Sofoni 2:7 - Labib An Kreol Seselwa

⁷ Leres sirvivan pep Zida ki pou okip sa rezyon, kot zot pou sonny zot bann zannimo. Aswar, zot pou al dormi dan bann lakaz Askelonn. SENYER, zot Bondye, pou azir dan zot faver. I pou retabli zot sityasyon.

Sofoni 2:7 ပူးပေါင်းရင်းမြစ်များ

Zenez 50:24

En zour Zozef ti dir son bann frer, “Mon pre pour mor, me Bondye pou vin sekour zot e fer zot sorti dan sa pei e anmenn zot ver later ki i ti promet Abrahanm, Izaak ek Zakob.”

Psonm 80:14

Bondye liniver! Retournen. Depi lao dan lesyel, get sa ki pe arive! Pran swen sa plantasyon rezen.

Psonm 85:1

SENYER! Ou'n montre ou lanmour anver ou pei; ou'n retabli sityasyon Zakob.

Egzod 4:31

Lepep ti krwar. Kan zot ti aprann ki SENYER ti'n azir an faver bann Izraelit e ki i ti'n war zot soufrans, zot ti prosternen e ador SENYER.

Ezai 11:11

Sa zour, SENYER pou lev son lanmen ankor en fwa pour li liber restan son pep; bann ki ti Asiri, Lezip, Patros, Kous, bann ki dan Elanm, Sinear, Hamat e bann ki reste lo bann zil lanmer.

Ezai 11:14

Ansanm, zot pou atak bann Filisten dan Was. Ansanm, zot pou depouy bann zabitan dan Les. Edonm ek Moab pou tonm dan zot lanmen e bann Amonit pou anba zot dominasyon.

Ezai 11:16

Pou annan en larout sorti Asiri pour restan son pep ki pou ankor laba, parey ti annan enn pour Izrael ler i ti sorti Lezip.

Ezai 14:1

Me SENYER pou pran konpasyon pour Zakob e swazir Izrael ankor; i pou fer li viv anpe lo son prop later. Bann etranze ava zwenn avek li pour form parti desandan Zakob.

Ezai 32:14

Ou pale pou ganny abandonnen; ou lavil anfet pour ganny dezerte; ou kolin ek son bann tour pour vin en kavern pour touzour. La, bourik sovaz pou kontan vini e bann troupo pou vin manz zerb,

Zeremi 23:3

Mwan menm ki pou rasanble leres mon troupo, dan tou sa bann pei kot mon'n sas zot; mon pou fer zot retourn dan zot pei kot zot ava fer bokou zanfan.

Zeremi 29:10

Me la sa ki SENYER i deklare: Kan Babilonn ava'n egzers son pouvwar pandan 70 an, mon pou entervenir dan ou faver e mon pou realiz mon promes pour ou retourn dan sa pei.

Zeremi 29:14

Mon pou les ou trouv mwan, e mon pour fer ou retourn dan ou pei, SENYER i deklare. Mon pou rasanble ou depi dan tou bann nasyon e partou kot mon ti'n sas ou. Mon pou fer ou retourn isi kot mon ti tir ou pour al annegzil, SENYER ki deklare.

Zeremi 3:18

Sa zour la, Zida pou vin ansanm avek pep Izrael. Zot pou sorti dan pei Nor, kot zot in viv annegzil, pour zot vin dan sa pei ki mon'n donn zot zanset, koman en patrimwann.

Zeremi 30:3

Sa zour pe vini kan mon pou fer mon pep Izrael ek Zida retournen e repran posesyon sa pei ki mon ti'n donn zot zanset. Mwan, SENYER, mon deklare.

Zeremi 31:7

La sa ki SENYER i deklare: Sant bann kantik lazwa pour Izrael! Kriy avek pasyon pour sa pli gran nasyon. Fer tande zot louanz e kriye: SENYER! Sov ou pep, sa restan pep Izrael.

Zeremi 32:44

Wi, dan teritwar Benzamen, otour Zerizalenm, dan bann lavil Zida, dan bann lavil ki lo kolin, dan bann lavil ki lo montanny e dan bann lavil ki dan Negev, dimoun pour aste ankor kare later. Bann akt lavant pour ganny ekri, sinyen, kaste devan temwen. Mon pou remet bann zabitan sa pei dan zot sityasyon pase, SENYER ki deklare.

Zeremi 33:12

La sa ki SENYER i deklare: Dan sa pei ki parey en dezer, e kot napa personn ki viv, ni dimoun ni zannimo, e dan tou son bann lavil, pou annan nouvo landrwa kot bann berze pou kapab vey lo zot mouton ek zot bann kabri.

Zeremi 33:7

Mon pou fer Zida ek Izrael prospere, e mon pou rekonstri zot parey zot ti ete avan.

Zeremi 47:5

En gran latristes in anvai lepep ki reste Gaza. Zabitan Askelonn nepli oze koze. Ziska kan zot pou sizle zot lekor?

Ezekyel 39:25

La sa ki Senyer BONDYE i deklare: Dezormen, mon pou pran pitye pour pep Izrael, mon pou sanz desten desandan Zakob; mon pou reklanm respe pour mon non sen.

Oze 6:11

Pour ou osi Zida, byento mon pe prepar en rekolt, mon pou retabli destinen mon pep.

Abdyas 1:19

Zabitan Negev pou pran posesyon montanny Ezai; zabitan laplenn pou pran pei bann Filisten. Zot pou pran posesyon Efraim ek Samari; Benzamen pou posed Galaad.

Mise 2:12

Mon pou rasanble zot, desandan Zakob! Mon pou rasanble leres pep Izrael! Mon pou rasanble zot parey bann mouton dan berkay, koman en troupo dan laplenn. Zot pou form en lafoul tapazer.

Mise 4:10

Zabitan Zerizalenm! Pliy an de e plennyen, parey en fanm dan lakousman. La aprezan, ou ava kit lavil pour al kanpe dan laplenn, ou pou al Babilonn. Apre, ou ava ganny delivre. Laba, SENYER ava sov ou dan lanmen ou bann lennmi.

Mise 4:7

Avek sa bann ki bwete, mon pou fer en restan; avek bann ki ti'n ganny rezete, mon pou fer en nasyon for. Alor, SENYER pou vin zot lerwa pour touzour.

Sofoni 2:9

Alor, la sa ki SENYER liniver, Bondye Izrael, i deklare: Osi vre ki mon vivan, Moab pou vin parey Sodonm; bann Amonit parey lavil Gomor. Sa pei pou vin en landrwa kouver avek move zerb, bann basen disel, en pei detri pour touzour. Leres sirvivan parmi mon pep pou depouy li. Restan mon pep pou pran posesyon zot patrimwann.

Sofoni 3:13

Leres sirvivan Izrael pa pou fer sa ki mal. Zot pou nepli koz manti. Zot pou nepli tronp dimoun par zot parol. Zot pou viv e dormi anpe. Personn pa pou fer zot per.

Sofoni 3:20

La sa ki SENYER i deklare: Dan sa letan, mon pour fer zot retournen; dan sa letan, mon pou rasanble zot. Mon pou sanz zot sityasyon devan zot lizye. Mon pou donn zot en renonmen e elev zot loner parmi bann nasyon.

Agze 1:12

Alor Zorobabel, garson Sealtiel, ek Gran-Pret Zozye, garson Yosadak, ansanm avek leres pep ki'n retournen sorti legzil, ti obei sa ki SENYER zot Bondye ti demann zot fer, par lentermedyer profet Agze. Lepep ti annan en gran respe pour SENYER.

Agze 2:2

Koz avek Zorobabel garson Sealtiel, gouverner rezyon Zida, avek Gran-Pret Zozye, garson Yosadak, e avek leres lepep ki'n retournen e dir zot:

Levanzil dapre Lik 1:68

Mon rann glwar mon Senyer, Bondye pep Izrael, akoz in vin vizit e delivre son pep.

Levanzil dapre Lik 7:16

Tou dimoun ki ti la ti ranpli avek lafreyer. Zot ti loue Bondye. Zot ti dir, “En gran profet in leve parmi nou; Bondye in vin sekour son pep.”

Akt de Zapot 8:26

En lanz Senyer ti dir avek Filip, “Leve! Al dan direksyon Sid, lo semen ki sorti Zerizalenm pour al Gaza, en semen kot napa personn.”

Akt de Zapot 8:40

Kanta a Filip, i ti ariv dan en landrwa ki apel Asdod. I ti al dan bann lavil, e partou, i ti anons Bonn Nouvel, ziska ki i ti ariv Sezare.

Romen 11:5

Dan sa letan prezan, i parey: I reste en pti group dimoun ki Bondye dan son bonte, in swazir.

Rit 1:6

Apre sa, Naomi avek son de belfiy ti kit lakanpanny Moab, akoz i ti'n aprann ki SENYER in montre son faver anver son pep e i'n donn zot en bon rekolt.