Sofoni 1:13 - Labib An Kreol Seselwa

¹³ Zot larises pou ganny pran. Zot lakaz pou ganny detri. Zot pou konstrir lakaz, me zot pa pou reste ladan. Zot pou plant rezen, me zot pa pou bwar son diven.

Sofoni 1:13 ပူးပေါင်းရင်းမြစ်များ

Ezai 6:11

Mon ti demande: Ziska kan, SENYER? I ti dir: Ziska ki bann lavil i ganny detri e personn pa reste dan sa bann lakaz, e pei i ganny devaste;

Zeremi 15:13

La sa ki SENYER ti dir avek pep Zida: Mon pou livre zot larises ek zot trezor avek zot lennmi. Sa i konsekans zot bann pese ki zot in komet atraver pei.

Zeremi 17:3

Akoz ou bann pese dan pei antye, ou ki frekant lo bann montanny ek lakanpanny, mon pou donn koman piyaz lager, tou ou larises, tou ou bann trezor ek ou bann landrwa sakre.

Zeremi 4:20

Dezas pe vin enn deryer lot; pei antye in ganny ravaze. En sel kou, nou bann latant in ganny detri; zot bann rido in desir an morso.

Zeremi 4:7

Destrikter bann nasyon pe vini. Parey en lyon, in sorti dan son landrwa kasyet. I pou detri zot pei. Zot bann lavil pou ganny detri e reste abandonnen.

Zeremi 5:17

Zot pou devor tou: Rekolt ek zot nouritir. Zot pou touy bann garson ek bann fiy. Zot pou masakre zot troupo ek zot betay. Zot pou detri bann plantasyon rezen ek bann pye fig. Tou bann lavil fortifye kot ou krwar ou an sekirite, pou ganny detri par zot larme ki pou masakre tou bann zabitan.

Zeremi 9:11

Mon pou fer Zerizalenm vin en ta rin, kot zis zannimo sovaz pou viv. Bann lavil Zida pou vin en dezer kot personn pa pou reste.

Zeremi 9:19

Sa tapaz plere in ganny tande dan Zerizalenm: Nou'n ganny rinen! Nou onte! Nou bezwen kit nou pei. Lennmi in detri nou lakaz.

Lamantasyon 5:2

Nou patrimwann i dan lanmen bann etranze. Nou lakaz i aprezan pour lezot nasyon.

Ezekyel 22:31

Alor, mon'n devers mon lakoler kont zot. Mon'n bril zot avek dife mon lakoler. Mon'n fer zot pey konsekans zot move konportman. Senyer BONDYE ki deklare.

Ezekyel 7:19

Zot pou zet zot larzan dan lari e zot lor pa pou annan plis valer ki salte, akoz ni zot larzan, ni zot lor pa pou kapab sov zot, zour SENYER ava montre son lakoler. Zot pou napa ase manze pour satisfer zot lapeti, zot vant pou reste vid. Zot lor ek zot larzan ki'n fer zot tonm dan pese.

Ezekyel 7:21

Mon pou donn bann etranze pour fer piyaz ladan, bann bandi pou depouy zot larises e profann li.

Ezekyel 7:24

Mon pou fer nasyon pli kriyel pran posesyon zot lakaz. Mon pou detri larogans bann ki for e profann zot landrwa sakre.

Amos 5:11

Zot in kraz dimoun pov, zot in pran pardfors en parti zot rekolt. Pour sa rezon, zot pa pou viv dan bann lakaz fer avek ros taye e ki zot in konstri. Zot pa pou bwar diven sorti dan zot bann plantasyon rezen.

Mise 3:12

Alor, akoz ou, fose pou ganny fouye dan Siyon, Zerizalenm pou vin en ta debri. Montanny kot tanp i ete pou ganny kouver avek brousay.

Mise 6:15

Ou pou senmen me ou pa pou rekolte. Ou pou kraz zoliv me ou pa pou servi son delwil. Ou pou kraz rezen me ou pa pou bwar diven.

Sofoni 1:9

Sa zour, mon pou fer rann kont tou sa bann ki travers laport tanp, e ki ranpli tanp zot SENYER avek vyolans ek frod.

Deterononm 28:30

Ou ava marye avek en fanm, me en lot zonm ki pou dormi avek li. Ou ava konstri en lakaz, me ou pa pou reste ladan. Ou ava plant en plantasyon rezen me ou pa pou gout son fri.

Deterononm 28:39

Ou ava plant rezen e kiltiv li, me ou pa pou gout son diven; ou pa pou rekolte son fri, akoz lever pou manz tou.

Deterononm 28:51

Sa nasyon ava manz prodwi ou bann troupo, prodwi ou later, ziska ki ou ganny detri. I ava les ou san semans, diven, delwil, ni zenn bef, ni zenn mouton, ni zenn kabri, ziska ki i'n fer ou disparet.