Romen 7:12 - Labib An Kreol Seselwa

¹² Lalwa li menm i sen, e komannman i sen, zis e bon.

Romen 7:12 ပူးပေါင်းရင်းမြစ်များ

Nehemi 9:13

Ou ti osi desann lo montanny Sinai. Depi lesyel, ou ti koz avek zot; ou ti donn zot bann regleman drwat, bann lalwa vre, bann lalwa ek bann komannman parfe.

Psonm 119:127

Mon vreman kontan ou bann komannman plis ki lor, menm plis ki lor pir.

Psonm 119:137

SENYER ou zis e ou bann desizyon i drwat.

Psonm 119:140

Ou bann parol in ganny teste e ou serviter i kontan zot.

Psonm 119:172

Mon labous ava sant ou bann promes, akoz ou bann komannman i laverite.

Psonm 119:38

Realiz pour ou bann serviter sa promes ki ou ti fer avek sa bann ki obei ou.

Psonm 119:86

Tou ou bann komannman i montre ou fidelite. Mon pe ganny persekite san rezon. Sekour mwan!

Romen 12:2

Pa swiv bann koutim sa lemonn aktyel, me les Bondye transform zot e donn zot en nouvo lentelizans. Alor, zot ava kapab disern lavolonte Bondye: Sa ki byen, sa ki fer li plezir, sa ki parfe.

Romen 3:31

Donk, kan nou annan lafwa, eski sa i vedir ki nou rann lalwa initil? Non! O kontrer, nou pe donn lalwa son vre valer.

Romen 7:14

Nou konnen ki Lalwa i spirityel, me mwan, mon zis en dimoun avek en lekor mortel ki'n ganny vann avek pese koman en lesklav.

Romen 7:16

Alor, si mon fer sa ki mon pa oule, sa i montre ki mon dakor avek Lalwa e mon rekonnet ki i bon.

Deterononm 10:12

Aprezan Izrael! Ekoute ki SENYER, ou Bondye pe demann ou: I demann ou pour annan respe pour SENYER, ou Bondye, swiv son semen, kontan li, servi SENYER, ou Bondye avek tou ou leker e avek ou et antye.

Deterononm 4:8

Lekel sa lot gran nasyon ki annan bann regleman ek bann desizyon ki osi zis, parey tou sa bann lalwa ki mon pe met devan zot ozordi?

1 Timote 1:8

Annefe, nou tou nou konnen ki Lalwa i bon, a kondisyon ki nou servi li byen.