Sofoni 3:11 - Labib An Kreol Seselwa

¹¹ Sa zour, ou pou nepli onte akoz ou bann move aksyon ki ti fer ou revolte kont mwan. Mon pou fer disparet parmi zot, tou bann ki fyer e arogan. Ou ava arete montre ou lorgey lo mon montanny sen.

Sofoni 3:11 ပူးပေါင်းရင်းမြစ်များ

Psonm 131:1

SENYER! Dan mon leker napa lorgey, mon lizye napa pretansyon. Mon pa esey fer keksoz ki depas mwan.

Psonm 49:5

Akoz mon bezwen trakase dan letan maler, kan mon bann lennmi in antour mwan?

Psonm 59:12

Koman zot ouver labous, pese ki sorti lo zot lalev. Fer zot tonm dan latrap zot lorgey. Pour tou sa bann malediksyon ek mansonz,

Ezai 11:9

Pou nepli annan nanryen ki fer dimal lo mon montanny sen; parey delo sale i ranpli losean, konnesans SENYER pou ranpli later.

Ezai 2:12

Annefe, SENYER liniver in gard son zour pour li azir kont bann ki fyer e vantar, ler i pou abes sa bann ki krwar zot siperyer.

Ezai 45:17

Me Izrael i ganny sove par SENYER; i sov li pour touzour. Zanmen i pou ganny kouver avek laont ni ganny ensilte.

Ezai 5:15

Zonm i mars latet anba, e zot pou ganny imilye; regar bann orgeye i ganny abese.

Ezai 54:4

Pa per, akoz personn pa pou fer ou onte. Pa dekouraze, akoz ou pa pou ganny imilye. Ou pa pou rapel laont dan letan ou zenes; ou pou nepli mazin dezoner letan ou ti vev,

Ezai 56:7

mon pou anmenn zot lo mon montanny sakre, donn zot lazwa dan mon tanp. Mon pou aksepte zot bann sakrifis konplet e zot bann don lo mon lotel, akoz mon tanp pou ganny apele en landrwa lapriyer pour tou dimoun.

Ezai 61:7

Olye ki zot ganny en doub laont ek dezoner koman zot par, zot pou erit en doub porsyon dan zot pei; zot pou dan lazwa pour touzour.

Zeremi 13:9

La sa ki SENYER i deklare: Mon pou detri larogans Zida e gran lorgey Zerizalenm.

Zeremi 7:4

Aret krwar dan sa bann fo parol ki zot dir: Sa i tanp SENYER, sa i tanp SENYER, sa i tanp SENYER.

Ezekyel 20:40

La sa ki Senyer BONDYE i deklare: Tou Izraelit, tou sa ki pou reste dan sa pei, pou ador mwan lo mon montanny sen, lo gran montanny Izrael. La mon pou akey zot. Mon pou resevwar bann don ki zot in konsakre, tou zot bann meyer lofrann ek don pour ofer mwan.

Ezekyel 24:21

Dir pep Izrael: La sa ki Senyer BONDYE i deklare: Mon pou profann mon sanktyer ki fer lafyerte ou lafors, ki donn ou plezir e satisfer dezir ou leker. Ou bann garson ek ou bann fiy ki ou'n kit deryer pou ganny masakre.

Danyel 9:16

Senyer, dan ou lazistis, mon sipliy ou, detourn ou lakoler kont ou lavil, Zerizalenm, ou montanny sakre. Akoz nou bann pese ek bann fot nou zanset, Zerizalenm ek ou pep i ganny ensilte par tou nou bann vwazen otour nou.

Danyel 9:20

Mon ti ankor pe koze, mon ti pe priye pour demann pardon mon pese ek pese mon pep, Izrael, e prezant mon siplikasyon devan SENYER, mon Bondye an faver montanny sakre mon Bondye.

Mise 3:11

Son bann sef i rann zizman kont gous; son bann pret i fer peye pour ansennyen; son bann profet i predir lavenir pour larzan. Pourtan, zot kont lo SENYER, e zot dir: SENYER i avek nou. Okenn maler pa pou tonm lo nou!

Nonm 16:3

Zot ti met zot ansanm kont Moiz ek Aaron. Zot ti dir: Ou'n al tro lwen. Pep Izrael antye i sen e SENYER i la parmi nou. Avek ki drwa zot oule plas zot par lao lasanble SENYER?

Matye 3:9

Pa zis dir dan zot menm: Abrahanm i nou papa. Les mwan dir zot ki Bondye i kapab servi sa bann ros ki la, pour fer zot vin desandans Abrahanm.

Romen 2:17

Me ou ki port sa non Zwif, ki met ou konfyans dan Lalwa e ki fyer ou relasyon avek ou Bondye,

Romen 9:33

Annefe, Lekritir i dir: La mon plas dan Siyon, en ros ki fer dimoun tonbe. En ros ki fer zot tonbe. Sa enn ki krwar dan li pa pou dezapwente.

1 Pyer 2:6

Annefe, Lekritir i deklare: La mon poz dan Siyon en ros. En ros kwen presye ki'n ganny byen swazir. Sa enn ki krwar dan li pa pou dezapwente.