Romen 5:2 - Labib An Kreol Seselwa

² Gras a Zezi, nou kapab, par lafwa, ganny lagras Bondye, dan ki nou annan lavi. Sa ki fer nou fyer, se lespwar pour ganny en par dan mazeste Bondye.

Romen 5:2 ပူးပေါင်းရင်းမြစ်များ

Psonm 17:15

Me mwan, mon pou war ou lazistis. Kan mon pou leve, mon pou pran plezir kontanple ou.

Psonm 73:24

Ou kondwir mwan par ou bann konsey; apre, ou ava akey mwan dan laglwar.

Proverb 14:32

Malfeter i ganny kraze par son prop mesanste; me sa enn ki zis i gard konfyans menm devan lanmor.

Habakouk 3:18

Sepandan, mon pou dan lazwa akoz SENYER; mon pou zwaye akoz Bondye i mon sover.

Matye 25:21

Son met ti dir li: Ou'n byen fer. Ou en bon e fidel serviter! Ou'n fer byen dan en pti zafer; alor, mon pou donn ou en pli gran responsabilite. Vin partaz mon lazwa.

Levanzil dapre Zan 10:7

Zezi ti dir ankor, “Mon dir zot, sa i laverite: Mwan menm laport bann mouton.

Levanzil dapre Zan 10:9

Mwan menm laport; sa enn ki antre par mwan, pou ganny sove. I pou antre e sorti, e i pou trouv dekwa manze.

Levanzil dapre Zan 14:6

Zezi ti dir li, “Mwan menm semen, laverite e lavi. Personn pa kapab ariv kot mon Papa san pas par mwan.

Levanzil dapre Zan 5:24

Mon dir zot, sa i laverite: Tou dimoun ki ekout mon parol e krwar dan sa enn ki'n anvoy mwan, i posed lavi eternel. I pa pou ganny kondannen; i'n deza sorti dan lanmor e pas dan lavi eternel.

Akt de Zapot 14:27

Kan Pol ek Barnabas ti ariv Antyos, zot ti reini Legliz e rakont tou sa ki Bondye ti'n fer atraver zot: Koman i ti'n ouver en laport pour ki bann non-Zwif osi ava kapab krwar.

Romen 11:20

Sa i zis: Zot in ganny koupe akoz zot in mank lafwa, e ou, ou dan sa plas akoz ou lafwa. Me pa bezwen fer vantar. Fer plito atansyon.

Romen 12:12

Reste dan lazwa akoz zot lesperans! Gard pasyans dan lasoufrans! Reste fidel dan lapriyer!

Romen 14:4

Ki ou ete pour ziz serviter en lot? Si i tenir ferm, oubyen si i tonbe, sa i zafer son met. I ava tenir ferm, akoz Senyer i annan pouvwar pour anpes li tonbe.

Romen 15:13

Bondye, ki donn lesperans, ava ranpli zot avek lazwa ek lape parfe dan lafwa. I ava rann zot ris avek lesperans, par pwisans Lespri Sen.

Romen 2:7

Bann ki fer lebyen, pou ganny laglwar, loner ek limortalite.

Romen 3:23

Annefe, tou dimoun in fer pese e in perdi mazeste Bondye.

Romen 5:5

Sa lesperans pa tronp nou, akoz lanmour Bondye in ganny deverse dan nou leker par Lespri Sen ki Bondye in donn nou.

Romen 8:1

Aprezan, i nepli annan okenn kondannasyon pour sa bann ki ini avek Zezi-Kri.

Romen 8:24

I vre: Nou'n ganny sove, me dan lesperans selman. Si nou war sa ki nou pe espere, sa i nepli lesperans. Annefe, personn pa esper en keksoz ki deza la.

1 Korentyen 15:1

Mon bann frer ek ser! Aprezan, mon oule rapel zot Bonn Nouvel ki mon'n anons zot, ki zot in resevwar, avek ki zot reste atase.

2 Korentyen 3:18

Nou tou ki vwal i'n ganny tire lo nou figir, nou reflekte laglwar Senyer. Ensi, nou'n ganny transformen, pour viv parey Senyer. Nou sorti dan en laglwar pour al dan en laglwar bokou pli gran: Sa i travay Senyer ki li menm i Lespri.

2 Korentyen 4:17

Nou bann pti soufrans aktyel pe prepar pour nou en gran laglwar eternel ki napa okenn konparezon.

Efezyen 2:18

Annefe, par Kris, nou tou, Zwif e non-Zwif, nou kapab prezant nou devan Bondye avek led sa menm Lespri Sen.

Efezyen 3:12

Ini avek Kris e par nou lafwa dan li, nou annan sa liberte pour prezant nou devan Bondye ranpli avek konfyans.

Efezyen 6:13

Pour sa rezon, zot devre met lo tou bann zarm ki Bondye in donn zot. Alor, kan bann move zour ava arive, zot ava kapab defann zot kont latak lennmi. Kan zot ava'n fini lite ziska zot dernyen zour, zot ava ankor kapab tenir ferm.

2 Tesalonisyen 2:16

Mon demande ki nou Senyer Zezi-Kri li menm, e Bondye, nou Papa ki'n kontan nou, e ki, par son lagras, i donn nou en lankourazman eternel ek en bon lesperans,

Ebre 3:6

Me koman son Garson, Kris i fidel dan lakaz Bondye. Sa lakaz se nou, si nou gard nou konfyans e reste solid dan sa ki nou pe espere.

Ebre 6:18

Donk, sa de aksyon pa kapab zanmen sanze: Bondye pa kapab manti. Alor, nou ki'n kit tou, nou'n trouv dan li sa lasirans ek en gran lankourazman pour sezi sa lesperans ki i'n propoz nou.

1 Pyer 3:18

Annefe, Kris in osi mor pour nou pese en fwa pour tou. Li, sa enn ki ti inosan, i'n mor pour bann ki ti koupab, pour anmenn nou tou kot Bondye. Zot ti touy li dan son lekor fizik, me i ti revin vivan par Lespri Sen.

Revelasyon 21:11

I ti briye avek laglwar Bondye. Son lekla ti resanble en pyer presyez tre rar, parey zasp, kler parey kristal.

Revelasyon 21:23

Lavil pa bezwen ni soley, ni lalin pour ekler li, akoz laglwar Bondye i son lalimyer, e Zenn Mouton i son lalanp.

Revelasyon 21:3

Mon ti antann en lavwa for sorti kot tronn kriye: La aprezan, Bondye in fer son demer parmi zonm. I pou reste avek zot. Zot pou vin son pep, e i pou vin zot Bondye.

Revelasyon 3:21

Sa enn ki ganny laviktwar, mon pou met li asiz avek mwan lo mon tronn, parey mwan mon'n ganny laviktwar e mon'n asiz avek mon Papa lo son tronn.