Romen 5:16 - Labib An Kreol Seselwa

¹⁶ La ankor, rezilta don Bondye i diferan avek pese en sel zonm: Zizman provoke par lafot en sel zonm, ti anmenn kondannasyon, tandis ki don gratwi akorde apre bokou fot, ti anmenn zistifikasyon total.

Romen 5:16 ပူးပေါင်းရင်းမြစ်များ

Ezai 1:18

SENYER in deklare: Aprezan vini, annou diskite: Si zot bann pese i rouz, zot pou vin blan parey lannez. Menm si zot rouz fonse, zot pou vin blan parey lalenn.

Ezai 43:25

Pourtan, mwan, mwan menm, par mon prop pwisans, mon pardonn tou ou fot e mon pou oubliy tou ou bann pese.

Ezai 44:22

Mon'n balye ou bann fot parey en nyaz e ou bann pese parey en brouyar. Retourn kot mwan akoz mon'n sov ou.

Nonm 7:15

en toro, en mouton mal adilt, en zenn mouton aze enn an pour sakrifis konplet;

Matye 6:14

Annefe, si zot pardonn bann dimoun ki'n fer zot ditor, zot Papa ki dan lesyel ava osi pardonn zot.

Romen 8:1

Aprezan, i nepli annan okenn kondannasyon pour sa bann ki ini avek Zezi-Kri.

1 Korentyen 11:32

Me Senyer i koriz nou, i ziz nou pour ki nou pa ganny kondannen ansanm avek lemonn.

Galat 3:10

Me tou dimoun ki kont lo lobeisans Lalwa, zot anba malediksyon. Annefe, Lekritir i deklare: Modi sa enn ki pa gard tou sa ki'n ekri dan sa liv Lalwa, e pa met li an pratik.

Let Zak 2:10

Annefe, si en dimoun i met an pratik tou bann komannman, me i mank en pwen ladan, i koupab anver tou leres.