Romen 5:18 - Labib An Kreol Seselwa

¹⁸ Ensi, pese en sel zonm: Adan, in antrenn kondannasyon tou dimoun. Demenm, aksyon zis en sel zonm: Zezi-Kri, in liber tou dimoun dan zizman e fer zot viv.

Romen 5:18 ပူးပေါင်းရင်းမြစ်များ

Ezai 53:11

Akoz lasoufrans ki i'n siporte, i ava war lalimyer e i ava ganny rekonpanse. Mon serviter, sa enn ki zis, ava anmenn lazistis pour en lafoul dimoun; i ava pran lo li zot bann pese.

Levanzil dapre Zan 1:7

I ti vin koman en temwen pour temwanny lo lalimyer, pour ki par li, tou dimoun i krwar.

Levanzil dapre Zan 12:32

E mwan, kan mon pou ganny eleve par lao later, mon pou atir tou dimoun ver mwan.”

Levanzil dapre Zan 3:26

Zot ti al kot Zan e dir li, “Met! Sa zonm ki ti avek ou lot kote larivyer Zourden, lo ki ou'n rann temwannyaz, i pe batize, e tou dimoun pe al kot li.”

Akt de Zapot 13:39

Par li, tou dimoun ki krwar i ganny libere avek tou sa ki Lalwa Moiz pa ti kapab liber zot.

Romen 3:25

Bondye in ofer Kris an sakrifis, pour ki par lanmor Kris, sa bann ki krwar dan li i ganny pardon pese. Bondye in fer sa pour montre ki i touzour zis. Annefe, i ti zis dan letan pase, kan i ti montre son pasyans. I pa ti pini zonm pour son pese.

Romen 4:25

Zezi ti ganny livre anmor akoz nou bann pese. Me Bondye i'n resisit li pour rann nou zis devan li.

Romen 5:12

Pese in antre dan lemonn akoz en sel zonm: Adan. Pese in anmenn lanmor. E akoz nou tou nou'n komet pese, lanmor in tous tou bann et imen.

Romen 5:15

Me nou pa kapab konpar don gratwi ki Bondye i fer, avek fot Adan. I vre ki bokou dimoun in mor akoz lafot en sel zonm. Me don gratwi ki Bondye in akord lo en gran nonm dimoun par en sel zonm, Zezi-Kri, i pli enportan ankor.

Romen 5:19

Annefe, par dezobeisans en sel zonm, en kantite dimoun in tonm dan pese. Demenm, par lobeisans en sel zonm, en kantite dimoun in vin zis devan Bondye.

Romen 6:14

Annefe, pese pou nepli annan okenn kontrol lo zot, akoz zot pou nepli viv anba Lalwa, me anba lagras Bondye.

1 Korentyen 15:22

Parey tou dimoun i mor dan Adan, tou pou reganny lavi dan Kris.

Ebre 2:9

Me nou konstate ki pandan en pti pe letan, Zezi ti'n ganny abese pli ba ki bann lanz. Konmsa, akoz soufrans son lanmor, i'n ganny kouronnen avek laglwar ek loner. Ensi, par lagras Bondye, i'n mor pour tou dimoun.

2 Pyer 1:1

Sa let i sorti kot Simon Pyer, en serviter e zapot Zezi-Kri, pour bann ki'n resevwar en lafwa osi presye ki pour nou, par lazistis nou Bondye e nou Sover Zezi-Kri.

1 Zan 2:20

Me zot ki'n ganny konsakre par sa enn ki Sen, zot tou, zot in ganny konnesans laverite.