Sofoni 1:7 - Labib An Kreol Seselwa

⁷ Fer silans devan Senyer BONDYE! Akoz zour zizman SENYER i pros. SENYER in prepar en sakrifis; i'n konsakre son bann envite.

Sofoni 1:7 ပူးပေါင်းရင်းမြစ်များ

Liv Zob 24:1

Akoz Bondye liniver pa'n pran en pe letan an rezerv? Akoz son bann fidel pa war son bann zour?

Psonm 46:10

Arete! Konnen ki mwan menm Bondye. Mon domin lo tou nasyon; mon domin lo later antye.

Ezai 13:3

Mwan menm ki'n donn lord bann zonm ki mon'n konsakre. Mon'n rasanble mon bann brav gerye, ki selebre mon laviktwar e egzekit mon lakoler.

Ezai 13:6

Lamante! Akoz zour SENYER i pros. I pe vini parey en dezas ki'n ganny anvoye par Bondye pwisan.

Ezai 2:12

Annefe, SENYER liniver in gard son zour pour li azir kont bann ki fyer e vantar, ler i pou abes sa bann ki krwar zot siperyer.

Ezai 29:2

Mon pou kraz ou Ariel. Ou pou konn zis plere ek lamante; ou ava pour mwan parey en lotel kot ou bril sakrifis.

Ezai 34:5

Mon lepe in aparet dan lesyel; i pou desann lo bann Edomit, lo sa pep ki mon'n kondannen pour destriksyon.

Ezai 34:6

Lepe SENYER i kouver avek disan e avek lagres; avek disan bann zenn mouton ek bann bouk; avek lagres ronnyon bann mouton. SENYER in ofer en sakrifis dan Bosra; en masak terib dan pei Edonm.

Ezai 6:5

Alor, mon ti dir: Maler lo mwan! Fini pour mwan! Mon en zonm avek lalev enpir, e mon pe viv parmi en pep ki lalev i enpir; mon lizye in war Lerwa, SENYER liniver!

Zeremi 46:10

Sa zour, i zour Senyer BONDYE liniver: Sa zour, i en zour revanz. Sa zour, i pou pini son bann lennmi. Lepe, parey en mons pe devor zot avek gran lapeti, e bwar zot disan ziska ler i sou. Ozordi, dan Nor, obor larivyer Efrat, sakrifis pe ganny ofer an loner Senyer BONDYE liniver.

Ezekyel 7:10

Sa zour zizman i la! La i vini! Ou tour in arive! Baton in pet an fler! Larogans in fleri!

Ezekyel 7:7

Zabitan sa pei! Ou tour in arive. Ou letan in arive! Sa zour i pros, en zour konfizyon! I nepli zour selebrasyon lo montanny.

Zoel 1:15

Maler! Zour SENYER i pros. Zour destriksyon ki Bondye Toupwisan pou anvoye.

Zoel 2:11

SENYER i fer tande son lavwa devan son larme, son gran larme pwisan ki egzekit son lord. Zour SENYER i gran e vreman terib. Lekel ki pou kapab reziste?

Zoel 2:31

Avan sa zour SENYER i arive, soley pou vin sonm, lalin pou vin kouler disan. I pou en zour gran e terib.

Amos 6:10

Kan en manm lafanmir ava pran en mor pour al brile, i ava demann avek sa ki la si napa personn ankor dan lakaz. Lot ava reponn: Napa personn. Alor, i ava azoute: Reste trankil. Pa mansyonn non SENYER.

Amos 8:3

Senyer BONDYE i deklare: Sa zour, bann sanson dan pale, pou vin kantik dey. Pou annan en kantite lanmor. Bann kadav pou ganny zete partou. Partou pou silans.

Habakouk 2:20

Me SENYER i prezan dan son tanp sen. Later antye! Fer silans devan li.

Sofoni 1:14

Sa gran zour SENYER i pros; i tre pros, i pe arive byen vit. Menm bann gerye i kriy osekour.

Zakari 14:1

Sa zour ki pour SENYER pe vini, kan bann depouy lager pou ganny partaze parmi zot.

Zakari 2:13

Gard silans devan SENYER, akoz in leve sorti dan son sanktyer sakre.

Malasi 4:1

SENYER liniver i deklare: La sa zour pe arive. I pou so parey en dife kot tou bann arogan ek bann malfeter pou brile parey lapay. Sa zour, zot pou bril tou konpletman, san les ni rasin ni brans.

Matye 22:4

I ti anvoy ankor lezot serviter pour al dir bann envite: Mon'n fini prepar repa. Mon'n touy bann bef ek mon bann zannimo byen gra; tou keksoz in pare; vini pour festen maryaz!

Romen 3:19

Nou konnen ki tou sa ki Lalwa i dir, i dir pour sa bann ki viv anba lalwa. Konmsa, personn pa kapab ouver labous pour eskiz li, e lemonn antye ava ganny rekonnet koupab devan Bondye.

Romen 9:20

Me ki ou ete ou, zonm, pour ou kontredir Bondye? Eski en po later i kapab demann avek son fabrikan: Akoz ou'n fer mwan konmsa?

Filipyen 4:5

Montre zot bon anver tou dimoun. Senyer i pre pour retournen.

Kolosyen 1:12

Remersye Bondye nou Papa dan lazwa: I'n rann zot kapab ganny par dan leritaz pep Bondye dan son rwayonm lalimyer.

1 Samyel 16:5

I ti dir, “Wi! Mon'n vin ofer SENYER en sakrifis. Pirifye zot, e vin avek mwan pour ofer sakrifis.” I ti osi demann Zese ek son bann garson pour pirifye zot e i ti envit zot pour ofer sakrifis SENYER.

1 Samyel 20:26

Sa zour, Sail pa ti dir nanryen, akoz i ti mazinen: I zis par azar; i enpir; sertennman ki i enpir.