Romen 4:6 - Labib An Kreol Seselwa

⁶ Konmsa menm ki David i koz lo boner en dimoun ki Bondye i konsider koman zis, san pran an konsiderasyon son bann aksyon:

Romen 4:6 ပူးပေါင်းရင်းမြစ်များ

Psonm 112:1

Loue SENYER! Byennere sa enn ki annan respe pour SENYER; i pran gran plezir pour son komannman.

Ezai 54:17

Tou zarm ki'n ganny fabrike kont ou pa pou servi nanryen. Okenn lakizasyon kont ou pa pou tenir debout. Sanmenm par ki ou'n rezerve pour bann serviter SENYER e drwa ki sorti kot mwan. SENYER ki'n deklare.

Zeremi 22:6

Annefe, la sa ki SENYER i deklare kont pale lerwa Zida: Pour mwan, ou osi zoli ki lafore Galaad, ki latet montanny Liban. Me san fot, mon pou fer ou vin en dezer, en lavil san zabitan.

Zeremi 33:16

Dan sa bann zour, bann zabitan Zida pou ganny libere, e bann zabitan Zerizalenm pou viv an sekirite. Lavil li menm pou ganny apele: SENYER i nou lazistis!

Danyel 9:24

En peryod 70 semenn in ganny fikse pour ou pep e pour ou lavil sen, pour fer arete transgresyon, e met en lafen avek pese; pour fer disparet tou sa ki mal; pour etabli lazistis pour touzour; pour realiz vizyon ek mesaz sa profet e konsakre en Lasal Tre Sen.

Matye 25:19

Apre en bon pe letan, met sa bann serviter ti retournen e fer zot rann kont.

Romen 1:17

Annefe, Bonn Nouvel i revele koman Bondye i rann bann imen zis devan li: Sa i selman par lafwa depi konmansman ziska lafen, parey Lekritir i deklare: Sa enn ki zis, pou viv par lafwa.

Romen 3:27

Alor, eski i annan ankor rezon pour nou fer vantar? Non, napa. Akoz napa? Akoz sa ki konte aprezan, se pa obei lalwa, me annan lafwa.

Romen 4:11

I ti ganny sirkonsi plitar koman en siny. Sa ti en mark ki montre ki akoz son lafwa, Bondye ti konsider li koman en zis, alor ki i pa ti'n ankor ganny sirkonsi. Konmsa, Abrahanm in vin papa tou sa bann ki krwar dan Bondye menm san ganny sirkonsi, me ki Bondye osi i konsider koman bann zis.

Romen 4:24

In ganny ekri osi pour nou, ki ganny konsidere koman zis, nou ki krwar dan sa enn ki'n resisit Zezi, nou Senyer.

Romen 4:5

Me kan en dimoun ki pa'n travay, i zis krwar ki Bondye i akey anbyen en peser, son lafwa ki fer li ganny konsidere koman en dimoun zis.

Romen 4:7

Byennere sa bann ki zot fot in ganny pardonnen, e ki zot pese in ganny efase.

Romen 4:9

Eski sa benediksyon i egziste zis pour bann sirkonsi, oubyen osi pour bann ki pa'n ganny sirkonsi? Annefe, Abrahanm in ganny konsidere koman zis akoz son lafwa.

1 Korentyen 1:30

Me Bondye in ini zot avek Zezi-Kri ki i'n fer vin nou lasazes: Kris ki rann nou zis devan Bondye, ki permet nou viv pour Bondye e ki delivre nou dan pese.

2 Korentyen 5:21

Kris pa'n fer okenn pese. Me Bondye in sarz li avek tou nou pese, pour ki par li, Bondye i rekonnet nou koman zis.

Galat 3:14

Konmsa ki benediksyon ki ti'n ganny promet avek Abrahanm, in osi ganny donn avek bann non-Zwif, gras a Zezi-Kri. Alor, par lafwa, nou resevwar Lespri ki Bondye in promet.

Galat 4:15

Ki'n arive avek sa lazwa ki zot ti annan otrefwa? Wi! Mon kapab sertifye ki si i ti posib, zot ti ava'n menm aras zot lizye pour donn mwan.

Efezyen 1:3

Nou loue Bondye, Papa nou Senyer Zezi-Kri. Ini avek Kris, i'n beni nou par akord nou toudsort benediksyon spirityel dan lesyel.

Deterononm 33:29

Izrael! Ou byennere. Lekel ki parey ou? En pep ki SENYER in sove; ou boukliye ki sekour ou ou lepe ki donn ou laviktwar. Ou bann lennmi pou kourbe devan ou; ou pou mars lo zot.

Filipyen 3:9

e vin konpletman ini avek li. Pa lobeisans Lalwa ki rann mwan zis, me lafwa dan Kris. Bondye ki rann mwan zis e i rann zis sa enn ki krwar dan li.

2 Timote 1:9

Li menm ki'n sov nou e ki'n apel nou pour vin son pep, pa akoz nou bann bon aksyon, me akoz son prop plan ek son lagras. Depi touzour, i'n akord nou sa lagras par Zezi-Kri.

Let Zak 2:18

Petet en dimoun ava dir: Serten i annan lafwa e mwan, mon annan aksyon. Mon ava reponn li: Montre mwan ou lafwa san aksyon, e mwan, mon ava montre ou mon lafwa par mon aksyon.

2 Pyer 1:1

Sa let i sorti kot Simon Pyer, en serviter e zapot Zezi-Kri, pour bann ki'n resevwar en lafwa osi presye ki pour nou, par lazistis nou Bondye e nou Sover Zezi-Kri.