Sofoni 2:9 - Labib An Kreol Seselwa

⁹ Alor, la sa ki SENYER liniver, Bondye Izrael, i deklare: Osi vre ki mon vivan, Moab pou vin parey Sodonm; bann Amonit parey lavil Gomor. Sa pei pou vin en landrwa kouver avek move zerb, bann basen disel, en pei detri pour touzour. Leres sirvivan parmi mon pep pou depouy li. Restan mon pep pou pran posesyon zot patrimwann.

Sofoni 2:9 ပူးပေါင်းရင်းမြစ်များ

Ezai 11:14

Ansanm, zot pou atak bann Filisten dan Was. Ansanm, zot pou depouy bann zabitan dan Les. Edonm ek Moab pou tonm dan zot lanmen e bann Amonit pou anba zot dominasyon.

Ezai 25:10

Lanmen SENYER pou reste lo sa montanny. Bann Moabit pou ganny kraze lanmenm an plas parey lapay ki ganny pil anba lipye dan en trou fimyen.

Ezai 49:18

Lev ou lizye e get otour ou; zot tou zot pe rasanble, zot pe vin kot ou. SENYER i deklare: Osi vre ki mon vivan, zot pou port tou, parey en zoli bizou; zot pou abiy parey en zenn marye.

Zeremi 46:18

Mwan, sa lerwa ki apel SENYER liniver, mon deklare: Osi vre ki mon vivan, lennmi pe vini. Osi vre ki montanny Tabor i pli o parmi bann montanny; osi vre ki montanny Karmel i domin lanmer, i pe vini.

Zeremi 48:1

La sa ki SENYER liniver, Bondye Izrael i deklare konsernan Moab: Maler pour Nebo! In ganny detri. Kiryataim in ganny imilye, in ganny kaptire; son bann miray in ganny kraze.

Zeremi 49:1

Lo size bann Amonit, la sa ki SENYER i dir: Akoz eski Milkonm in pous Gad e pran son teritwar? Akoz eski zabitan Amonn pe okip bann lavil Gad? Eski Izrael napa okenn desandan ni zeritye?

Zeremi 49:18

Sa katastrof pou parey Sodonm ek Gomor kan zot ti ganny detri avek bann lavil vwazen, SENYER i deklare. Personn pa pour vin reste la, personn pa pour vin etabli li dan sa landrwa.

Zeremi 49:33

Hazor pour vin en dezer pou touzour, en plas kot zis bann sakal ki pou vin reste. Personn pa pour vin reste isi ankor, SENYER i deklare.

Zeremi 50:40

Sa ki pour ariv lo Babilonn, pour parey katastrof ki mon ti anvoy lo Sodonm ek Gomor, kan mon ti detri sa de lavil avek tou bann lavil dan zalantour, SENYER i deklare. Alor, personn pa pou vin reste isi, personn pa pou pas isi.

Amos 1:13

La sa ki SENYER i deklare: Akoz sa kantite krim pep Amonit, mon pa pou sanz mon desizyon: Akoz zot in fann vant bann fanm ansent pour zot agrandi zot teritwar dan Galaad,

Amos 2:1

La sa ki SENYER i deklare: Akoz sa kantite krim zabitan Moab, mon pa pour sanz mon desizyon: Akoz zot in bril bann lezo lerwa Edonm, ziska lasann,

Sofoni 2:14

Bann troupo ek tou kalite zannimo pou viv la: Ibou ek katiti pou pas lannwit parmi son bann kolonn. Zwazo pou vin kriy obor lafnet. Larin i partou, depi lantre, akoz bann lanbri an sed in ganny arase.

Sofoni 2:7

Leres sirvivan pep Zida ki pou okip sa rezyon, kot zot pou sonny zot bann zannimo. Aswar, zot pou al dormi dan bann lakaz Askelonn. SENYER, zot Bondye, pou azir dan zot faver. I pou retabli zot sityasyon.

Sofoni 3:13

Leres sirvivan Izrael pa pou fer sa ki mal. Zot pou nepli koz manti. Zot pou nepli tronp dimoun par zot parol. Zot pou viv e dormi anpe. Personn pa pou fer zot per.

Zakari 2:13

Gard silans devan SENYER, akoz in leve sorti dan son sanktyer sakre.

Nonm 14:21

Me osi vre ki mon vivan, e ki later antye i ranpli avek laglwar SENYER,

Romen 14:11

Annefe, Lekritir i deklare: Osi vre ki mon vivan, Senyer i deklare, tou zenou pou pliye devan mwan; e tou nasyon pou selebre mazeste Bondye.

Deterononm 29:22

Bann zenerasyon fitir, zot bann zanfan ki ava vin apre zot, ek etranze ki sorti dan en pei lwen, kan zot ava war fleo dan sa pei ek bann maladi ki SENYER in tap li avek, zot ava dir:

Deterononm 29:23

Son pei antye in ganny brile par souf ek disel, napa nanryen ki pouse, okenn boutir, okenn vezetasyon; parey dan destriksyon ki ti ariv avek Sodonm ek Gomor, Adma ek Zeboim ki SENYER ti detri dan son gran lakoler.