Sofoni 3:20 - Labib An Kreol Seselwa

²⁰ La sa ki SENYER i deklare: Dan sa letan, mon pour fer zot retournen; dan sa letan, mon pou rasanble zot. Mon pou sanz zot sityasyon devan zot lizye. Mon pou donn zot en renonmen e elev zot loner parmi bann nasyon.

Sofoni 3:20 ပူးပေါင်းရင်းမြစ်များ

Psonm 35:6

Lanz SENYER ava pourswiv zot. Zot semen pou dan fernwanr e zot ava glise.

Ezai 56:5

Mon pou donn zot, dan mon tanp, dan son bann miray, en moniman e en non ki meyer ki bann garson ek fiy. Mon pou donn zot en non ki reste pour touzour, ki pa pou zanmen ganny efase.

Ezai 56:8

Senyer BONDYE ki rasanble bann ki'n ganny rezete dan Izrael i deklare: Mon pou rasanble lezot ankor avek sa bann ki'n ganny deza rasanble.

Ezai 60:15

Otrefwa, ou ti'n ganny abandonnen, ai, deteste, san personn pas kot ou. Me aprezan, mon pou fer ou vin gran pour touzour, en rezon selebrasyon pour bann zenerasyon pour touzour.

Ezai 61:9

Zot desandans pou renonmen parmi bann nasyon, zot zanfan parmi bann pep. Tou dimoun ki pou war zot, pou rekonnet ki zot en pep ki SENYER in beni.

Ezai 62:12

Zot pou ganny apele Pep Sen, Pep ki SENYER in libere. Ou pou ganny apele Mon Dezir, Lavil Swazi.

Ezai 62:7

Pa les li repoze ziska ki i akonpli son promes e fer li ganny renonmen partou lo later.

Ezai 66:22

Annefe, parey bann nouvo lesyel e nouvo later ki mon pou kree pou dire devan mwan, demenm, ou bann desandan e ou non pou reste devan mwan. SENYER i deklare:

Zeremi 23:3

Mwan menm ki pou rasanble leres mon troupo, dan tou sa bann pei kot mon'n sas zot; mon pou fer zot retourn dan zot pei kot zot ava fer bokou zanfan.

Zeremi 29:14

Mon pou les ou trouv mwan, e mon pour fer ou retourn dan ou pei, SENYER i deklare. Mon pou rasanble ou depi dan tou bann nasyon e partou kot mon ti'n sas ou. Mon pou fer ou retourn isi kot mon ti tir ou pour al annegzil, SENYER ki deklare.

Zeremi 30:3

Sa zour pe vini kan mon pou fer mon pep Izrael ek Zida retournen e repran posesyon sa pei ki mon ti'n donn zot zanset. Mwan, SENYER, mon deklare.

Zeremi 33:9

Alor, i ava en gran plezir pour mwan pronons sa non: Zerizalenm. Sa lavil pou fer mon loner e mon pou fyer devan tou bann pep lo later. Sak nasyon pou tranble avek lafreyer kan zot ava antann tou sa bann bon keksoz ki mon fer pour pep Zerizalenm e koman mon'n fer sa lavil prospere.

Ezekyel 16:53

Mon pou sanz desten Sodonm ek son bann fiy, Samari ek son bann fiy; mon pou retabli ou sityasyon parmi zot.

Ezekyel 28:25

La sa ki Senyer BONDYE i deklare: Mon pou rasanble pep Izrael parmi bann nasyon partou kot zot ti ganny disperse. La ki mannyer mon pou montre tou bann nasyon ki mwan menm sa Bondye sen. Pep Izrael pou etabli li dan son prop pei ki mon ti donn mon serviter Zakob.

Ezekyel 34:16

Mon pou rod bann ki'n perdi; fer retournen bann ki'n egare; pans bann ki'n ganny blese e fer bann ki malad repran zot lafors. Me mon pou elimin bann ki gra e for. Mon pou diriz mon troupo avek ladrwatir.

Ezekyel 37:12

Alor, anons zot: La sa ki Senyer BONDYE i deklare: Mon pou ouver zot bann tonbo; mon pou fer zot remonte sorti dan zot latonm! Mon pep! Mon pou fer zot retourn lo later Izrael.

Ezekyel 37:21

Dir zot: La sa ki Senyer BONDYE i deklare: Mon pou retir pep Izrael parmi bann nasyon kot zot in disperse; mon pou rasanble zot sorti dan tou kote e anmenn zot dan zot prop pei.

Ezekyel 39:13

Tou dimoun dan pei pou anter zot. Zot pou fyer zour mon pou montre zot mon laglwar. Senyer BONDYE ki'n deklare.

Ezekyel 39:28

Zot ava konnen ki mwan menm SENYER, zot Bondye. Apre ki mon'n deport zot dan pei etranze, mon pou rasanble zot lo later Izrael. Mon pa pou kit personn deryer.

Zoel 3:1

La sa ki SENYER i deklare: Sa zour la, dan sa letan, mon pou retabli sityasyon Zida ek Zerizalenm.

Amos 9:14

Mon pou fer mon pep Izrael retourn dan son pei. Zot ava rekonstri bann lavil ki'n ganny detri e reste ladan. Zot ava plant pye rezen e zot ava bwar diven. Zot ava kiltiv bann zarden e manz zot fri.

Mise 2:12

Mon pou rasanble zot, desandan Zakob! Mon pou rasanble leres pep Izrael! Mon pou rasanble zot parey bann mouton dan berkay, koman en troupo dan laplenn. Zot pou form en lafoul tapazer.

Mise 4:7

Avek sa bann ki bwete, mon pou fer en restan; avek bann ki ti'n ganny rezete, mon pou fer en nasyon for. Alor, SENYER pou vin zot lerwa pour touzour.

Sofoni 2:7

Leres sirvivan pep Zida ki pou okip sa rezyon, kot zot pou sonny zot bann zannimo. Aswar, zot pou al dormi dan bann lakaz Askelonn. SENYER, zot Bondye, pou azir dan zot faver. I pou retabli zot sityasyon.

Sofoni 3:19

Dan sa lepok, mon pou pini bann ki maltret ou. Mon pou sov sa enn ki bwete. Mon pou rasanble bann ki'n ganny disperse. Mon pou retabli zot loner e fer zot renonmen dan tou bann pei kot zot ti onte.

Zakari 8:13

Parey tribi Zida ek tribi Izrael ti anmenn malediksyon parmi bann nasyon, mon pou sov zot e zot pou anmenn benediksyon. Pa per! Pran kouraz!

Zakari 8:8

Mon pou fer zot retourn dan Zerizalenm. Zot pou vin mon pep e mon pou zot Bondye ki fidel e zis.

Malasi 3:12

Alor, tou bann nasyon ava dir ki zot en pep ere, akoz zot ava pe viv dan en pei agreab, SENYER liniver ki deklare.

Deterononm 26:18

Ozordi, SENYER in fer ou promet pour ou vin son pep parey i ti dir ou; ou ava obzerv tou son bann komannman.

Deterononm 26:19

Konmsa, i ava fer ou vin pli gran nasyon ki i'n kree, dan ou repitasyon e dan ou loner. Konmsa, ou ava en pep sen pour SENYER, ou Bondye, parey in promet.