Romen 6:2 - Labib An Kreol Seselwa

² Pa ditou! Pour sa ki konsern pese, nou'n mor. Ki mannyer nou kapab kontinyen viv dan pese?

Romen 6:2 ပူးပေါင်းရင်းမြစ်များ

Zenez 39:9

Dan sa lakaz, i pa pli gran ki mwan. I'n konfye mwan tou eksepte ou, akoz ou son fanm. Ki mannyer eski mon pou kapab fer en keksoz osi mal e komet en pese kont Bondye?”

Psonm 119:104

Ou bann direktiv i rann mwan saz. Alor, mon deteste tou semen mansonz.

Levanzil dapre Lik 20:16

I pou vin detri sa bann planter e konfye sa plantasyon avek lezot dimoun.” Kan sa bann dimoun ti antann sa, zot ti dir, “Sa pa pou zanmen arive!”

Romen 5:11

Sa pa tou: Nou fyer dan Bondye akoz nou Senyer Zezi-Kri, ki'n rekonsilye nou avek Bondye.

Romen 6:15

Alor, eski nou ava fer pese akoz nou pa anba Lalwa, me anba lagras Bondye? Pa ditou!

Romen 7:4

Mon bann frer ek ser! Pour zot osi i parey. Ini avek lekor Kris, zot in mor anver Lalwa. Aprezan zot viv pour sa enn ki'n resisite pour zot kapab raport fri pour Bondye.

Romen 7:6

Me aprezan, nou'n ganny libere konsernan Lalwa. Annefe, nou'n mor vizavi sa ki ti pe gard nou prizonnyen. Alor nou kapab servi Bondye dan en nouvo fason, anba lotorite Lespri Sen. Nou nepli servi li dan vye fason, kan nou ti anba lotorite Lalwa.

Galat 2:19

An sa ki konsern Lalwa, lakoz mon lanmor i Lalwa li menm, pour ki mon kapab viv pour Bondye. Mon'n ganny krisifye avek Kris;

Galat 6:14

Kanta mwan, mon oule vant mon lekor zis dan lakrwa nou Senyer Zezi-Kri. Annefe, gras a lakrwa ki lemonn in ganny krisifye pour mwan, e mwan pour lemonn.

Kolosyen 2:20

Si zot in mor avek Kris, zot in ganny libere avek bann lespri ki kontrol lemonn. Alor, akoz zot pe viv konmsi zot ankor fer parti lemonn e aksepte bann regleman ki ganny enpoze lo zot:

Kolosyen 3:3

Annefe, zot in mor e zot lavi i kasyet avek Kris, dan Bondye.

1 Pyer 1:14

Fer koman bann zanfan obeisan. Pa les bann dezir ki zot ti annan kan zot ti ankor dan linyorans, kontrol zot.

1 Pyer 2:24

Kris li menm in anmenn nou pese dan son lekor lo lakrwa, pour ki nou mor pour sa ki konsern pese e viv pour lazistis. Par son bann blesir, zot in ganny geri.

1 Zan 3:9

Sa enn ki'n vin zanfan Bondye pa fer pese, akoz pwisans lavi ki sorti kot Bondye i dan li. I pa kapab kontinyen fer pese, akoz Bondye i son Papa.