Romen 7:23 - Labib An Kreol Seselwa

²³ Me mon trouv en lot lalwa dan mwan ki lit kont lalwa ki dan mon lespri e ki fer mwan prizonnyen lalwa pese ki dan mwan.

Romen 7:23 ပူးပေါင်းရင်းမြစ်များ

Psonm 142:7

Delivre mwan dan prizon pour mwan kapab loue ou non. Dimoun zis ava antour mwan akoz ou fer mwan bokou dibyen.

Eklezyas 7:20

Lo later, napa en sel zis, ki fer zis sa ki byen san komet en pese.

Romen 6:13

Pa les pese servi bann diferan parti zot lekor koman bann lenstriman pour fer sa ki mal. O kontrer, met zot lekor dan servis Bondye, koman dimoun ki ti'n mor e ki'n resisite. Met zot lekor antye dan servis Bondye pour akonpli sa ki zis.

Romen 6:19

Mon pe servi sa fason koze imen, akoz febles zot natir imen. Annefe, otrefwa, parey bann lesklav, zot ti'n soumet zot lekor avek toudsort pratik enpir e zot in viv en lavi dezord ki ti fer zot revolte kont Bondye. Me aprezan, soumet zot lekor konpletman koman bann lesklav, pour zot servi sa enn ki zis e pour anmenn en lavi ki fer plezir Bondye.

Romen 7:14

Nou konnen ki Lalwa i spirityel, me mwan, mon zis en dimoun avek en lekor mortel ki'n ganny vann avek pese koman en lesklav.

Romen 7:21

Mon'n alor dekouver sa prensip: Kan mon oule fer sa ki byen, mon zis kapab fer sa ki mal.

Romen 7:25

Mon remersye Bondye par Zezi-Kri nou Senyer! Alor mwan, par mon lentelizans, mon servi lalwa Bondye; me dan mon febles koman en imen, mon vin lesklav lalwa pese.

Romen 7:5

Kan nou ti pe viv dapre nou prop natir, nou bann move dezir, eksite par Lalwa, ti travay dan nou lekor antye pour prodwi fri lanmor.

Romen 8:2

Annefe, Lalwa Lespri ki donn lavi par Zezi-Kri, in rann mwan lib anver lalwa pese ek lanmor.

Galat 5:17

Annefe, dezir natir imen i kont lespri, e dezir Lespri i kont dezir natir imen. Tou le de, zot konpletman opoze avek kanmarad, de sort ki zot pa kapab fer sa ki zot ti ava oule.

Ebre 12:4

Annefe, dan zot konba kont pese, zot pa'n ankor deza lite ziska versman disan.

Let Zak 3:2

Nou tou, nou komet lerer dan plizyer mannyer. Si en dimoun pa zanmen komet lerer dan sa ki i dir, i en dimoun parfe ki kapab kontrol son lekor antye.

Let Zak 4:1

Kote lager ek kerel parmi zot i sorti? Eski pa i rezilta zot pasyon ki konbat san pozman dan zot lekor?

1 Pyer 2:11

Mon bann zanmi! Mon demann zot ki bann etranze e bann vwayazer: Gard zot kont bann dezir natir imen ki fer lager kont zot menm.