Romen 4:13 - Labib An Kreol Seselwa

¹³ Bondye ti promet Abrahanm ek son desandan ki zot pou erit later, pa akoz Abrahanm ti obei Lalwa, me akoz i ti ganny konsidere koman zis, par son lafwa.

Romen 4:13 ပူးပေါင်းရင်းမြစ်များ

Galat 3:29

E si zot pour Kris, alor, zot bann desandan Abrahanm, e zeritye promes ki Bondye in fer.

Romen 9:8

Sa i vedir: Pa tou bann zanfan natirel Abrahanm ki zanfan Bondye, me zis bann zanfan ki dapre promes Bondye, ki ganny konsidere koman vre desandan Abrahanm.

Zenez 28:14

Ou desandans pou nonbre parey lapousyer later e zot pou agrandi dan Was e dan Les, dan Nor e dan Sid. Atraver ou ek ou bann desandan, tou fanmir lo later pou ganny beni.

Psonm 2:8

Demann mwan, e mon ava donn ou tou nasyon e later antye ava vin ou propriyete.

Zenez 17:16

Mon pou beni li, e mon pou osi donn ou en garson atraver li. Mon pou beni li, e i pou vin manman en bann nasyon. Bann lerwa bokou pep pou sorti parmi son desandans.”

Zenez 12:3

Mon pou beni bann ki beni ou; mon pou modi bann ki modi ou. Atraver ou, tou fanmir lo later pou ganny beni.”

Psonm 72:11

Tou bann lerwa ava prostern devan li e tou bann nasyon ava servi li.

Zenez 49:10

Pouvwar rwayal pou reste touzour dan fanmir Zida. Baton komann pou reste dan lanmen son desandans pour touzour. Bann nasyon pou annan respe pour li e obei li.

Akt de Zapot 13:32

E nou, nou pe anons zot sa Bonn Nouvel: Promes ki Bondye ti fer avek nou bann zanset,

Romen 4:12

Abrahanm i osi papa bann sirkonsi, savedir bann ki pa'n zis ganny sirkonsi, me ki mars dapre legzanp lafwa nou papa Abrahanm avan ki i ti ganny sirkonsi.

Ebre 7:6

Melkisedek pa ti sorti dan desandan Levi. Pourtan i ti resevwar ladim avek Abrahanm. Melkisedek ti beni sa enn ki ti'n resevwar promes Bondye.

Ebre 11:7

Par lafwa, Noe ti ekout bann lavertisman ki Bondye ti donn li konsernan keksoz ki ziska prezan personn pa ti'n ankor war. Noe ti obei e konstri en bato pour sov son fanmir. Konmsa, i ti kondann lemonn, e gras a son lafwa, Bondye ti rekonnet li koman en zonm zis.