon, la sa ki SENYER i deklare: Par pitye, mon pou retourn Zerizalenm avek konpasyon; lanmenm la kot mon tanp pou ganny rekonstri. SENYER liniver ki deklare; latres pour mezire ava ganny drese lo Zerizalenm.

Zakari 10:12

Zot pou met zot lafors dan SENYER e zot pou mars anba son non. SENYER ki deklare.

Zakari 13:9

Mon pou zet sa dernyen tyer dan dife. Mon pou fer li fonn parey ou fer fonn larzan. Mon pou teste li parey ou teste lor. I pou envok mon non e mon pou egzos li. Mon pou dir: Ou menm mon pep! Zot ava reponn: SENYER ki nou Bondye!

Zakari 8:11

La sa ki SENYER liniver i deklare: Me aprezan, mon pa pou tret restan sa pep parey mon ti fer dan letan pase.

Zakari 9:16

Sa zour, SENYER zot Bondye pou sov son pep, akoz zot fer parti son troupo. Parey bann bizou dan en kouronn, zot ava briye lo sa later.