Romen 8:2 - Labib An Kreol Seselwa

² Annefe, Lalwa Lespri ki donn lavi par Zezi-Kri, in rann mwan lib anver lalwa pese ek lanmor.

Romen 8:2 ပူးပေါင်းရင်းမြစ်များ

Psonm 51:12

Redonn mwan lazwa ou delivrans e en lespri zenere ava soutenir mwan.

Ezekyel 1:21

Sak fwa ki zot ti bouz devan, arete, oubyen monte, bann larou osi ti fer menm mouvman: Swa arete, oubyen mont avek zot, akoz lespri ti dan bann larou.

Levanzil dapre Zan 4:10

Zezi ti dir li, “Si ou ti konn kado Bondye, e lekel ki pe dir ou: Donn mwan en pe delo pour bwar! Ou menm ou ti ava demann li, e i ti ava'n donn ou delo ki donn lavi.”

Levanzil dapre Zan 4:14

Me sa enn ki bwar delo ki mwan mon pou donn li, i pa pou zanmen swaf. Sa delo ki mon pou donn li, pou vin en sours lavi eternel ki pou koul annabondans.”

Levanzil dapre Zan 6:63

Se Lespri Bondye ki donn lavi; pouvwar zonm napa valer. Bann parol ki mon'n dir zot i Lespri e i lavi.

Levanzil dapre Zan 8:32

Zot ava konn laverite e laverite ava rann zot lib.”

Levanzil dapre Zan 8:36

Alor, pour sa rezon, si Garson Bondye i donn ou laliberte, ou ava vreman lib.

Romen 16:3

Fer salanm Prisil ek Akila, mon bann koleg travay dan servis Zezi-Kri.

Romen 3:27

Alor, eski i annan ankor rezon pour nou fer vantar? Non, napa. Akoz napa? Akoz sa ki konte aprezan, se pa obei lalwa, me annan lafwa.

Romen 5:21

Ensi, pese in rennyen par son pouvwar lanmor. Demenm, lagras i renny par lazistis pour lavi eternel par Zezi-Kri nou Senyer.

Romen 6:14

Annefe, pese pou nepli annan okenn kontrol lo zot, akoz zot pou nepli viv anba Lalwa, me anba lagras Bondye.

Romen 6:18

Zot in ganny libere avek pese e zot in met zot o servis sa ki zis.

Romen 6:22

Me aprezan zot in ganny libere avek pese, e zot in vin dan servis Bondye. Zot pe prodwi fri en lavi sen e son rekonpans final se lavi eternel.

Romen 7:21

Mon'n alor dekouver sa prensip: Kan mon oule fer sa ki byen, mon zis kapab fer sa ki mal.

Romen 7:23

Me mon trouv en lot lalwa dan mwan ki lit kont lalwa ki dan mon lespri e ki fer mwan prizonnyen lalwa pese ki dan mwan.

Romen 7:4

Mon bann frer ek ser! Pour zot osi i parey. Ini avek lekor Kris, zot in mor anver Lalwa. Aprezan zot viv pour sa enn ki'n resisite pour zot kapab raport fri pour Bondye.

Romen 8:1

Aprezan, i nepli annan okenn kondannasyon pour sa bann ki ini avek Zezi-Kri.

1 Korentyen 15:45

Annefe, Lekritir i deklare: Premye zonm, Adan, ti vin en et vivan. Dernyen Adan in vin en lespri ki donn lavi.

2 Korentyen 3:17

Annefe, Senyer se Lespri. La kot Lespri Senyer i ete, i annan laliberte.

2 Korentyen 3:6

Li menm ki'n fer nou vin bann serviter en nouvo lalyans ki pa depann lo en lalwa ekri, me lo Lespri Sen. Lalwa ekri i donn lanmor, me Lespri Sen li, i donn lavi.

Galat 2:19

An sa ki konsern Lalwa, lakoz mon lanmor i Lalwa li menm, pour ki mon kapab viv pour Bondye. Mon'n ganny krisifye avek Kris;

Galat 5:1

Kris in liber nou pour ki nou vin vreman lib. Alor, tenir for dan sa liberte e pa retonm dan lesklavaz.

Galat 6:2

Anmenn fardo kanmarad e zot ava obei lalwa Kris.

Let Zak 1:25

Me sa enn ki byen egzamin lalwa parfe ki rann nou lib e ki persevere; sa enn ki pa zis ekoute pour oubliye apre, me ki met sa lalwa parfe an pratik, Bondye pou beni li dan tou sa ki i fer.

Revelasyon 11:11

Me apre sa trwa zour edmi, en souf lavi ki sorti kot Bondye ti antre dan zot. Zot ti debout lo zot de lipye. Alor, en gran lafreyer ti tonm lo bann ki ti war zot.

Revelasyon 22:1

Apre sa, lanz ti montre mwan larivyer delo lavi, ki ti kler koman kristal, sorti kot tronn Bondye ek tronn Zenn Mouton.