Romen 5:11 - Labib An Kreol Seselwa

¹¹ Sa pa tou: Nou fyer dan Bondye akoz nou Senyer Zezi-Kri, ki'n rekonsilye nou avek Bondye.

Romen 5:11 ပူးပေါင်းရင်းမြစ်များ

Romen 5:10

Kan nou ti ankor lennmi Bondye, nou ti ganny rekonsilye avek li par lanmor son Garson. A pli fort rezon, aprezan ki nou'n rekonsilye avek li, nou pou ganny sove par lavi son Garson.

Filipyen 4:4

Reste touzour dan lazwa, ini avek Senyer. Mon repete: Reste dan lazwa.

Ezai 61:10

Mon pou rezoui dan SENYER. Tou mon leker pou dan lazwa dan mon Bondye, akoz in abiy mwan dan lenz delivrans, in kouver mwan avek rob lazistis, parey en nouvo marye, parey en pret avek son zoli lornman, parey en nouvel marye dan tou son bann bizou.

Galat 4:9

Me aprezan ki zot konn Bondye, ou plito, ki Bondye i konn zot, ki mannyer i posib pour zot anvi retourn kot sa bann eleman san valer e revin zot lesklav?

Psonm 149:2

Izrael! Montre ou lazwa akoz ou Kreater. Zabitan Zerizalenm! Selebre zot lerwa.

1 Pyer 1:8

Zot kontan li, menm si zot pa'n zanmen war li. Zot krwar dan li, menm si zot pa ankor war li. Pour sa rezon, zot dan en lazwa si gran ki pa kapab ganny eksprimen par parol.

Kolosyen 2:6

Alor, parey ki zot in aksepte Zezi-Kri koman Senyer, kontinyen reste atase avek li.

Filipyen 3:3

Nou ki'n resevwar vre sirkonsizyon, akoz nou ador Bondye par son Lespri e nou met nou lafyerte dan Zezi-Kri. Nou konfyans pa baz lo bann privilez imen.

Psonm 104:34

Mon swete ki mon parol i fer li plezir. Mon rezoui dan SENYER.

Psonm 43:4

Alor, mon pou al kot lotel Bondye, ver mon Bondye ki donn mwan lazwa e rann mwan ere. Mon pou loue li avek laarp, li, Bondye, mon Bondye!

Psonm 32:11

Zot ki zis! Rezouir dan SENYER. Zot ki leker i drwat! Sant zot lazwa.

1 Samyel 2:1

Ann ti priye. I ti dir: SENYER i ranpli mon leker avek lazwa, SENYER in fer mwan lev mon latet. Aprezan, mon kapab defye mon bann lennmi; mon dan lazwa, akoz SENYER in sov mwan.

Filipyen 3:1

Aprezan, mon bann frer ek ser! Mon dir zot, rezoui zot ini avek Senyer. I pa deranz mwan pour repet sa ki mon'n deza ekri; pour zot, i bon fer li.

Galat 5:22

Me la bann fri ki Lespri i prodwi: Lanmour, lazwa, lape, pasyans, labonte, zenerozite, fidelite,

1 Korentyen 10:16

Sa lakoup benediksyon ki nou beni, pa i en kominyon dan disan Kris? Sa dipen ki nou kase, pa i en kominyon dan lekor Kris?

Romen 11:15

Annefe, kan zot ti'n ganny rezete, lemonn ti ganny rekonsilye avek Bondye. Ki pou arive alor, kan zot ava ganny aksepte a nouvo? Sa i ava en vre rezireksyon!

Romen 2:17

Me ou ki port sa non Zwif, ki met ou konfyans dan Lalwa e ki fyer ou relasyon avek ou Bondye,

Levanzil dapre Zan 1:12

Sepandan, tou dimoun ki ti aksepte li, ki ti krwar dan son non, zot i'n ganny pouvwar pour vin bann zanfan Bondye.

Levanzil dapre Lik 1:46

Mari ti dir: Mon glorifye Senyer avek tou mon leker.

Romen 5:1

Ensi, aprezan ki nou'n ganny zistifye par nou lafwa, nou anpe avek Bondye par nou Senyer Zezi-Kri.

Romen 5:3

Anplis ki sa, nou rezoui osi menm dan nou bann soufrans, akoz nou konnen ki lasoufrans i prodwi lapasyans;

Romen 8:23

Me pa zis lakreasyon: Nou ki'n deza resevwar Lespri koman premye par bann don Bondye, nou pe soupire dan nou menm, an atandan ki Bondye i pran nou koman son bann zanfan e akord nou en delivrans total.

Romen 9:10

Sa pa tou. I annan osi Rebeka ki ti ganny de zanfan pour en sel zonm: Izaak, nou zanset.

2 Korentyen 8:19

An plis, i'n ganny swazir par bann Legliz pour akonpanny nou dan nou vwayaz pour sa lantrepriz zenerozite ki nou pe fer pour laglwar nou Senyer e pour montre nou dezir pour ed lezot.