Romen 9:4 - Labib An Kreol Seselwa

⁴ Zot fer parti pep Izrael: Bondye in fer zot vin son bann zanfan. In akord zot prezans son mazeste, bann lalyans, Lalwa, vre ladorasyon, bann promes.

Romen 9:4 ပူးပေါင်းရင်းမြစ်များ

Zenez 15:18

Sa zour, SENYER ti fer son lalyans avek Abranm. I ti dir, “Mon pou donn ou desandans, sa pei antye, depi larivyer Lezip ziska gran larivyer Efrat.

Zenez 17:10

Sa lalyans ant mwan ek ou e avek ou desandans, apre ou, ki ou devre garde. Tou bann mal parmi zot, devre ganny sirkonsi.

Zenez 17:2

Mon pou etabli en lalyans ant mwan ek ou, e mon pou ogmant ou desandans.”

Zenez 17:7

“Mon pou etabli mon lalyans ant mwan ek ou e avek ou desandans apre ou, atraver tou zot zenerasyon. Sa lalyans ava dire pour touzour. Mon pou vin ou Bondye e Bondye tou ou desandans apre ou.

Zenez 32:28

I ti dir li, “Ou pou nepli apel Zakob, me Izrael, akoz ou'n lite kont Bondye e kont zonm, e ou'n ganny laviktwar.”

1 Rwa 8:11

Alor, akoz sa nyaz, sa bann pret pa ti kapab reste pour fer servis, akoz laglwar SENYER ti ranpli tanp SENYER.

Nehemi 13:29

Mazin zot, mon Bondye, akoz zot in sali saserdos ek lalyans bann pret ek bann levit.

Psonm 147:19

I fer Zakob konn son parol, son bann regleman ek son bann desizyon avek Izrael.

Psonm 63:2

Alor, mon'n kontanple ou dan sanktyer pour mwan admir ou pwisans ek ou laglwar.

Psonm 73:1

Wi! Bondye i bon anver Izrael; anver dimoun avek en leker pir.

Psonm 78:61

I ti les Kof Lalyans, ki siny son pwisans ek son laglwar dan lanmen bann lennmi.

Psonm 89:3

Ou'n deklare: Mon'n fer en lalyans avek sa enn ki mon'n swazir; mon'n promet David mon serviter:

Psonm 89:34

Mon pa pou kas mon lalyans. Mon pa pou sanz parol ki'n sorti dan mon labous.

Psonm 90:16

Fer ou bann serviter war bann mervey ki ou'n akonpli e nou bann zanfan ava dekouver ou laglwar.

Egzod 12:25

Kan zot ava'n antre dan sa pei ki SENYER pou donn zot, parey i ti dir, zot ava obzerv sa seremoni.

Egzod 34:27

SENYER ti dir Moiz, “Ekri sa bann parol, akoz zot form labaz sa lalyans ki mon pou fer avek ou e avek Izrael.”

Egzod 4:22

Ou ava dir Faraon: La sa ki SENYER i deklare: Izrael i mon lene garson.

Egzod 40:34

Alor, en nyaz ti vin kouver Latant Rankont e laglwar SENYER ti ranpli sanktyer.

Ezai 41:8

Me ou, Izrael, mon serviter, Zakob ki mon'n swazir; desandans Abrahanm, mon zanmi;

Ezai 46:3

Tribi Zakob! Ekout mwan. Zot tou bann restan pep Izrael, zot ki mon'n pran swen depi dan vant zot manman, depi zot nesans.

Ezai 5:2

I ti travay later e tir tou ros; i ti plant en zoli plan rezen. I ti konstri en tour dan milye. I ti fouy en gran basen kot rezen pou ganny kraze. I ti pe espere ganny bon rezen, me i ti ganny rezen eg.

Ezai 60:19

Soley pa pou ekler ou pandan lazournen, ni lalin pandan lannwit. Me SENYER li menm ki pou ou lalimyer pour touzour; laglwar Bondye ki pou ekler ou.

Zeremi 31:20

La sa ki SENYER i deklare: Efraim! Ou menm mon garson prefere. Ou menm ki mon pli kontan. Sak fwa ki mon menase pour pini ou, mon kontinyen mazin ou an byen. Akoz mon annan bokou lanmour pour ou, mon pou pran pitye pour ou SENYER i deklare.

Zeremi 31:33

La koman pou ete, sa nouvo lalyans ki mon pou fer avek mon pep, SENYER i deklare: Mon pou met mon bann lalwa dan zot leker. Alor, mon ava vin zot Bondye, e zot ava vin mon pep.

Zeremi 31:9

Zot pou ariv an pleran; mon pou akonpanny zot e konsol zot; mon pou anmenn zot kot bann larivyer; mon pou fer zot mars lo en semen san danze, kot zot pa pou riske tonbe. Annefe, mon en papa pour Izrael, e Efraim i mon premye garson.

Ezekyel 1:28

Sa lalimyer otour li ti parey en larkansyel dan nyaz apre en zour lapli. I ti reflekte laglwar SENYER. Kan mon ti war sa, mon ti tonm lafas ater e mon ti antann en lavwa.

Oze 11:1

Kan Izrael ti ankor zenn, mon ti kontan li, mon'n apel mon garson pour sorti Lezip.

Nonm 7:89

Ler Moiz ti antre dan Latant Rankont SENYER pour koz avek SENYER, en lavwa ki sorti par lao kouvertir Kof Lalyans ant sa de seriben, ti koz avek li.

Matye 21:33

Zezi ti dir, “Ekout ankor en lot parabol: En zonm ti'n plant en plantasyon rezen. I ti fer en baraz toultour. I ti fouye pour fer en preswar diven, e i ti fer en tour pour gardyen. Apre, i ti lwe sa plantasyon avek bann planter e i ti al vwayaze.

Levanzil dapre Zan 1:17

Bondye ti donn nou son Lalwa atraver Moiz, me se par Zezi-Kri ki nou'n ganny lagras ek laverite.

Levanzil dapre Zan 1:47

Kan Zezi ti war Natanael pe vin kot li, i ti dir, “La en vre Izraelit ki fran.”

Akt de Zapot 2:39

Annefe, promes Bondye in ganny fer pour zot tou, pour zot bann zanfan, e tou bann ki lwen, ki Senyer nou Bondye ava apele.”

Romen 3:2

En gran lavantaz dan tou sans: Premyerman, se avek bann Zwif ki Bondye in konfye son bann promes.

Romen 8:15

Annefe, zot pa'n resevwar en Lespri ki rann zot lesklav, ki ranpli zot ankor avek lafreyer. Me zot in resevwar en Lespri ki fer zot vin zanfan Bondye e ki permet nou kriye: Aba! Mon Papa!

Romen 9:6

Mon pa pe dir ki promes Bondye pa'n reisi. Annefe, pa tou desandan pep Izrael ki vre pep Izrael,

2 Korentyen 11:22

Eski zot Ebre? Mwan osi. Eski zot Izraelit? Mwan osi. Eski zot desandan Abrahanm? Mwan osi.

Galat 3:16

Bondye ti fer son bann promes avek Abrahanm e avek son desandans. I pa ti dir: Avek son bann desandan, konmsi i annan plizyer. Me i ti refer avek en sel: Avek ou desandan, setadir Kris.

Efezyen 2:12

Rapel zot ki dan sa letan, zot ti separe avek Kris. Zot ti bann etranze ki pa ti fer parti pep Izrael. Zot pa ti annan okenn par dan lalyans baze lo promes Bondye. Zot ti pe viv dan lemonn san okenn lespwar e san Bondye.

Deterononm 14:1

Zot en bann zanfan ki pour SENYER, zot Bondye. Alor, si zot an dey, zot pa pou sizle zot lapo, ni raz seve devan zot latet.

Deterononm 29:1

La bann parol lalyans ki SENYER ti ordonn Moiz pour fer avek bann Izraelit dan pei Moab. Sa i an plis ki sa lalyans ki i ti fer avek zot lo montanny Horeb.

Deterononm 29:14

Mon pe fer sa lalyans par en serman, pa zis avek zot ki ozordi pe debout devan nou e devan SENYER, nou Bondye,

Deterononm 31:16

SENYER ti dir Moiz: Byento ou pe al rezwenn ou bann zanset e sa pep pou tonm dan prostitisyon avek bann bondye etranze ki dan sa pei kot zot pe ale. Zot pou abandonn mwan e kas mon lalyans ki mon ti fer avek zot.

Deterononm 4:13

I ti fer proklanm son lalyans ki i ti demann zot obzerve, setadir, son dis komannman ki i ti ekri lo de plak ros.

Deterononm 7:6

Ou en pep sen, konsakre pour SENYER, ou Bondye. SENYER, ou Bondye in swazir ou parmi tou bann pep lo later pour fer ou vin son pep.

Ebre 9:1

Sa premye lalyans ti annan son bann regleman konsernan ladorasyon ek en sanktyer ki lo later.

Ebre 9:10

Sa bann rityel ti konsern zis manze, bwar ek seremoni pirifikasyon, ki ti valab an atandan ki tou ava ganny renouvle.

Ebre 9:3

Deryer dezyenm rido ti annan en latant ki ti apel Lasal Tre Sen.

Ebre 9:5

Lo kouvertir Kof Lalyans, ti annan de Seriben dan zot laglwar. Avek lonbraz zot lezel, zot ti kouver Kof. Me la pa ler pour antre dan detay.

Ebre 9:6

Kan tou ti'n ganny enstale, tou le zour, bann pret ti antre dan premye parti latant pour akonplir zot servis.