Romen 5:6 - Labib An Kreol Seselwa

⁶ Annefe, kan nou ti ankor san okenn lafors, Kris dan letan fikse, ti mor pour bann peser.

Romen 5:6 ပူးပေါင်းရင်းမြစ်များ

Psonm 1:1

Byennere sa enn ki pa ekout konsey bann malfeter, ki pa swiv legzanp dimoun ki fer sa ki mal, ki pa asiz parmi bann dimoun moker!

Lamantasyon 1:6

Lavil Siyon in perdi tou son splander. Son bann sef i vin parey en serf ki napa nanryen pour manze. San lafors, zot in sove devan bann ki pourswiv zot.

Danyel 11:15

Lerwa Nor pou vini e enstal miray latak kont en lavil fortifye ki i pou pran. Lafors larme lerwa Sid avek son larme elit, pa pou kapab reziste, akoz zot pa pou ase for pour tenir kont latak.

Nonm 7:15

en toro, en mouton mal adilt, en zenn mouton aze enn an pour sakrifis konplet;

Romen 11:26

Konmsa ki pep Izrael antye pou ganny sove, parey Lekritir i deklare: Liberater pou sorti Siyon. I pou elimin revolt dan bann desandan Zakob.

Romen 4:25

Zezi ti ganny livre anmor akoz nou bann pese. Me Bondye i'n resisit li pour rann nou zis devan li.

Romen 4:5

Me kan en dimoun ki pa'n travay, i zis krwar ki Bondye i akey anbyen en peser, son lafwa ki fer li ganny konsidere koman en dimoun zis.

Romen 5:10

Kan nou ti ankor lennmi Bondye, nou ti ganny rekonsilye avek li par lanmor son Garson. A pli fort rezon, aprezan ki nou'n rekonsilye avek li, nou pou ganny sove par lavi son Garson.

Romen 5:7

Apenn si nou pou aksepte mor pour en dimoun ki zis. Petet ki nou ti ava annan kouraz mor pour en bon dimoun.

Romen 5:8

Me la koman Bondye in prouve ki i kontan nou: Kris in mor pour nou kan nou ti ankor peser.

Romen 8:32

I pa'n eparny son prop Garson, me i'n livre li pour nou tou. Alor, avek son Garson, i pou donn nou osi tou.

Romen 8:34

Alor, lekel ki kapab kondann zot? Personn, akoz Zezi-Kri li menm ki'n mor. Me anplis, i'n resisite e i lo kote drwat Bondye e i pe entersed pour nou.

Galat 2:20

nepli mwan ki pe viv, me Kris ki pe viv dan mwan. Lavi ki mon annan aprezan, mon viv li par lafwa dan Garson Bondye ki'n kontan mwan. Li menm ki'n donn son lavi pour mwan.

Galat 4:4

Me, kan letan fikse ti'n arive, Bondye ti anvoy son prop Garson ki ti ne koman en et imen, anba soumisyon Lalwa.

Efezyen 5:2

Viv dan lanmour, parey Kris in kontan nou e donn son lavi pour nou, koman en lofrann e en sakrifis ki fer plezir Bondye.

Kolosyen 2:13

Otrefwa, zot ti spirityelman mor akoz zot pese, e par zot ensirkonsizyon. Me aprezan, Bondye in redonn nou lavi avek Kris. I'n pardonn nou tou nou pese.

1 Tesalonisyen 5:9

Annefe, Bondye pa'n swazir nou pour sibir son lakoler, me pour nou ganny sove par nou Senyer, Zezi-Kri.

1 Timote 1:9

Annou rapel an partikilye ki Lalwa pa'n fer pour bann ki zis, me pour bann malfeter ek bann rebel; pour bann dimoun mesan ek bann peser; pour bann ki napa respe pour Bondye, ni pour sa ki sen; pour bann ki touy zot manman oubyen zot papa; pour bann kriminel;

Let Pol pour bann Tit 2:12

Sa lagras i ansenny nou pour abandonn nou move lavi ek bann move dezir, pour viv en lavi rezonnab, zis e fidel lo sa later anver Bondye.

Ebre 8:3

Annefe, tou Gran-Pret i ganny etabli pour prezant bann lofrann ek bann sakrifis. Alor, i neseser ki li osi, i annan keksoz pour ofer.

Ebre 9:26

Otreman, i ti ava bezwen soufer plizyer fwa depi kreasyon lemonn. An realite, i'n aparet en fwa pour tou, la dan lafen letan, pour abolir pese, par ofer son prop lekor an sakrifis.

1 Pyer 1:20

I ti'n ganny swazir davans, avan kreasyon lemonn, me i'n ganny prezante pour zot dan sa dernyen letan.

2 Pyer 3:7

Kanta lesyel ek later aktyel, zot in ganny prezerve par sa menm parol, pour zot ganny detri par dife plitar. Zot i'n ganny garde pour sa zour zizman kan bann malfeter pou ganny detri.

Let Zid 1:15

I pou egzers son zizman lo tou dimoun. I pou kondann tou bann peser pour tou zot bann move aksyon ki zot in komet, kan zot ti revolte kont Bondye; pour tou zot bann parol lensilt ki zot in dir kont li.

Let Zid 1:18

Zot ti dir: Dan dernyen letan, pou annan bann moker, ki pou viv dapre zot prop move dezir.

Let Zid 1:4

Annefe, i annan serten dimoun move ki'n antre sekretman parmi nou. Zot deform lansennyman konsernan lagras nou Bondye, pour zistifye zot lavi imoral. Zot rezet Zezi-Kri, nou sel Met e Senyer. Depi lontan, Lekritir in anons zot kondannasyon.