Romen 3:11 - Labib An Kreol Seselwa

¹¹ Napa personn ki annan disernman, personn pa rod Bondye.

Romen 3:11 ပူးပေါင်းရင်းမြစ်များ

Psonm 53:2

Dan lesyel, Bondye i get zabitan later pour war si i annan okenn ki annan disernman, ki rod Bondye.

Psonm 53:4

Eski sa bann malfeter pa realize zot pe devor mon pep kan zot pe manz son dipen e ki zot pa rod Bondye?

Psonm 94:8

Bann fou! Konpran sa. Kan eski zot pou konpran?

Proverb 1:22

Zot bann bet! Ziska kan zot pou kontinyen kontan zot sotiz? Ziska kan bann ensolan pou kontan ensilte, e bann sot deteste konnesans?

Proverb 1:7

Respe pour SENYER i konmansman lasazes. Zis bann fou ki napa respe pour lasazes ek lenstriksyon.

Ezai 27:11

Ler bann brans i sek, zot ganny kase; bann fanm i vin met dife. Sa pep i san konpran. Pour sa rezon ki sa enn ki'n fer li, pou san pitye pour li; sa enn ki'n form li pa pou fer li okenn faver.

Ezai 31:1

Maler pour sa bann ki desann Lezip pour rod led! Zot kont lo bann seval; zot met zot konfyans dan bann kales lager akoz i annan en kantite e dan bann kavalye, akoz zot tre for. Me zot pa lev lizye ver Bondye Sen Izrael ni konsilte SENYER!

Ezai 55:6

Rod SENYER letan zot ankor kapab trouv li, apel li letan i lanmenm pros.

Ezai 65:1

Mon ti pare pour les mwan ganny konsilte par sa bann ki pa'n demande; pour ganny trouve par sa bann ki pa ti pe rod mwan. Mon ti dir avek en nasyon ki pa ti envok mon non: La mon la, la mon la!

Ezai 9:13

Lepep pa retourn ver sa enn ki'n pini li, i pa tourn ver SENYER liniver.

Zeremi 4:22

Mon pep i san konpran. Zot pa konn mwan koman zot Bondye. Zot parey bann zanfan fou, ki pa konpran nanryen. Zot eksper dan fer sa ki mal, me zot pa konn fer sa ki byen.

Oze 4:6

Mon pep i ganny detri akoz zot mank konnesans. Akoz ou, ou'n rezet konnesans, mon pou rezet ou koman mon pret. Akoz ou'n oubliy lalwa ou Bondye, mon pou oubliy ou bann zanfan.

Oze 7:10

Lorgey Izrael i temwanny kont li. Izrael pa'n retourn ver SENYER son Bondye. Apre tou, zot pa rod li.

Matye 13:19

Dimoun ki antann koz lo Rwayonm, me ki pa konpran, zot parey bann lagrenn ki tonm lo semen. Dyab i vini e retir tou sa ki'n ganny senmen dan zot leker.

Romen 1:22

Zot pretann ki zot savan, me zot in vin plito fou.

Romen 1:28

Ensi, akoz zot in refize rekonnet Bondye, Bondye in les zot ale avek zot lespri deregle dan bann pratik onte.

Romen 3:10

Annefe, Lekritir i deklare: Napa personn ki zis, pa menm en sel.

Romen 3:12

Tou dimoun in kit bon semen; zot in tourn ver lemal. Napa personn ki fer sa ki byen, pa menm en sel.

Romen 8:7

Si en dimoun i les li ganny kontrole par son natir imen, i vin lennmi Bondye. Annefe, i pa soumet li avek Lalwa Bondye e i menm enkapab fer li.

Let Pol pour bann Tit 3:3

Annefe, nou osi, dan lepase, nou ti bet, rebel e dan lerer. Nou ti lesklav toudsort kalite pasyon ek plezir. Nou ti pe viv dan mesanste e dan lanvi; dimoun ti ay nou e nou ti ay kanmarad.

1 Zan 5:20

Nou konnen ki Garson Bondye in vini. I'n donn nou disernman pour konn sa enn ki vre Bondye. Nou, nou reste ini avek vre Bondye, gras a son Garson Zezi-Kri. Li menm vre Bondye; li menm lavi eternel.