Sofoni 2:3 - Labib An Kreol Seselwa

³ Rod SENYER! Zot tou bann dimoun senp dan pei, bann ki azir avek drwatir. Rod lazistis ek limilite! Petet, zot ava ganny proteze, zour lakoler SENYER.

Sofoni 2:3 ပူးပေါင်းရင်းမြစ်များ

2 Samyel 12:22

I ti reponn, “Ler sa zanfan ti ankor vivan, mon ti zene, e plere akoz mon ti dir dan mwan menm: Petet SENYER i ava pran pitye pour mwan, e sa zanfan ava viv.

Psonm 105:4

Tourn ver SENYER e rod son pwisans! Rod kontinyelman son prezans!

Psonm 149:4

SENYER i pran plezir dan son pep; i donn laviktwar bann ki pov.

Psonm 22:26

Bann pov ava kapab manze ziska zot rasazye. Dimoun ki rod SENYER pou loue li. Zot ava viv pour touzour!

Psonm 31:20

Ou kasyet zot dan sekirite ou prezans. Ou kasyet zot kont konplo zot bann lennmi.

Psonm 45:4

Dan ou mazeste, mont lo ou seval ver laviktwar pour defann laverite, labonte, lazistis. Montre ou pwisans par ou bann gran aksyon.

Psonm 57:1

Pran pitye pour mwan, mon Bondye! Pran pitye pour mwan. Ou mon protekter. Mon vin rod proteksyon anba ou lezel, ziska ki bann dezas i pase.

Psonm 76:9

ler Bondye i leve pour li rann zizman, pour li sov tou bann malere lo later.

Psonm 91:1

Sa enn ki reste kot Bondye Treo, e repoz anba proteksyon Bondye Toupwisan,

Egzod 12:27

Zot ava reponn: Sa i sakrifis Pak pour SENYER. I ti pas par lao lakaz bann Izraelit dan Lezip; i ti touy bann Ezipsyen, me i ti eparny nou bann lakaz.” Lepep ti prosternen e adore.

Proverb 18:10

Non SENYER i en tour solid; i en proteksyon pour sa enn ki zis.

Ezai 1:17

Aprann fer sa ki byen, rod lazistis, sov sa enn ki ganny kraze; defann bann orfelen, pran ka avek bann vev.

Ezai 11:4

I pou ziz bann pov dapre lazistis e desid avek ladrwatir, an faver bann ki san defans lo later. Lo son lord, zabitan later pou ganny pini. I pou detri bann move dimoun avek son souf.

Ezai 61:1

Lespri Senyer BONDYE i repoz lo mwan, SENYER in konsakre mwan; in anvoy mwan anmenn bonn nouvel kot bann ki'n ganny imilye; geri bann leker brize, proklanm delivrans pour bann prizonnyen rann laliberte bann ki dan prizon,

Zeremi 39:18

Mon pou protez ou pour ki personn pa pou kapab touy ou. Ou pou sov ou lavi akoz ou ti met ou konfyans dan mwan, SENYER i deklare.

Zeremi 45:5

E ou? Eski ou pe rod gran keksoz pour ou? Pa rode, akoz mon pe anvoy maler lo tou dimoun. Me ou, mon pou protez ou lavi koman en depouy lager, partou kot ou pou ale.

Ezekyel 13:5

Ou pa'n esey bous bann trou dan miray ki'n degrengole pour protez Izrael par en baraz kont lager zour SENYER.

Oze 10:12

Senm lazistis e ou ava rekolte fidelite. Defris en nouvo plantasyon: Letan in arive pour ou tourn ver SENYER, pour mwan vin devers lazistis lo ou.

Oze 7:10

Lorgey Izrael i temwanny kont li. Izrael pa'n retourn ver SENYER son Bondye. Apre tou, zot pa rod li.

Zonas 3:9

Lekel ki konnen! Kekfwa Bondye ava sanz son lide e son lakoler ava arete e nou pa ava ganny detri.

Zakari 8:19

La sa ki SENYER liniver i deklare: Zenn ki ou fer dan katriyenm mwan, zenn ki ou fer dan senkyenm mwan, zenn ki ou fer dan setyenm mwan e zenn ou fer dan dizyenm mwan, pou vin pour tribi Zida bann zour lazwa, rezouisans ek lafet. Alor, kontan laverite ek lape.

Matye 5:5

Byennere bann ki dou, akoz zot pou posed later!

1 Tesalonisyen 4:1

Anfen, mon bann frer ek ser! Zot in aprann avek nou, koman zot devre konport zot pour fer plezir Bondye. Zot pe fer li deza; me esey fer pli byen ankor.

1 Tesalonisyen 4:10

Dayer, zot deza pe kontan tou bann frer dan Masedwann antye. Me nou demann zot, frer ek ser, pour fer plis ankor.

1 Pyer 1:22

Zot, zot in ganny pirifye par zot lobeisans anver laverite, pour zot kontan kanmarad senserman koman bann frer. Donk, kontan kanmarad bokou avek en leker pir.

1 Pyer 3:4

Me zot labote i devret en labote enteryer, dan leker, kot i pa kapab disparet. Labote en lespri bon e trankil ki annan en gran valer devan Bondye.

2 Pyer 3:18

Kontinyen grandi dan lagras ek konnesans nou Senyer e Sover Zezi-Kri. Annou rann li glwar, aprezan e pour touzour! Amenn!