Sofoni 1:14 - Labib An Kreol Seselwa

¹⁴ Sa gran zour SENYER i pros; i tre pros, i pe arive byen vit. Menm bann gerye i kriy osekour.

Sofoni 1:14 ပူးပေါင်းရင်းမြစ်များ

Ezai 15:4

Zabitan Hesbonn ek Eleale pe kriye. Ou antann zot lavwa ziska Yahatz. Pour sa rezon, bann solda Moab pe kriye; zot in dekouraze.

Ezai 33:7

Ekoute! Bann brav pe kriye dan semen. Bann mesaze lape pe plere asodlarm.

Ezai 66:6

Ekout sa tapaz ki sorti dan lavil! En lavwa ki sorti dan tanp! Se lavwa SENYER: I pe rann son bann lennmi sa ki zot merite!

Ezai 8:22

Apre, zot ava tourn zot latet ver later; me zot pou war zis detres, fernwanr ek langwas terib; zot pou ganny zete dan fernwanr epe.

Zeremi 25:36

Ekout bann berze ki pe kriye e pe fer konplent lo bann sef troupo. Annefe, SENYER in detri zot landrwa manze,

Zeremi 30:7

Maler! En zour terib pe vini; en zour ki ou pa kapab konpare. I en letan detres pour Zakob! Me i pou ganny delivre.

Zeremi 46:5

Akoz mon war zot dan lafreyer? Zot pe rekile? Zot bann gerye in ganny bate; zot in sove osi vit ki zot kapab. Zot pa get deryer zot. Laterer in antour zot, SENYER i deklare.

Zeremi 48:41

Bann lavil pou ganny kaptire; bann plas byen proteze pou ganny kaptire. Sa zour, bann gerye Moab pou per parey en fanm ki dan douler lanfantman.

Ezekyel 12:23

Alor, dir zot: La sa ki Senyer BONDYE i deklare: Mon pou fer arete sa proverb; i pa pou ganny repete ankor dan pei Izrael. Dir zot o kontrer, letan pe arive pour tou vizyon ganny akonpli.

Ezekyel 30:3

Sa zour SENYER i pros, en zour ki lesyel pou kouver avek nyaz; i pou en zour maler pour tou nasyon.

Ezekyel 7:12

Letan in arive, sa zour pe aprose! Bann aster pa bezwen selebre, bann vander pa bezwen aflize, akoz en gran lakoler pou tonm lo tou dimoun.

Ezekyel 7:16

Si okenn sirvivan i sov dan montanny, zot tou, parey pizon ki plennyen, zot pou zemir akoz zot pese.

Zoel 1:15

Maler! Zour SENYER i pros. Zour destriksyon ki Bondye Toupwisan pou anvoye.

Zoel 2:1

Sonn tronpet lo montanny Siyon! Kriye lo mon montanny sakre! Tranble, zot bann zabitan pei Zida! Zour SENYER pe vini, i byen pros.

Zoel 2:11

SENYER i fer tande son lavwa devan son larme, son gran larme pwisan ki egzekit son lord. Zour SENYER i gran e vreman terib. Lekel ki pou kapab reziste?

Zoel 2:31

Avan sa zour SENYER i arive, soley pou vin sonm, lalin pou vin kouler disan. I pou en zour gran e terib.

Zoel 3:14

Gran, Gran lafoul pe rasanble dan vale zizman. Zour SENYER i pros; i pe vin dan vale zizman.

Zoel 3:16

SENYER i kriye depi Siyon; i fer tande son lavwa depi Zerizalenm. Lesyel ek later i tranble. Me SENYER i en labri pour son pep, en proteksyon pour Izrael.

Amos 8:2

SENYER ti demann mwan, “Amos, ki ou war?” Mon ti reponn “En pannyen fri mir.” Alor, SENYER ti dir mwan: Letan lafen pour mon pep Izrael, in arive. Mon pa pou eparny li.

Sofoni 1:10

La sa ki SENYER i deklare: Sa zour, zot pou antann kriye depi Laport Pwason. Zot pou antann irlman sorti dan Nouvo lavil; e en gran tapaz sorti dan kolin.

Sofoni 1:7

Fer silans devan Senyer BONDYE! Akoz zour zizman SENYER i pros. SENYER in prepar en sakrifis; i'n konsakre son bann envite.

Malasi 4:5

Gete: Mon pou anvoy zot profet Eli avan ki sa zour SENYER i vini, sa zour ki pou gran e terib.

Akt de Zapot 2:20

Soley pou vin fernwanr, e lalin pou vin disan, avan ki zour Senyer i arive, sa zour gran e glorye.

Filipyen 4:5

Montre zot bon anver tou dimoun. Senyer i pre pour retournen.

1 Tesalonisyen 4:16

Annefe, kan sinyal pou ganny donnen avek lavwa en larkanz, e son tronpet Bondye, Senyer li menm pou desann sorti dan lesyel, e bann ki'n mor dan Kris pou resisite an premye.

Ebre 12:26

Otrefwa, son lavwa ti fer tranble later; me aprezan, i'n promet nou: Mon pou fer tranble ankor en fwa, non selman later, me osi lesyel.

Let Zak 5:9

Mon bann frer! Pa bezwen plenny kont kanmarad, pour zot pa ganny zize. Ziz i pros pou aparet; i devan laport.

2 Pyer 2:3

Akoz zot lanmour pour larzan, sa bann dimoun pou eksplwat zot par bann fo rezonnman pour trik zot. Me zot zizman in pare pour zot depi lontan; zot kondannasyon pe esper zot, e zot destriksyon pa pe dormi.