Sofoni 1:17 - Labib An Kreol Seselwa

¹⁷ Mon pou anvoy maler lo bann imen. Zot pou mars parey bann aveg, akoz zot in fer pese kont SENYER. Disan pou fannen parey lapousyer e zot laser pou parey salte.

Sofoni 1:17 ပူးပေါင်းရင်းမြစ်များ

Psonm 83:10

Zot ti ganny detri Andor e ganny servi koman fimyen pour angres later.

Ezai 29:10

Akoz SENYER in fer zot lespri angourdi; in ferm lizye bann profet, in met en vwal lo latet bann vizyoner.

Ezai 50:1

La sa ki SENYER i deklare: Oli let divors ki prouve ki mon'n divors ou manman? Oubyen avek ki mon'n vann ou? Non, ou'n ganny vann akoz zot bann pese e ou manman ti ganny divorse akoz zot bann fot.

Zeremi 10:18

Annefe, la sa ki SENYER i deklare: Mon pou sas ou dan sa pei, e deport ou. Mon pou anserkle zot pour ki personn pa sape.

Zeremi 15:3

La sa ki SENYER i deklare: Mon'n deside azir kont zot par kat maler: Touye dan lager; desire par bann lisyen; devore par zwazo ek zannimo sovaz.

Zeremi 18:21

Alor, les zot bann zanfan mor lafen; fer zot ganny touye dan lager. Pa les zot bann fanm ganny ankor zanfan e ki zot vin vev. Fer ki zot mari i mor avek en lepidemi; e bann zennzan i ganny touye dan lager.

Zeremi 2:17

Izrael! Tousala in ariv ou akoz ou'n abandonn SENYER, ou Bondye ler i ti pe gid ou lo ou semen.

Zeremi 2:19

Ou prop pese ki pini ou. Ou bann enfidelite pe retourn kont ou. Konmsa, ou ava aprann ki mannyer i fer mal abandonn mwan, SENYER ou Bondye, e pa reste fidel anver mwan, SENYER, Bondye liniver i deklare.

Zeremi 3:25

Annou kasyet dan nou laont e ganny kouver avek dezoner. Annefe, depi nou lanfans, nou, avek nou paran, nou pe komet pese anver SENYER, nou Bondye. Nou pa'n ekout sa ki SENYER nou Bondye ti'n dir nou.

Zeremi 4:18

Tousala i ariv lo ou akoz mannyer ou'n viv e akoz tou sa ki ou'n fer. Ou pese i lakoz ou soufrans, ziska in pers ou leker.

Zeremi 8:2

Lennmi pou les sa bann lezo tale ater parey fimyen e les zot ganny ekspoze dan soley, lalin ek zetwal ki sa bann zans ti kontan, ki zot ti servi, konsilte e adore.

Lamantasyon 1:14

I'n fer en pake avek mon bann pese ki i'n met lo mon zepol. I'n diminyen mon lafors. SENYER in livre mwan dan lanmen lennmi. Mon pa kapab defann mon lekor.

Lamantasyon 1:18

SENYER ti annan rezon azir konmsa anver mwan, akoz mon'n revolte kont son komannman. Tou bann pep! Ekout mwan: Get mon soufrans. Mon bann zenn fiy ek mon bann zennzan in ganny anvoye annegzil.

Lamantasyon 1:8

Zerizalenm in fer bokou pese; in sali son lekor. Tou dimoun ki ti annan respe pour li, pe mepriz li aprezan, akoz zot in war son touni. Li menm i onte e i kasyet son figir.

Lamantasyon 2:21

Zenn koman vye in tale dan lapousyer lo semen. Zenn fiy ek zenn garson in ganny masakre. Zour ou lakoler ti leve, ou'n touy zot, ou'n masakre zot san pitye.

Ezekyel 16:38

Mon pou kondann ou parey en fanm adilter e bann ki fer koule disan. Dan lakoler ek pasyon zalou, mon pou met ou ansan.

Ezekyel 24:7

Disan ki Zerizalenm in fer koule, i'n reste dan lavil. I'n koul lo ros, pa dan later, ni kot i pou ganny kouver avek lapousyer.

Ezekyel 24:8

Pour provok mon lakoler, pour vanze, mon'n kit sa disan ankor vif lo ros, san ki personn i kouver li.

Amos 4:10

Mon ti anvoy lepidemi lo zot, parey mon ti anvoy lo Lezip. Mon'n masakre zot bann zennzan dan lager, mon'n les zot bann seval ganny vole. Mon'n fer monte dan zot nennen piyanter lanmor dan zot bann kan. Malgre tousala, zot pa'n retourn ver mwan. SENYER ki'n deklare.

Mise 7:13

Me later pou vin dezer, akoz son bann zabitan, akoz rezilta mesanste son zabitan.

Matye 15:14

Les zot! Zot en bann aveg ki pe kondwir bann aveg. Ler en dimoun aveg i kondwir en lot aveg, tou le de i tonm dan rigol.”

Romen 11:25

Mon bann frer ek ser! Pour zot pa tonm dan lorgey e pran zot pour bann saz, mon oule revel zot en mister: En parti pep Izrael, pou persiste dan son landirsisman, ziska ki tou lezot pep ava'n aksepte Bondye.

Romen 11:7

E alor? Pep Izrael pa ti ganny sa ki i ti pe rode. Zis sa pti group ki Bondye ti'n swazir ki ti gannyen. Lezot in persiste dan zot landirsisman,

2 Korentyen 4:4

Pour bann ki pa krwar, bondye sa lemonn in avegle zot lentelizans; i'n anpes zot war lalimyer Bonn Nouvel mazeste Kris, ki resanblans Bondye li menm.

2 Pyer 1:9

Sa enn ki pa posed sa bann kalite i koman en aveg; son lizye in fermen. I'n oubliye ki son bann pese otrefwa in ganny pardonnen.

1 Zan 2:11

Sa enn ki deteste son frer, i dan fernwanr; i pe mars dan fernwanr. I pa konnen kote i pe ale, akoz fernwanr in rann li aveg.

Revelasyon 3:17

Ou dir: Mon ris, mon'n anrisi, e mon pa bezwen nanryen. Me ou pa konnen konbyen ou malere, mizerab, pov, aveg e touni.