Zakari 10:11 - Labib An Kreol Seselwa

¹¹ Zot pou travers lanmer Lezip; pou nepli annan gro laroul. Larivyer Nil pou sek ziska dan son profonder. Asiri pou ganny imilye; Lezip ki pwisan, pou perdi son pouvwar.

Zakari 10:11 ပူးပေါင်းရင်းမြစ်များ

Zenez 8:1

Bondye ti mazin Noe ek tou bann zannimo sovaz ek zannimo domestik ki ti avek li dan lars. I ti fer en divan soufle lo later e delo ti konmans desann.

2 Rwa 2:14

I ti pran manto ki Eli ti'n les tonbe. I ti tap delo avek e dir, “Oli SENYER, Bondye Eli?” Elize ti tap lo delo; delo ti separ an de e i ti traverse.

2 Rwa 2:8

La, Eli ti pran son manto, roul li, tap delo avek. Delo ti separ an de. Tou le de ti travers lot kote larivyer san ganny mouye.

Esdras 6:22

Answit, pandan set zour, zot ti selebre dan lazwa lafet Dipen san lelven, akoz SENYER ti'n donn zot lazwa e i ti'n tous leker lerwa Lasiri dan zot faver. Sa ti ed zot dan travay tanp Bondye Izrael.

Psonm 114:3

Lanmer ti sove ler i ti war sa; larivyer Zourden ti kile.

Psonm 114:5

Lanmer! Ki'n arive avek ou pour ou sove? Larivyer Zourden! Akoz ou rekile?

Ezai 14:25

Mon pou detri bann Asiriyen dan mon pei; lo mon bann montanny, mon pou kraz li anba mon lipye; mon pou tir sa fardo ki zot in met lo mon pep e mon pou tir sa pwa ki lo zepol mon pep.

Ezai 19:16

Sa zour, bann Ezipsyen pou parey bann fanm: Zot pou tranble avek lafreyer devan lanmen ki SENYER liniver in leve kont zot.

Ezai 43:2

Si ou travers lanmer, mon pou avek ou; si ou travers bann gran larivyer, ou pa pou ganny trennen. Si ou mars atraver dife, ou pa pou ganny brile, e bann laflanm pa pou fer ou dimal,

Ezai 44:27

Mwan ki dir avek losean: Vin sek. Mon pou fer sek bann larivyer.

Ezai 51:10

Pa ou ki ti fer lanmer ek delo dan losean sek? Ou menm ki ti tras en semen dan profonder lanmer pour fer traverse bann ki ti'n ganny sove.

Ezai 51:9

Leve! Leve! Lebra SENYER! Pran lafors! Leve parey dan letan pase! Dan letan bann zenerasyon pase! Pa ou ki ti touy Rahab e transpers dragon?

Ezekyel 30:13

La sa ki Senyer BONDYE i deklare: Mon pou detri tou zot bann zidol; mon pou fer disparet bann stati dan Menmfis. Dan Lezip, pou nepli annan personn pour gouvernen. Alor, mon pou ranpli li avek lafreyer.

Sofoni 2:13

SENYER pou lev son lanmen kont bann zabitan dan Nor e fer disparet Asiri. I pou fer Niniv vin en landrwa devaste, sek parey dezer.

Revelasyon 16:12

Sizyenm lanz ti devers son lakoup lo sa gran larivyer Efrat. Son delo ti sek pour prepar en semen pour bann lerwa ki sorti dan Les.