Sofoni 2:1 - Labib An Kreol Seselwa

¹ Rasanble zot, vin ansanm, nasyon san pider,

Sofoni 2:1 ပူးပေါင်းရင်းမြစ်များ

2 Kronik 20:4

Bann Zideen sorti dan tou kote, ti rasanble dan Zerizalenm pour demann led SENYER.

Nehemi 8:1

Pep antye ti rasanble ansanm dan laplas piblik devan laport Delo. Zot ti demann skrib Esdras pour anmenn liv lalwa Moiz, ki SENYER ti'n donn Izrael.

Nehemi 9:1

Dan sa menm mwan, vennkatriyenm zour, pep Izrael ti rasanble ansanm pour zene. Zot ti met lenz dey, avek lapousyer lo zot latet.

Ester 4:16

Ale, rasanble tou bann Zwif ki i annan dan lavil Siz. Fer en zenn pour mwan pandan trwa zour, san manze ni bwar, aswar koman lizour. Mwan osi, mon pou fer parey, ansanm avek mon bann servant. Answit, menm si i kont lalwa, mon ava al kot lerwa; si fodre mor mon ava mor!

Zeremi 3:3

Pour sa rezon, mon'n anpes lapli tonbe e sezon lapli pa'n vini. Vreman, ou'n vin parey en prostitye, me ou pa ni onte.

Zeremi 6:15

Zot devre onte pour zot bann aksyon degoutan ki'n ofans mwan. Me zot napa pider. Zot pa'n ni oule rekonnet zot tor. Pour sa rezon, zot pou tonm parey tou lezot. Zot pou tonbe kan mon pou demann zot rann kont. SENYER i deklare.

Zoel 1:14

Donn lord pour fer en zenn. Rasanble bann zabitan pour en lasanble solannel! Rasanble bann ansyen ek tou zabitan dan pei, dan tanp SENYER zot Bondye e enplor SENYER.

Sofoni 3:5

Dan lavil, SENYER i montre lazistis. I pa fer nanryen ki enzis. Tou le bomaten, san zanmen manke, i rann son zizman. Malgre sa, malfeter i azir san okenn laont.

Zakari 11:8

Apre zis en mwan, mon ti sas sa trwa berze. Apre, mon ti perdi pasyans avek bann mouton. Zot osi, zot ti deteste mwan.

Matye 18:20

Annefe, la kot de oubyen trwa dimoun in rasanble an mon non, mon pou la parmi zot.”