Sofoni 1:1 - Labib An Kreol Seselwa

¹ SENYER ti koz avek Sofoni, garson Kousi, garson Gedalya, garson Amaria, garson Ezekyas, dan lepok ki Zozyas, garson Amonn, ti lerwa Zida.

Sofoni 1:1 ပူးပေါင်းရင်းမြစ်များ

2 Rwa 21:18

Manase ti mor e ganny antere avek son bann zanset. I ti ganny antere dan zarden Ouza, e son garson Amonn ti vin lerwa dan son plas.

2 Rwa 21:26

I ti ganny antere dan son latonm dan zarden Ouza. Son garson Zozyas ti renny dan son plas.

2 Kronik 33:20

Kan Manase ti mor, zot ti anter li dan son lakour. Son garson Amonn ti vin lerwa dan son plas.

Zeremi 1:2

SENYER ti adres li laparol dan trezyenm lannen ki Zozyas, garson Amonn, ti lerwa Zida.

Zeremi 22:11

Annefe, la sa ki SENYER i deklare konsernan Saloum, garson Zozyas ki ti mont lo tronn dan plas son papa Zozyas ki pa pou retournen:

Zeremi 25:3

Pandan 23 an, depi trezyenm lannen ki Zozyas, garson Amonn ti lerwa Zida ziska ozordi, SENYER in koz avek mwan, e mon'n touzour transmet zot son mesaz. Me zot pa'n oule ekoute.

Ezekyel 1:3

kan SENYER ti adres son parol avek pret Ezekyel, garson Bouzi, lo bor larivyer Kebar, dan Babilonn. SENYER ti poz son lanmen lo li.

Oze 1:1

SENYER ti koz avek Oze, garson Beeri, dan lepok ki Ozyas, Yotanm, Akaz, Ezekyas, bann lerwa rwayonm Zida. Ti osi lepok Zeroboanm, garson Yoas, lerwa rwayonm Izrael.

2 Timote 3:16

Tou Lekritir i enspire par Bondye e i itil pour ansennyen, pour koriz lerer, pour remet drwat, e pour form en bon mannyer viv.

2 Pyer 1:19

Ensi, nou osi annan konfyans dan parol solid bann profet. Zot annan rezon port bokou latansyon lo la, akoz i koman en lalimyer ki briye dan fernwanr, ziska ki lizour i fer e zetwal granmaten i leve e briy dan zot leker.