Zakari 1:17 - Labib An Kreol Seselwa

¹⁷ Anons ankor sa mesaz: La sa ki SENYER liniver i deklare: Mon bann lavil pou ranpli ankor en fwa avek en kantite larises. Ankor en fwa, SENYER pou rekonfort Siyon e swazir Zerizalenm.

Zakari 1:17 ပူးပေါင်းရင်းမြစ်များ

2 Kronik 6:6

Me mon ti swazir Zerizalenm, pour manifeste mon prezans. Me mon'n swazir David, pour gouvern mon pep, Izrael.

Nehemi 11:20

Leres bann Izraelit, bann pret, bann levit, ti ganny etabli dan tou bann lavil Zida, sakenn dan son propriyete.

Nehemi 11:3

La bann sef provens ki ti vin reste Zerizalenm. Dan bann lavil Zida, sakenn ti viv lo son propriyete, dan son lavil: Izrael, bann pret, bann levit, bann serviter tanp, fanmir bann serviter Salomon.

Psonm 69:35

akoz Bondye pou sov Zerizalenm. I pou rekonstri bann lavil dan Zida. Son pep pou vin viv la e sa pei ava pour zot.

Ezai 14:1

Me SENYER pou pran konpasyon pour Zakob e swazir Izrael ankor; i pou fer li viv anpe lo son prop later. Bann etranze ava zwenn avek li pour form parti desandan Zakob.

Ezai 44:26

Mon fer realize parol mon serviter e fer arive sa ki mon bann mesaze i anonse. Mon dir lo size Zerizalenm: I pou ganny abite. Konsernan bann lavil dan Zida: Zot ava ganny rekonstri e remet an valer sa ki'n ganny devaste.

Ezai 49:13

Lesyel! Sant ou lazwa. Later! Rezoui ou. Bann montanny! Fer tande zot bann sanson. SENYER in konsol son pep; in pran konpasyon pour sa bann ki pe soufer.

Ezai 51:12

La sa ki SENYER i deklare: Mwan menm ou konsolater. Alor, akoz ou per zonm ki parey ou en et imen ki mor parey zerb?

Ezai 51:3

SENYER pou konsol Siyon. I pou pran pitye pour bann landrwa devaste. I pou fer bann dezer vin parey zarden Edenn, parey zarden SENYER. I pou reganny lazwa ek kontantman; avek bann kantik louanz ek psonm.

Ezai 52:9

Bann debri Zerizalenm! Ansanm, sant avek lazwa, akoz SENYER in konsol son pep, in sov Zerizalenm!

Ezai 54:8

La sa ki SENYER ou Sover i deklare: Dan mon gran lakoler, mon ti'n maske mon figir avek ou. Me mon pou touzour kontan ou e annan konpasyon anver ou.

Ezai 66:13

Parey en manman i konsol son zanfan, mwan osi mon pou konsol ou; ou pou ganny konsole dan Zerizalenm.

Zeremi 31:13

Alor, bann zenn fiy ava danse dan lazwa; zennzan ek vyeyar pou fet ansanm. Mon pou sanz zot dey an lazwa; mon pou konsol zot e sanz zot tristes an lazwa.

Zeremi 33:13

Dan bann lavil ki sitye dan montanny, dan sa bann ki dan laplenn, e dan Sid Zida, dan teritwar Benzamen, dan bann vilaz ki otour Zerizalenm, e dan bann lavil dan Zida, bann berze ava kapab kont zot mouton ek zot bann kabri enn par enn, parey avan, SENYER i deklare.

Zeremi 33:9

Alor, i ava en gran plezir pour mwan pronons sa non: Zerizalenm. Sa lavil pou fer mon loner e mon pou fyer devan tou bann pep lo later. Sak nasyon pou tranble avek lafreyer kan zot ava antann tou sa bann bon keksoz ki mon fer pour pep Zerizalenm e koman mon'n fer sa lavil prospere.

Ezekyel 36:33

La sa ki Senyer BONDYE i deklare: Sa zour, kan mon pou pirifye zot avek tou zot fot, mon pou repeple bann lavil, e zot ava rekonstri lo bann debri.

Amos 9:14

Mon pou fer mon pep Izrael retourn dan son pei. Zot ava rekonstri bann lavil ki'n ganny detri e reste ladan. Zot ava plant pye rezen e zot ava bwar diven. Zot ava kiltiv bann zarden e manz zot fri.

Abdyas 1:20

Larme bann egzile Izrael pou pran pei bann Kananeen ziska Sarepta. Bann egzile Zerizalenm dan Sefarad pou pran posesyon bann lavil dan Negev.

Zakari 1:14

Lanz ki ti pe koz avek mwan ti dir mwan: Proklanm sa mesaz: La sa ki SENYER liniver i deklare: Mon kontan Zerizalenm ek Siyon avek pasyon.

Zakari 1:18

Mon ti ganny en lot vizyon. Mon ti war kat korn.

Zakari 2:12

SENYER pou swazir Zida koman son posesyon dan later sakre, e ankor en fwa, i pou swazir Zerizalenm.

Zakari 2:4

Sa dezyenm lanz ti dir li, “Taye! Al dir avek sa zennonm: Zerizalenm pou ganny abite parey bann vilaz ki napa okenn miray. Annefe, en kantite dimoun ek zannimo pou vin viv kot li.”

Zakari 3:2

Lanz SENYER ti dir li: Satan! SENYER i defann ou koze. Wi! SENYER ki'n fer son swa lo Zerizalenm. In fer ou gard silans. Eski sa zonm, pa i en tizon ki'n ganny pran dan dife?

Efezyen 1:4

Avan ki i ti'n kree lemonn, Bondye ti swazir nou davans, par Zezi-Kri, koman son bann zanfan adoptif, pour ki nou sen e san repros devan li.