Sofoni 1:3 - Labib An Kreol Seselwa

³ Mon pou fer disparet tou et imen ek tou zannimo, bann zwazo dan lesyel ek bann pwason dan lanmer. Mon pou fer tonbe bann malfeter ek bann ki pous zot pour mal azir. Mon pou fer disparet tou bann et imen lo later, SENYER ki deklare.

Sofoni 1:3 ပူးပေါင်းရင်းမြစ်များ

Zenez 6:7

I ti dir: Mon pou detri lo later bann et imen ki mon'n kree. Mon pou detri depi zonm, zannimo, pti bebet ek zwazo dan lesyel. Mon regrete mon'n kree zot.

Ezai 27:9

Konmsa ki pese Zakob pou ganny efase. La rezilta pardon son pese: Tou bann ros ki ti servi pour fer bann lotel avek pou ganny kraze e vin koman lapousyer. Tou bann poto sakre, oubyen bann lotel lansan, pou disparet.

Ezai 6:11

Mon ti demande: Ziska kan, SENYER? I ti dir: Ziska ki bann lavil i ganny detri e personn pa reste dan sa bann lakaz, e pei i ganny devaste;

Ezai 6:12

ziska ki SENYER i al lwen avek bann zabitan e ki sa gran later i ganny abandonnen.

Zeremi 12:4

Later i sek, zerb in fletri. Zannimo ek zwazo pe mor. Tousala, akoz mesanste sa bann dimoun ki'n dir: Bondye pa war sa ki nou pe fer.

Zeremi 50:3

En nasyon sorti dan Nor pe vin atak Babilonn e fer pei vin en landrwa devaste; personn pa pou reste la. Dimoun ek zannimo pou sove.

Zeremi 7:20

Alor, mwan Senyer BONDYE, mon pou les mon gran lakoler deborde lo sa lavil. Mon pou devers mon lakoler lo dimoun ek zannimo, lo bann pye dibwa ek bann rekolt. Mon lakoler pour brile parey en dife ki personn pa pou kapab tennyen.

Zeremi 9:10

Mon pou lamante lo bann montanny e plere pour bann laplenn, akoz zot in ganny brile. Personn pa pase e nepli annan tapaz bann troupo. Zwazo ek zannimo sovaz in ale; pa reste nanryen.

Ezekyel 44:12

Me akoz zot ti servi devan bann zidol e zot in fer pep Izrael tonm dan pese, mon ti fer en serman kont zot, ki zot ava port konsekans zot pese. Senyer BONDYE ki'n deklare.

Ezekyel 7:19

Zot pou zet zot larzan dan lari e zot lor pa pou annan plis valer ki salte, akoz ni zot larzan, ni zot lor pa pou kapab sov zot, zour SENYER ava montre son lakoler. Zot pou napa ase manze pour satisfer zot lapeti, zot vant pou reste vid. Zot lor ek zot larzan ki'n fer zot tonm dan pese.

Oze 14:3

Asiri pa kapab sov nou, nou pa pou mont seval; nou pa pou koz ankor; nou pa pou dir ankor avek travay ki nou lanmen in fer: Ou nou Bondye. Ou ki pran pitye pour bann orfelen.

Oze 14:8

Efraim! Ki i annan ant mwan ek ou bann zidol? Se mwan ki reponn e pran swen avek ou. Parey en pye dibwa byen ver, mon ava kouver ou anba mon feyaz. Mwan ki fer ou donn fri.

Oze 4:3

Pour sa rezon pei pou dan dey, son bann zabitan pe deperi ansanm avek bann zannimo sovaz, bann zwazo dan lesyel. Menm bann pwason dan lanmer pe disparet.

Zakari 13:2

La sa ki SENYER liniver i deklare: Mon pou debaras pei avek non bann zidol e personn pa pou mazin zot ankor. Mon pou osi debaras pei avek bann profet ek zot lanvi enpir.

Matye 13:41

Fis-de-Lonm pou anvoy son bann lanz dan son Rwayonm pour elimin tou bann ki fer tonm dan lemal e bann ki fer lemal zot menm.

Matye 23:39

Mon dir zot, sa i laverite: Zot pa pou war mwan ankor ziska zot ava dir: Bondye! Beni sa enn ki pe vini lo non Senyer.”

Revelasyon 2:14

Sepandan, mon annan detrwa repros pour fer ou: Ou annan kot ou serten dimoun ki atase avek lansennyman Balaanm. I ti montre Balak konman pour fer bann Izraelit tonm dan pese: I ti fer zot manz lavyann ki'n ganny ofer avek zidol e fer zot pratik limoralite seksyel.