Romen 3:5 - Labib An Kreol Seselwa

⁵ Me si nou bann move aksyon i montre ki Bondye i zis, ki nou kapab dir? Eski Bondye i enzis akoz i pini nou? La mon pe rezonn koman en zonm.

Romen 3:5 ပူးပေါင်းရင်းမြစ်များ

Zenez 18:25

Ou pa kapab detri bann zis ansanm avek bann koupab. Sa enn ki zis pa kapab annan menm sor avek sa enn ki koupab! Eski menm bann ziz sa later antye pa pou azir dapre lazistis?”

Liv Zob 8:3

Eski Bondye i fos lalwa? Eski Bondye liniver pou al kont lazistis?

Nahoum 1:2

SENYER i en Bondye zalou ki vanze. SENYER i tir vanzans, e i tre ankoler. SENYER i revanz lo son bann ladverser, e gard son lakoler kont son bann lennmi.

Romen 12:19

Mon bann zanmi! Pa fer zot prop vanzans, me les lakoler Bondye azir. Annefe, Senyer i deklare dan Lekritir: Mwan ki pou fer vanzans. Mwan ki pou fer peye.

Romen 2:5

Me ou pa oule konpran; ou refize sanze. Pour sa rezon, ou pe anmas lo ou, en pli gran pinisyon kan Bondye pou devers lo ou son lakoler ek son zizman ki zis. Sa zour,

Romen 3:19

Nou konnen ki tou sa ki Lalwa i dir, i dir pour sa bann ki viv anba lalwa. Konmsa, personn pa kapab ouver labous pour eskiz li, e lemonn antye ava ganny rekonnet koupab devan Bondye.

Romen 3:7

En dimoun i kapab dir: Si par mon mansonz, laverite i aparet pli kler pour montre mazeste Bondye, akoz alor, mon devre ganny kondannen koman en peser?

Romen 4:1

Alor, ki nou pou dir lo Abrahanm nou zanset? Kwa ki in gannyen koman en zonm?

Romen 5:8

Me la koman Bondye in prouve ki i kontan nou: Kris in mor pour nou kan nou ti ankor peser.

Romen 6:1

Ki nou pou dir alor? Eski nou pou kontinyen viv dan pese pour ki lagras Bondye i ogmante?

Romen 6:19

Mon pe servi sa fason koze imen, akoz febles zot natir imen. Annefe, otrefwa, parey bann lesklav, zot ti'n soumet zot lekor avek toudsort pratik enpir e zot in viv en lavi dezord ki ti fer zot revolte kont Bondye. Me aprezan, soumet zot lekor konpletman koman bann lesklav, pour zot servi sa enn ki zis e pour anmenn en lavi ki fer plezir Bondye.

Romen 7:7

Ki nou pou dir alor? Eski Lalwa dan li menm i pese? Sertennman non! Me par Lalwa, mon'n konnen kisisa pese. Mon pa ti pou konnen kisisa dezir si Lalwa pa ti dir mwan: Pa annan move dezir.

Romen 8:31

Ki nou kapab dir ankor? Si Bondye i pour nou, lekel ki pou kapab kont nou?

Romen 9:30

Alor, ki nou pou dir? La sa ki nou pou dir: Bann non-Zwif ki pa ti pe rod vin zis devan Bondye, zot in vin zis devan li, me par lafwa.

1 Korentyen 15:32

Ki lavantaz mon annan si pour en motif pirman imen ki mon'n lite avek bann zannimo sovaz Efez? Si napa rezireksyon pour bann ki'n mor, annou manze e bwar, akoz demen nou pou mor.

1 Korentyen 9:8

Mon pa pe dir sa baze zis lo lavi tou le zour. Lalwa osi i dir menm keksoz.

2 Korentyen 6:4

O kontrer, nou fer tou nou posib pour viv koman bann serviter Bondye: Nou'n persevere omilye bann soufrans, dan bann moman detres, e dan bann kalamite.

2 Korentyen 7:11

Gete ki mannyer Bondye in itiliz zot latristes: Zot in azir vit pour defann zot lekor e regrete! Zot per mal azir; zot anvi revwar mwan; zot deside pini sa enn ki koupab.

Galat 2:18

Annefe, si mon rekonstri en keksoz ki mon'n detri, mon vin mwan menm koupab.

Galat 3:15

Mon bann frer ek ser! Les mwan servi en legzanp dan lavi tou le zour: Personn pa kapab kas testaman en dimoun, ni azout nanryen, enn fwa ki i'n ganny ratifye.

Revelasyon 15:3

Zot ti pe sant kantik Moiz, serviter Bondye, ek kantik Zenn Mouton: Senyer Bondye Toupwisan! Ou travay i gran e merveye. Lerwa bann nasyon! Tou ou bann plan i zis e vre.

Revelasyon 18:20

Lesyel! Rezoui lo son larin! Zot osi, pep Bondye, bann zapot, ek bann profet! Rezoui! Bondye in ziz li pour sa ki i'n fer zot.