Romen 3:9 - Labib An Kreol Seselwa

⁹ Alor kwa? Eski nou Zwif, nou pli siperyer ki lezot? Pa ditou! Mon'n deza montre ki tou dimoun i anba dominasyon pese, Zwif koman non-Zwif.

Romen 3:9 ပူးပေါင်းရင်းမြစ်များ

Proverb 20:9

Lekel ki kapab dir: Mon leker i kler; mon pa'n komet okenn pese?

Ezai 65:5

Zot dir: Pa apros mwan, pa vin pre avek mwan, akoz mon tro sen pour zot. Tousala i fer lafimen sorti dan mon nennen, en dife ki brile tou lazournen.

Levanzil dapre Lik 7:39

Kan sa Farizyen ki ti'n envit Zezi, ti war sa, i ti dir dan li menm: Si sa zonm ti en profet, i ti pou konnen lekel sa fanm ki pe tous li, e ki i en fanm movez vi.

Romen 1:18

Depi lesyel, Bondye i montre son lakoler kont tou pese e tou move aksyon ki zonm i fer lo later. Par zot move aksyon, zonm i anpes laverite azir.

Romen 11:32

Annefe, Bondye in fer tou dimoun vin prizonnyen dan dezobeisans, pour ki i montre son konpasyon anver zot tou.

Romen 11:7

E alor? Pep Izrael pa ti ganny sa ki i ti pe rode. Zis sa pti group ki Bondye ti'n swazir ki ti gannyen. Lezot in persiste dan zot landirsisman,

Romen 2:1

Ou! Nenport ki, ki ou ete; ou ki pas zizman lo lezot, ou napa okenn leskiz. Annefe, kan ou ziz lezot, e ki ou fer parey zot, ou pe kondann ou prop lekor.

Romen 3:1

Alor, ki lavantaz en Zwif i annan? Ki litilite sirkonsizyon?

Romen 3:19

Nou konnen ki tou sa ki Lalwa i dir, i dir pour sa bann ki viv anba lalwa. Konmsa, personn pa kapab ouver labous pour eskiz li, e lemonn antye ava ganny rekonnet koupab devan Bondye.

Romen 3:5

Me si nou bann move aksyon i montre ki Bondye i zis, ki nou kapab dir? Eski Bondye i enzis akoz i pini nou? La mon pe rezonn koman en zonm.

Romen 6:15

Alor, eski nou ava fer pese akoz nou pa anba Lalwa, me anba lagras Bondye? Pa ditou!

Romen 7:14

Nou konnen ki Lalwa i spirityel, me mwan, mon zis en dimoun avek en lekor mortel ki'n ganny vann avek pese koman en lesklav.

1 Korentyen 10:19

Ki mon oule dir par sa? Eski lavyann ki'n ganny ofer avek zidol i annan en serten valer? Oubyen, eski zidol ki annan valer?

1 Korentyen 14:15

Alor, ki fodre mon fer? Mon pou priy avek mon lespri, me mon pou osi priy avek mon lentelizans. Mon pou sant avek mon lespri, me mon pou osi sant avek mon lentelizans.

1 Korentyen 4:7

Lekel ki fer ou diferan avek lezot? Ki ou posede ki ou pa ti resevwar? Alor, si ou'n resevwar, akoz ou vant ou lekor konmsi ou pa'n resevwar?

Galat 3:10

Me tou dimoun ki kont lo lobeisans Lalwa, zot anba malediksyon. Annefe, Lekritir i deklare: Modi sa enn ki pa gard tou sa ki'n ekri dan sa liv Lalwa, e pa met li an pratik.

Galat 3:22

Me Lekritir in dir ki pese i kontrol tou keksoz, pour ki promes i ganny akonpli par lafwa an Zezi-Kri, pour tou dimoun ki krwar.

Filipyen 1:18

Ki zot lentansyon i bon oubyen move pa fer mwan nanryen; pourvi ki Kris i ganny anonse. Mon rezoui pour sa e mon pou kontinyen rezoui,