Sofoni 3:1 - Labib An Kreol Seselwa

¹ Maler lo lavil rebel, lavil koronpi, lavil diktater!

Sofoni 3:1 ပူးပေါင်းရင်းမြစ်များ

Ezai 30:12

Alor, la sa ki Bondye Sen Izrael i deklare: Akoz ou rezet sa parol e met ou konfyans dan vyolans ek mansonz e ki ou kont lo zot, ki ou apiy lo la,

Ezai 5:7

Plantasyon rezen SENYER liniver se pep Izrael; Sa plan rezen ki i ti telman kontan, se pep Zida. SENYER ti pe esper ladrwatir sorti ladan, me ti annan zis versman disan. I ti pe esper lazistis, me i ti antann zis bann malere kriye.

Ezai 59:13

Nou'n revolte e nou'n dezobei SENYER; nou'n trai li e nou pa'n swiv nou Bondye. Nou'n koz lopresyon ek revolt; nou'n konsevwar bann mansonz ki nou'n medite dan fon nou leker.

Ezai 59:6

Lakaz bib pa ase pour fer lenz; i pa ni ase pour zot kouver zot avek sa ki zot fer. Rezilta zot travay i koz zis maler; zot lanmen i ranpli avek aksyon vyolan.

Zeremi 22:17

Me ou, ou pe rod zis ou profi personnel. Ou fer touy sa enn ki inosan, ou kraz dimoun avek britalite.

Zeremi 5:23

Me ou, ou en pep antete ki toultan pe revolte. Ou'n abandonn mwan e ou'n swazir ou prop semen.

Zeremi 6:6

La sa ki SENYER liniver i deklare: Koup pye dibwa pour fer en baraz kont Zerizalenm. Sa lavil i bezwen ganny pini, akoz i ranpli avek vyolans.

Zeremi 6:7

Son mesanste i parey en sours ki kontinyen koule. Ou antann koz zis vyolans ek destriksyon. Partou, ou war zis blesir ek soufrans.

Ezekyel 22:29

Partou dan pei, dimoun in servi lafors ek vyolans. Zot in vole e profit lo malere; zot in eksplwat bann etranze san respekte bann drwa.

Ezekyel 22:7

Parmi zot, napa respe pour zot papa ek zot manman; bann etranze i ganny kraze avek lenzistis; bann orfelen ek bann vev i ganny eksplwate.

Ezekyel 23:30

Ou pou sibir en tel tretman, akoz ou'n tonm dan prostitisyon avek bann nasyon etranze; ou'n livre ou dan lenpirte avek zot bann zidol.

Levitik 1:16

I ava tir son zabo ek sa ki ladan e zet deryer lotel, lo kote Les, la kot i rezerve pour lasann.

Amos 3:9

Al anons dan bann pale Asdod e dan bann pale Lezip: Rasanble zot lo bann montanny Samari, zot ava war bann gran dezord ek vyolans ki pe ganny komet se li.

Amos 4:1

Bann fanm dan montanny Samari, ki gra parey bann vas Basann, ekout sa parol: Zot ki maltret dimoun ki feb, ki kraz bann pov, e ki dir zot mari anmenn keksoz pour bwar,

Mise 2:2

Kan zot anvi bann plantasyon, zot pran. Si zot anvi bann lakaz, zot sezi. Zot fer mizer en dimoun ek son fanmir e zot akapar son posesyon.

Zakari 7:10

Pa eksplwat bann vev, bann orfelen, bann etranze oubyen bann pov. Pa mazin fer ditor kanmarad.

Malasi 3:5

Alor, mon pou apros zot pour zizman. Mon pou deswit pas zizman kont bann sorsye, bann ki komet adilter, bann ki fer fo serman, bann ki eksplwat zot travayer e ki abiz lo bann vev ek bann orfelen, e ki maltret bann etranze. Tou sa bann dimoun napa respe pour mwan. SENYER liniver ki deklare.