Romen 7:7 - Labib An Kreol Seselwa

⁷ Ki nou pou dir alor? Eski Lalwa dan li menm i pese? Sertennman non! Me par Lalwa, mon'n konnen kisisa pese. Mon pa ti pou konnen kisisa dezir si Lalwa pa ti dir mwan: Pa annan move dezir.

Romen 7:7 ပူးပေါင်းရင်းမြစ်များ

Zenez 3:6

Sa fanm ti war ki fri sa pye dibwa ti zoli e bon pour manze. I ti donn li lanvi manze pour li ganny konnesans. I ti pran enn e i ti manze. I ti donn osi en morso son mari ki ti obor li, e i ti manze.

2 Samyel 11:2

En zour, tar apremidi, David ti leve apre ki i ti'n fini repoze, e i ti pe pronmnen lo twa son pale. Depi la, i ti apersevwar en fanm pe bennyen; sa fanm ti tre zoli.

Psonm 119:96

Mon'n konpran ki tou keksoz i annan en limit; me ou bann komannman i san limit.

Egzod 20:17

Ou pa pou anvi lakaz ou prosen; ou pa pou anvi fanm ou prosen, ni son serviter, ni son servant, ni son bef, ni son bourik, ni okenn keksoz ki pour ou prosen.

Mise 2:2

Kan zot anvi bann plantasyon, zot pran. Si zot anvi bann lakaz, zot sezi. Zot fer mizer en dimoun ek son fanmir e zot akapar son posesyon.

Matye 5:28

Me mwan mon dir zot: En dimoun ki get en fanm avek lanvi, i'n deza komet adilter avek li dan son leker.

Levanzil dapre Lik 12:15

Alor i ti dir zot, “Fer atansyon lanmour pour larises, akoz lavi en zonm pa depann zis lo son larises.”

Levanzil dapre Lik 20:16

I pou vin detri sa bann planter e konfye sa plantasyon avek lezot dimoun.” Kan sa bann dimoun ti antann sa, zot ti dir, “Sa pa pou zanmen arive!”

Akt de Zapot 20:33

Mon pa'n zanmen anvi ni larzan, ni lor, ni lenz personn.

Romen 13:9

Komannman ki dir: Pa komet adilter, pa fer krim, pa vole, pa anvi keksoz ou prosen. Tousala ek lezot ankor, i enkli dan sa sel komannman: Kontan ou prosen parey ou prop lekor.

Romen 3:20

Annefe, napa personn ki pou pas pour zis devan li akoz in obei Lalwa. Lalwa i zis permet en dimoun konnen ki i'n komet pese.

Romen 3:5

Me si nou bann move aksyon i montre ki Bondye i zis, ki nou kapab dir? Eski Bondye i enzis akoz i pini nou? La mon pe rezonn koman en zonm.

Romen 4:1

Alor, ki nou pou dir lo Abrahanm nou zanset? Kwa ki in gannyen koman en zonm?

Romen 4:15

Annefe, Lalwa i provok lakoler Bondye. Me la kot napa Lalwa, napa osi dezobeisans Lalwa.

Romen 5:20

Lalwa in vini e pese in ogmante. Me la kot pese in ogmante, lagras Bondye in ogmant plis ankor.

Romen 6:15

Alor, eski nou ava fer pese akoz nou pa anba Lalwa, me anba lagras Bondye? Pa ditou!

Romen 7:11

Annefe, pese in sezi sa lokazyon, in tronp mwan par servi komannman; i'n donn mwan lanmor.

Romen 7:13

Alor, eski sa ki bon, in vin en lakoz lanmor pour mwan? Pa ditou! Pese ki ti lakoz. Konmsa ki i'n fer aparet vre natir pese. Pese in servi sa ki bon pour koz mon lanmor. Konmsa ki gras a bann komannman, pese in montre son pwisans.

Romen 7:5

Kan nou ti pe viv dapre nou prop natir, nou bann move dezir, eksite par Lalwa, ti travay dan nou lekor antye pour prodwi fri lanmor.

Romen 7:8

Pese in sezi lokazyon pour prodwir dan mwan, par lentermedyer komannman, toudsort kalite dezir, akoz san Lalwa, pese i en keksoz mor.

1 Korentyen 15:56

Dart lanmor, se pese; pwisans pese, se lalwa.

Efezyen 5:3

Zot fer parti pep Bondye. Par konsekan, veye ki tou form imoralite seksyel, lavi dezordonnen ek lanvi, pa menm ganny mansyonnen parmi zot.

Deterononm 5:21

Ou pa pou anvi fanm ou prosen, ni anvi lakaz ou prosen, ni son later, ni son lesklav, ni son bef, ni son bourik, ni okenn lobze ki pour ou prosen.

Kolosyen 3:5

Alor, met anmor bann dezir materyel ki dan zot: Limoralite seksyel, lenpirte, pasyon, move dezir, lavaris (lavaris se idolatri).

1 Tesalonisyen 4:5

Pa les zot ganny dominen par bann move dezir parey bann ki pa konn Bondye.

Ebre 7:19

Annefe, Lalwa Moiz pa ti kapab rann nanryen parfe. Aprezan, nou'n ganny en lesperans meyer ki permet nou apros kot Bondye.

Zozye 7:21

Mon ti war parmi bann piyaz lager, en manto sorti Sinear, de kilo larzan ek en lengo lor ki ti pez en demi kilo, mon ti anvi; alor, mon'n pran. Mon'n anter dan mon latant; larzan i dan fon.”