Romen 4:18 - Labib An Kreol Seselwa

¹⁸ Menm kan ti sanble nepli annan lespwar, Abrahanm ti krwar e i ti espere. Alor, i ti vin papa en kantite nasyon, parey Bondye ti'n dir li: Ou bann desandan pou nonbre.

Romen 4:18 ပူးပေါင်းရင်းမြစ်များ

Proverb 13:12

Lespwar ki tarde realize i anmenn gran sagren; me en dezir ki realize i en pye dibwa ki donn lavi.

Ezekyel 37:11

Apre, SENYER ti dir mwan: Ou ki en imen, ekoute! Sa bann lezo i pep Izrael antye. Zot dir: Nou en bann lezo sek, nou lespwar in mor, nou'n perdi.

Levanzil dapre Lik 1:18

Zakari ti demann lanz, “Ki mannyer mon pou konn sa? Annefe mon vye, e mon fanm osi i annan en laz byen avanse.”

Akt de Zapot 27:25

Alor, mon bann zanmi! Pran kouraz, akoz mon annan konfyans dan Bondye. Tou pou pas parey i'n dir mwan.

Romen 4:17

Parey i'n ekri dan Lekritir: Mon'n fer ou vin papa en kantite nasyon. Abrahanm i nou papa devan Bondye, dan ki i'n krwar. Dan sa Bondye ki rann lavi sa bann ki'n mor e ki donn legzistans sa ki pa ti egziste.

Romen 4:19

I ti annan apepre 100 an, me son lafwa ti reste solid, menm kan i ti konsider son lekor ki ti'n preski deza mor, e son fanm Sara, ki pa ti kapab fer zanfan.

Romen 5:5

Sa lesperans pa tronp nou, akoz lanmour Bondye in ganny deverse dan nou leker par Lespri Sen ki Bondye in donn nou.

Romen 8:24

I vre: Nou'n ganny sove, me dan lesperans selman. Si nou war sa ki nou pe espere, sa i nepli lesperans. Annefe, personn pa esper en keksoz ki deza la.

Ebre 6:19

Sa lesperans i pour nou koman en lank pour nou lavi. I sir e solid. I travers rido Tanp ki dan lesyel ziska dan sanktyer.