Romen 2:8 - Labib An Kreol Seselwa

⁸ Me i ava montre son lakoler ek son mekontantman anver bann ki revolte kont li, bann ki opoz laverite e ki ganny enfliyanse par lenzistis.

Romen 2:8 ပူးပေါင်းရင်းမြစ်များ

2 Kronik 6:23

ou SENYER, depi lesyel ekoute e azir. Ou menm, ziz ou bann serviter; pini sa ki koupab dapre sa ki i merite; deklar inosan sa ki pa'n komet okenn mal.

Liv Zob 24:13

I annan ki pa kontan lalimyer. Zot pa abitye avek son bann semen e zot pa swiv son bann santye.

Psonm 90:11

Lekel ki kapab konn lafors ou lakoler? Nou lafreyer i osi gran ki ou lakoler.

Proverb 11:23

Sa enn ki zis i kontan fer selman sa ki byen; En malfeter i trouv son lespwar dan vanzans.

Proverb 13:10

Larogans i provok zis dispit; lasazes i avek sa enn ki ekout konsey.

Ezai 50:10

Lekel parmi zot ki annan respe pour SENYER e ekout lavwa son serviter? Lekel ki mars dan fernwanr san okenn lalimyer, me ki kanmenm fer konfyans dan non SENYER e apiy lo son Bondye?

Zeremi 34:18

Bann ki'n kas mon lalyans e ki pa'n respekte bann kondisyon lalyans ki zot ti fer devan mwan, zot pou vin parey sa pti toro ki ti ganny koup an de e pas dan milye sa bann morso.

Ezekyel 22:31

Alor, mon'n devers mon lakoler kont zot. Mon'n bril zot avek dife mon lakoler. Mon'n fer zot pey konsekans zot move konportman. Senyer BONDYE ki deklare.

Nahoum 1:6

Lekel ki kapab reziste dan son lakoler? Lekel ki kapab siport lasaler son lakoler? Son rankin i propaze parey dife. Bann ros i fann devan li.

Romen 1:18

Depi lesyel, Bondye i montre son lakoler kont tou pese e tou move aksyon ki zonm i fer lo later. Par zot move aksyon, zonm i anpes laverite azir.

Romen 10:16

Me pa tou dimoun ki'n aksepte Bonn Nouvel. Annefe, Ezai i dir: Senyer! Lekel ki'n krwar nouvel ki zot in antann nou anonse?

Romen 15:18

Annefe, si mon oze dir keksoz, se akoz Kris in realiz sa bann keksoz atraver mwan pour fer bann non-Zwif obei Bondye. In fer sa par bann parol e par bann aksyon,

Romen 6:17

Me annou remersye Bondye: Avan, zot ti lesklav pese. Aprezan, zot obei avek tou zot leker, sa lansennyman ki zot in resevwar.

Romen 9:22

Alor, Bondye in oule montre son lakoler e fer konnen son pwisans. Pourtan, in siport avek en gran pasyans bann ki merit son lakoler e ki ti pare pour destriksyon.

1 Korentyen 11:16

Si i annan dimoun ki oule diskit lo sa size, ni Legliz Bondye ni nou menm, nou napa sa labitid.

2 Korentyen 12:20

Mon per ki ler mon ariv kot zot, mon pa pou war zot parey mon ti ava kontan e ki zot osi, zot pa pou war mwan parey zot ti ava kontan. Mon per ki pou annan kerel, zalouzi, lannimozite, dispit, kalonmni, bavardaz, lorgey ek dezord.

Galat 5:20

ladorasyon zidol, siperstisyon, laenn, diskord, zalouzi, lakoler, egoism, divizyon,

Filipyen 1:17

Sa premye group pa pres Kris avek senserite, me avek en lespri rivalite. Zot mazinen fer mwan soufer plis ankor pandan ki mon la dan prizon.

Filipyen 2:3

Pa fer nanryen dan en lespri konpetisyon ni par lorgey. O kontrer avek limilite, konsider lezot pli enportan ki ou.

2 Tesalonisyen 1:8

I pou vin dan en laflanm dife, pour pini bann ki refiz konn Bondye ek bann ki pa obei Bonn Nouvel nou Senyer Zezi.

Let Pol pour bann Tit 3:9

Me evite fer bann diskisyon bet, bann long lalis bann zanset, kerel ek lager konsernan Lalwa. Tousala i initil e san valer.

Ebre 10:27

I reste zis pour espere dan lafreyer, Zizman Bondye ek sa dife feros ki pou devor tou son bann lennmi.

Ebre 11:8

Par lafwa, Abrahanm ti obei, kan Bondye ti apel li: I ti al dan en pei ki i ti pou resevwar koman son posesyon. I ti kit son prop pei san konnen kote i ti pe ale.

Ebre 5:9

Ler i ti'n ganny laperfeksyon, i'n vin sours delivrans eternel pour tou bann ki obei li.

Let Zak 3:14

Me si zot leker i ranpli avek en zalouzi anmer ek en lespri rivalite, aret vant zot lekor koman bann saz; aret fer ditor laverite par zot mansonz.

Let Zak 3:16

La kot i annan zalouzi ek lespri rivalite, i annan dezord ek toudsort move keksoz.

1 Pyer 3:1

Zot bann fanm, zot devre aksepte lotorite zot mari. Konmsa, si i annan ki refize krwar dan Parol Bondye, zot ava kanmenm kapab aksepte lafwa, gras a zot kondwit.

1 Pyer 4:17

Annefe, ler i'n arive pour zizman konmanse, e se par pep Bondye ki i pou konmanse. Alor, si zizman Bondye i konmans par nou, ki pou arive avek sa bann ki refize krwar dan Bonn Nouvel Bondye?

Revelasyon 14:10

li osi, i pou bwar diven lakoler Bondye ki'n ganny verse san melanz, dan lakoup son lakoler. I pou ganny tourmante dan dife ek souf, devan bann lanz sen e devan Zenn Mouton.

Revelasyon 16:19

Sa gran lavil ti diviz an trwa parti. Bann lavil dan bann pei antye ti ganny detri. Alor, Bondye ti rapel gran Babilonn e i ti fer li bwar lakoup diven son gran lakoler.