Sofoni 2:5 - Labib An Kreol Seselwa

⁵ Maler pour bann zabitan obor lanmer, bann Keretit! SENYER in pronons en zizman kont zot: Kanaan, pei Filisten! Mon pou detri ou. Mon pou fer disparet tou ou bann zabitan.

Sofoni 2:5 ပူးပေါင်းရင်းမြစ်များ

Ezai 14:29

Bann Filisten pa bezwen rezoui, akoz sa baton ki pe tap lo zot in ganny kase. Annefe, en viper pou sorti dan kadav en serpan, dan sa viper pou sorti en dragon volan.

Ezai 14:30

Lene zanfan ki sorti dan bann fanmir pov ava ganny dekwa manze; bann malere ava dormi anpe. Me ou lennmi pou fer ou mor lafen e mon pou touy sa bann ki ava ankor vivan.

Zeremi 47:7

Me ki mannyer mon kapab repoze ler mon annan travay latas pour mwan fer? Mon'n ganny lord atak Askelonn e bann zabitan lakot.

Ezekyel 25:16

Alor, la sa ki Senyer BONDYE i deklare: Mon pou pran aksyon kont bann Filisten; mon pou detri bann Keretit ek tou sa ki reste lo borlanmer.

Amos 3:1

Pep Izrael! Ekout parol ki SENYER i prononse kont ou, lo tou bann fanmir ki mon'n fer monte, sorti Lezip:

Amos 5:1

Ekout sa parol, sa kantik dey ki mon pe sant lo ou, Izrael:

Sofoni 1:11

Bann zabitan ki dan leba lavil! Kriye. Tou bann marsan in ganny detri. Tou bann ki pez larzan in ganny touye.

Sofoni 3:6

Mon'n fer bann nasyon disparet. Mon'n demoli zot miray defans. Mon'n fer zot semen vin en ta debri, kot personn pa pase. Zot bann lavil in ganny detri, i nepli annan okenn zabitan.

Zakari 1:6

Sepandan mon bann parol, mon bann desizyon ki mon ti'n donn mon bann serviter, bann profet, pa i'n ariv ziska kot zot bann zanset? Alor, zot ti repanti e zot ti dir: SENYER liniver in deside tret nou dapre nou mannyer viv e nou mannyer fer.

Mark 12:12

Bann sef Zwif ti esey aret Zezi, me zot ti per lafoul. Zot ti konpran ki i ti'n rakont sa parabol pour zot. Alor, zot ti kit li e zot ti ale.

Zozye 13:2

La later ki reste ankor: Tou teritwar bann Filisten, ek bann Gesourit,

Zozye 13:3

depi toran Sihor ki anfas avek Lezip, ziska frontyer avek Ekronn dan Nor, ki ganny konsidere koman teritwar bann Kananeen, e ki ganny okipe par senk sef rwayonm bann Filisten: Gaza, Asdod, Askelonn, Gat ek Ekronn, ensi ki teritwar bann Avit;

Ziz 3:3

Sa senk sef bann Filisten, tou bann Kananeen, bann Sidonit, bann Hivit ki ti pe reste dan rezyon montanny Liban, depi montanny Baal-Hermon ziska Lebo-Hamat.

1 Samyel 30:14

Nou ti fer en latak dan teritwar bann Keretit, dan teritwar Zida, e dan teritwar bann Kalebit, dan Negev. Nou'n met dife dan Siklag.”