Romen 6:7 - Labib An Kreol Seselwa

⁷ Annefe, en dimoun ki'n mor, i'n ganny libere anba pouvwar pese.

Romen 6:7 ပူးပေါင်းရင်းမြစ်များ

Matye 11:19

Fis-de-Lonm in vini; i manze e i bwar, e zot dir: Gete! I mazin zis manze e bwar, i zanmi bann kolekter taks ek dimoun ki annan move repitasyon. Me Lasazes i ganny zistifye par son bann aksyon.”

Romen 6:2

Pa ditou! Pour sa ki konsern pese, nou'n mor. Ki mannyer nou kapab kontinyen viv dan pese?

Romen 6:8

Me si nou'n mor avek Kris, nou krwar ki nou pou osi viv avek li.

Romen 7:2

Me par egzanp, en fanm marye dapre Lalwa, i dan lobligasyon reste avek son mari osi lontan ki son mari i vivan. Me apre lanmor son mari, sa fanm i lib anver Lalwa.

Romen 7:4

Mon bann frer ek ser! Pour zot osi i parey. Ini avek lekor Kris, zot in mor anver Lalwa. Aprezan zot viv pour sa enn ki'n resisite pour zot kapab raport fri pour Bondye.

Romen 8:1

Aprezan, i nepli annan okenn kondannasyon pour sa bann ki ini avek Zezi-Kri.

1 Pyer 4:1

Alor, akoz Kris in soufer fizikman, zot osi, zot devre annan sa menm konviksyon. Annefe, sa enn ki'n soufer fizikman, i'n fini avek pese,