Sofoni 3:7 - Labib An Kreol Seselwa

⁷ Mon ti dir: Sirman ki lavil ava annan respe pour mwan, ki i ava aksepte ganny korize, e ki mon pa ti ava bezwen egzekit mon bann menas kont li. Me zot ti depese pour azir pli mal ankor.

Sofoni 3:7 ပူးပေါင်းရင်းမြစ်များ

Zenez 6:12

Bondye ti war ki later ti'n koronpi.

2 Kronik 33:11

Alor, SENYER ti anvoy bann komandan ek larme lerwa Asiriyen kont zot. Zot ti pran Manase prizonnyen, kros li avek lanmson, anmar li avek lasenn an bronz e anmenn li Babilonn.

Liv Zob 36:10

I ouver zot zorey pour zot antann son lansennyman e i demann zot aret fer sa ki mal.

Psonm 32:8

Mon pou ansenny ou. Mon pou montre ou ki semen ou pou swiv. Mon pou konsey ou; mon lizye pa pou kit ou.

Proverb 19:20

Ekout bann konsey e aksepte lenstriksyon; konmsa, plitar, ou ava vin en saz.

Ezai 5:4

Tou sa ki mon ti kapab fer pour mon plantasyon rezen, pa mon'n fer? Mon ti pe espere rekolte bon rezen. Me akoz in donn mwan rezen eg?

Ezai 63:8

Akoz i ti'n dir: San okenn dout, i mon pep; mon bann zanfan ki pa pou fer frod e i ti vin en sover pour zot,

Zeremi 17:23

Me zot pa'n ekoute, zot pa'n ouver zot zorey. Zot in reste dan zot lantetman; zot in refize obei e resevwar okenn leson.

Zeremi 25:5

I ti dir zot: Sanz zot mannyer viv e aret fer sa ki mal; konmsa, zot ava kontinyen viv dan sa pei ki SENYER in donn zot ek zot bann zanset depi touzour e pour touzour.

Zeremi 36:3

Kekfwa bann zabitan Zida ava antann tou sa bann maler ki mon annan lentansyon anvoy lo zot, pour ki zot sanz zot move mannyer viv. Alor mon ava pardonn zot pour zot fot ek zot pese.

Zeremi 38:17

Alor Zeremi ti dir Sedesyas, “La sa ki SENYER, Bondye liniver e Bondye Izrael i deklare: Si ou sorti pour ou al rann ou lekor avek bann zofisye lerwa Babilonn, ou, avek ou fanmir, zot pa pou ganny touye. Zerizalenm pa pou ganny detri dan dife.

Zeremi 6:8

Pep Zerizalenm! Aksepte koreksyon. Sankwa, mon pou abandonn ou; mon pou fer ou vin parey en dezer, an landrwa kot personn pa pou kapab reste.

Zeremi 7:7

E mwan, mon ava les zot viv dan sa pei ki mon'n donn zot bann zanset depi touzour e pour touzour.

Zeremi 8:6

Mon'n byen ekout zot: Zot pa'n dir laverite. Personn pa'n regret son bann move aksyon. Personn pa'n demande: Ki mal mon'n fer. Sakenn i kontiny son prop semen, parey en seval fou dan konba.

Oze 9:9

Zot in tonm pli ba dan lemal, parey Gibea lontan. Bondye i rapel zot krim, i pou fer zot rann kont zot pese.

Sofoni 3:2

I pa'n ekout personn; i'n refize ganny korize. I pa'n met son konfyans dan SENYER; i pa'n oule apros kot son Bondye.

Deterononm 4:16

Alor, pa tonm dan pese pour al fer en stati ki reprezant laform en zonm oubyen en fanm,

1 Timote 1:5

Sa lord ki mon donn ou, i annan pour bi prodwir lanmour ki sorti dan en leker pir, en bon konsyans ek en lafwa senser.

2 Pyer 3:9

Nou Senyer pa pe tarde pour realiz son promes parey serten i mazinen, me i pran pasyans anver zot. Annefe, i pa oule ki personn i ganny detri, me ki tou dimoun i repantir.