Sofoni 3:19 - Labib An Kreol Seselwa

¹⁹ Dan sa lepok, mon pou pini bann ki maltret ou. Mon pou sov sa enn ki bwete. Mon pou rasanble bann ki'n ganny disperse. Mon pou retabli zot loner e fer zot renonmen dan tou bann pei kot zot ti onte.

Sofoni 3:19 ပူးပေါင်းရင်းမြစ်များ

Ezai 26:11

SENYER! Ou lanmen in leve, me zot pa war. Kan zot ava war sa gran pasyon ki ou annan pour ou pep, zot ava kanmi. Dife ki'n ganny alimen pour bann lennmi ava bril zot.

Ezai 33:1

Maler lo ou ki detri tou me ki pa'n ganny detri! Ki trai lezot me ki pa'n ganny trai! Ler ou ava'n fini detri, ou osi, ou pou ganny detri. Ler ou ava'n fini trai, ou pou ganny trai.

Ezai 60:14

Desandan bann ki kraz ou pou vin kot ou, latet bese; tou sa bann ki ti mepriz ou pou prostern devan ou. Zot pou apel ou Lavil SENYER, Siyon, lavil Bondye Sen Izrael.

Ezai 60:18

Pou nepli antann koz lo vyolans dan ou pei, ni devastasyon ni destriksyon dan ou teritwar; ou pou apel ou bann miray delivrans e ou bann laport louanz.

Ezai 61:7

Olye ki zot ganny en doub laont ek dezoner koman zot par, zot pou erit en doub porsyon dan zot pei; zot pou dan lazwa pour touzour.

Ezai 62:7

Pa les li repoze ziska ki i akonpli son promes e fer li ganny renonmen partou lo later.

Zeremi 30:16

Alor, sa bann ki devor ou pou ganny devore. Ou bann lennmi, san eksepsyon, pou ganny deporte. Sa bann ki vol ou pou ganny vole. Sa bann ki pran sa ki ou annan pou konn menm sor.

Zeremi 30:19

Bann zabitan pou sant bann kantik remersiman; zot pou riye avek kontantman. Avek mon benediksyon, zot popilasyon pou ogmante, olye diminyen; Zot ava en pep ki ganny respekte; personn pou nepli mepriz li.

Zeremi 31:8

Annefe, mon pou fer zot retournen depi bann pei dan Nor, e rasanble zot depi pei pli lwen lo later. Tou dimoun pou la: Bann aveg, bann ki bwete, fanm ansent e fanm ki pe ganny zanfan. Sa pou en gran lasanble ki pou retourn isi.

Zeremi 33:9

Alor, i ava en gran plezir pour mwan pronons sa non: Zerizalenm. Sa lavil pou fer mon loner e mon pou fyer devan tou bann pep lo later. Sak nasyon pou tranble avek lafreyer kan zot ava antann tou sa bann bon keksoz ki mon fer pour pep Zerizalenm e koman mon'n fer sa lavil prospere.

Zeremi 46:28

Izrael! Ou ki mon serviter, Pa bezwen per, SENYER i deklare. Mon pou vin sov ou. Mon pou detri tou bann nasyon kot mon ti fer ou ganny deporte. Me mon pa pou detri ou. Menm si mon ti bezwen pini ou akoz ou ti merite, mon pa ti kapab tret ou koman en inosan.

Ezekyel 16:27

Alor, mon ti montre ou mon pwisans, mon ti koup ou provizyon, mon ti livre ou devan lapeti ou bann lennmi; menm bann fiy Filisten ti onte pour zot bann aksyon degoutan.

Ezekyel 16:57

Sa ti avan ki ou bann move mers ti ganny dekouver. Aprezan ki ou'n vin parey zot, i ou tour ganny maltrete par bann fiy Edonm ek tou son bann vwazen, bann fiy Filisten, dan tou bann zalantour kot zot deteste ou.

Ezekyel 34:16

Mon pou rod bann ki'n perdi; fer retournen bann ki'n egare; pans bann ki'n ganny blese e fer bann ki malad repran zot lafors. Me mon pou elimin bann ki gra e for. Mon pou diriz mon troupo avek ladrwatir.

Ezekyel 39:13

Tou dimoun dan pei pou anter zot. Zot pou fyer zour mon pou montre zot mon laglwar. Senyer BONDYE ki'n deklare.

Ezekyel 39:26

Alor, personn pa pou fer zot per; zot ava viv anpe dan zot pei. Zot ava oubliy zot laont ek tou zot aksyon enfidel anver mwan.

Mise 7:10

Mon lennmi pou war sa e i pou ganny kouver avek laont. Sa enn ki ti abitye demande: Oli SENYER, ou Bondye, pou vin en spektak. I pou ganny kraze anba lipye, parey labou dan semen.

Sofoni 3:15

SENYER in retir tou zizman kont ou. I'n detourn tou ou bann lennmi. SENYER, lerwa Izrael i parmi ou. Ou pa bezwen per okenn maler ankor.

Zakari 8:23

La sa ki SENYER liniver i deklare: Dan sa bann letan, dis etranze ki koz diferan langaz, pou vin anpandan avek en Zwif. Zot pou atrap son lenz e dir li: Nou oule vin avek ou, nou'n tande ki Bondye i avek ou.

Deterononm 26:19

Konmsa, i ava fer ou vin pli gran nasyon ki i'n kree, dan ou repitasyon e dan ou loner. Konmsa, ou ava en pep sen pour SENYER, ou Bondye, parey in promet.

Ebre 12:13

Fer bann santye byen drwat pour zot lipye, pour ki sa enn ki bwete pa deranz son lipye, me plito ki i geri.

Revelasyon 20:9

Zot larme ti al lo later antye. Zot ti anserkle kan pep Bondye ek lavil byenneme. Me dife ti desann sorti dan lesyel e detri zot tou.

Ziz 1:7

Adoni-Bezek ti dir, “70 lerwa ki ti'n ganny pous lanmen ek lipye koupe ti vin ranmas restan manze anba mon latab. Sa ki mon'n fer, Bondye in rann mwan laparey.” I ti ganny anmennen Zerizalenm kot i ti mor.