Sofoni 1:11 - Labib An Kreol Seselwa

¹¹ Bann zabitan ki dan leba lavil! Kriye. Tou bann marsan in ganny detri. Tou bann ki pez larzan in ganny touye.

Sofoni 1:11 ပူးပေါင်းရင်းမြစ်များ

Liv Zob 27:16

Si i anmas larzan koman lapousyer, e met an ta bann lenz parey labou,

Liv Zob 27:17

en bon dimoun ki pou met sa lenz, en zonm onnet ki pou tous son larzan.

Zeremi 25:34

Bann berze mon troupo! Kriy byen for. Plere! Roul zot dan lapousyer. Letan pour zot ganny masakre e pour zot kadav ganny disperse in arive. Zot pou ganny kase parey en po presye.

Zeremi 4:8

Pour sa rezon, met zot lenz dey; plere, lamante, akoz SENYER pe devers son gran lakoler lo zot.

Ezekyel 21:12

Ou ki en imen, kriye e plennyen! Sa lepe i kont mon pep e kont tou bann prens ki gouvern Izrael. Zot pou ganny masakre ansanm avek leres mon pep. Tap zot pwatrin avek dezespwar.

Oze 9:6

Kan zot sove zour katastrof, Lezip ki pou rasanble zot. Lavil Menmfis pou vin zot tonbo. Move zerb pou kouver zot larzan e rons pou anvai zot latant.

Zoel 1:13

Zot bann pret! Met zot lenz dey! Lamante, zot ki servi lo lotel! Antre dan tanp e pas lannwit dan lenz dey. Lamante, zot bann serviter Bondye! I nepli annan lofrann vezetal ek lofrann diven dan tanp zot Bondye.

Zoel 1:5

Reveye, zot bann soular! Plere, zot bann bwarer diven! Rezen pour fer diven nouvo in ganny detri.

Sofoni 2:5

Maler pour bann zabitan obor lanmer, bann Keretit! SENYER in pronons en zizman kont zot: Kanaan, pei Filisten! Mon pou detri ou. Mon pou fer disparet tou ou bann zabitan.

Zakari 14:21

Tou bann marmit ki annan dan Zerizalenm e dan Zida ava ganny konsakre pour SENYER liniver. Konmsa, tou dimoun ki vin ofer sakrifis, ava servi zot pour bwi lavyann pour sakrifis. Sa zour, pou nepli annan marsan dan tanp SENYER liniver.

Levanzil dapre Zan 2:16

I ti dir bann vander pizon, “Tir sa bann zafer isi. Arete fer lakaz mon Papa en bazar.”

Let Zak 5:1

Zot bann ris! Aprezan ekoute: Plere, kriye akoz bann maler ki pou tonm lo zot.