Sofoni 3:17 - Labib An Kreol Seselwa

¹⁷ SENYER, ou Bondye i la avek ou, koman en gerye ki donn laviktwar. I dan gran lazwa akoz ou. Dan son lanmour, i pou donn ou en nouvo lavi; dan lazwa, i selebre akoz ou.

Sofoni 3:17 ပူးပေါင်းရင်းမြစ်များ

Zenez 1:31

Bondye ti regard tou sa ki i ti'n fer; tou ti tre bon. Aswar ti fer, lizour ti arive. Sa ti sizyenm zour.

Zenez 17:1

Kan Abranm ti annan 99 an, SENYER ti aparet avek li. I ti dir li, “Mwan Bondye Toupwisan; mars touzour dan mon prezans e fer sa ki byen.

Zenez 18:14

Eski i annan keksoz ki enposib pour SENYER? Lannen prosenn, kan letan in bon, mon pou retournen, e Sara ava ganny en garson.”

Zenez 2:2

Setyenm zour, Bondye ti'n fini tou travay ki i ti'n fer. Apre tou travay ki i ti'n fer, i ti repoze.

Psonm 147:11

Me SENYER i pran plezir dan dimoun ki annan respe pour li, dan sa bann ki'n met zot lespwar dan son fidelite.

Psonm 149:4

SENYER i pran plezir dan son pep; i donn laviktwar bann ki pov.

Psonm 78:65

Apre sa, SENYER ti leve konmsi sorti dan en sonmey, parey en gerye ki ti'n bwar tro diven.

Ezai 12:2

Bondye i mon sover. Mon pou fer li konfyans, mon pa pou per, akoz Senyer BONDYE i mon lafors e mon pwisans. Li menm ki sov mwan.

Ezai 12:6

Zabitan Siyon kriy byen for! Sant zot lazwa, akoz Bondye sen Izrael i gran parmi zot.

Ezai 18:4

Annefe, la sa ki SENYER in dir mwan: Mon pou reste trankil e depi kot mon reste, mon pou gete parey gro larder soley dan lazournen, parey en nyaz laroze dan lasaler pandan letan rekolt.

Ezai 63:1

Lekel sa enn ki pe vini sorti Edonm, sa enn ki sorti lavil Bosra, abiye dan lenz avek tas disan lo la? Lekel sa enn ki'n abiye dan zoli lenz, ki pe aprose avek lafyerte, avek lasirans dan son lafors? Se mwan menm sa enn ki rann lazistis, ki sov avek pwisans.

Ezai 63:12

Pandan lamars, lekel ki ti soutenir Moiz par son lebra pwisan? I ti separ lanmer devan zot pour li fer son non ganny renonmen pour touzour.

Ezai 65:19

Mon pou fer Zerizalenm vin sours mon lazwa e mon pou pran plezir dan mon pep. Pou nepli antann tapaz plere, ni bann kri detres dan Zerizalenm.

Ezai 9:6

En zanfan in ne pour nou; nou'n ganny en garson. Lotorite i repoz lo son zepol. Zot apel li: Konseye merveye, Bondye pwisan, Papa eternel, Prens Lape.

Zeremi 32:41

Mon pou pran plezir fer zot dibyen. Mon pou met tou mon leker e mon et antye pour ki zot enstal zot definitivman dan sa pei.

Oze 14:4

Mon pou geri zot lenfidelite. Mon pou kontan li avek tou mon leker, akoz mon nepli ankoler kont li.

Zoel 2:21

Later! Pa bezwen per! Plito rezoui, akoz SENYER in akonpli bann gran mervey!

Sofoni 3:15

SENYER in retir tou zizman kont ou. I'n detourn tou ou bann lennmi. SENYER, lerwa Izrael i parmi ou. Ou pa bezwen per okenn maler ankor.

Sofoni 3:5

Dan lavil, SENYER i montre lazistis. I pa fer nanryen ki enzis. Tou le bomaten, san zanmen manke, i rann son zizman. Malgre sa, malfeter i azir san okenn laont.

Nonm 14:8

Si SENYER i bon anver nou, i pou anmenn nou laba e donn nou sa pei kot i koul dile ek dimyel.

Levanzil dapre Lik 15:32

I tou zis ki nou fete e kontan, akoz ou frer ki ti'n mor i'n reganny lavi, i ti'n perdi e i'n ganny retrouve.”

Levanzil dapre Zan 13:1

Avan lafet Pak, Zezi ti konnen ki ler ti'n arive pour li kit sa lemonn e al kot son Papa. I'n touzour kontan son bann zanmi ki ti dan lemonn; i'n kontan zot ziska lafen.

Levanzil dapre Zan 15:11

Mon'n dir zot tousala pour ki mon lazwa i dan zot, e ki zot lazwa i vin konplet.

Deterononm 23:15

Ou pa pou retourn, kot son met, en lesklav ki'n sove oubyen ki'n vin ki vin rod landrwa kasyet kot ou.

Deterononm 30:9

SENYER, ou Bondye ava fer ou prospere en kantite dan tou sa ki ou ava antreprann. Ou ava ganny en kantite zanfan; ou bann bef, mouton, kabri ava ogmante, ou later ava prodwir bon rekolt. Annefe, parey i ti kontan ou bann zanset, SENYER ava kontan ou e fer ou prospere,

Ebre 7:25

Pour sa rezon ki i kapab sov pour leternite, dimoun ki apros kot Bondye atraver li, akoz i touzour vivan pour pled dan zot faver.