Romen 5:4 - Labib An Kreol Seselwa

⁴ lapasyans i prodwi fidelite malgre leprev, e fidelite i prodwi lesperans.

Romen 5:4 ပူးပေါင်းရင်းမြစ်များ

Psonm 71:14

Mwan, mon pou kontinyen espere e mon pou touzour sant ou louanz.

Levanzil dapre Lik 21:19

Par zot perseverans, zot ava sov zot lavi.”

Romen 15:4

Tou sa ki'n ganny ekri dan lepase in ganny ekri pour enstrir nou, pour ki par perseverans ek lankourazman ki Lekritir i donnen, nou posed lesperans.

Filipyen 2:22

Zot konnen zot menm ki mannyer Timote in montre son fidelite: I'n travay avek mwan, dan servis Bonn Nouvel, parey en garson avek son papa.

Ebre 6:19

Sa lesperans i pour nou koman en lank pour nou lavi. I sir e solid. I travers rido Tanp ki dan lesyel ziska dan sanktyer.

Let Zak 1:12

I byennere sa enn ki reste ferm dan leprev. Annefe, apre ki i'n ganny teste, i pou resevwar kouronn laviktwar ki Bondye in promet tou bann ki kontan li.

1 Pyer 5:10

Zot pou bezwen soufer pour ankor en pti pe letan. Me Bondye ki sours tou lagras, ki'n apel zot pour partisip dan son laglwar eternel ini avek Kris, i ava li menm rann zot parfe. I ava rann zot ferm; i ava fortifye zot, e etabli zot lo bann fondasyon solid.